Nonomho Te Keli Teke Risoi Mae Mak 1:5 - Buka Blahi Ka Cheke Holo

⁵ Ka narane tuana, kmana naiknodi Jerusalem nei naiknodi ka keha namono ka Provins Judia eghu ne mei fanomho ka mana. Mare ne mei cheke thakledi nakhibodire ka mae Jone ne apublahi ka mana ka Kho'u Jordan.

Nonomho Te Keli Teke Risoi Mae Mak 1:5 ပူးပေါင်းရင်းမြစ်များ

Mae Khuru 19:18

Kmana naikno fatutuani ne funu cheke thakledi nakhibodire ke uludi keha naiknore nei kafe chekedi glepo te diꞌa teke edi thedi tifa re.

Mae Khuru 2:38

Mae Pita ne cheke eghu ka mare, “Tughu nagnafa, nei kafe apublahi ka nanghagna mae Jisas Kraes, aonu God ginauna hata fadelei u nakhibomire nei tusu ranghi ghami u Tharunga te Blahi na.

Jone 3:23

Ka narane tuare mae Jone ne faꞌapublahi naiknore ka namono Aenon rhegna Salim, naugna jare na au khoꞌu. Kmana naikno ne tei jare mala apublahi ka mana.

Jone 1:28

Cheke igre neke edi ka namono Betani ke maghati Kho'u Jordan. Igne ka vido aheva teke faꞌapublahi naikno mae Jone ia.

Matiu 4:25

Kmana naikno mei funudi ka Provins Galili, nohi Dikapolis, ka namono biꞌo Jerusalem, ka Provins Judia nei ka keha phile Kho'u Jordan ne tei leghuni mae Jisas.

Proveb 28:13

Jame te pophoru iagho nakhibomure, iagho ginauna na theome au fakeli. Nu jame te cheke thakledi iagho nakhibomure, eghuteuna figri tagrudi iagho nakhibo igre teuna, God ginauna kokhoni nigho iagho.

Nodi Khoje Hatimare Mae Jiu 32:5

Nu, Lord, u gaoghathogu na iara magnahaghei te cheke thakledi nakhibogure ka iagho. Eghume, iara neke eni tuana. Ke leghugna te cheke thakledi iara nakhibogure ka iagho na, iara neke theome porudi nakhibogure. Kate cheke thakledi te hui iara re, iagho hata kokodi najafragu nei nakhibogu teu iara re.

Josua 7:19

Eghuteuna mae Josua ne cheke eghu ka mae Ekan, “Ghema, iagho gognarona kegra ke ulugna God, noda Lord tahati maeda Israel! Iara magnahaghei nigho iagho te cheke thakledi unha teke edi iaghore. Iagho thosei pophoru kaisei glepo ka iara.”

Nonomho Te Keli Teke Risoi Mae Mak 1:4

Aonu, mae Jone ne jifla mei ka namono nagou na ne funu faꞌapublahidi naiknore ne toutonu eghu, “Ghotilo lilisei puhimi te diꞌare, nu mala apublahi eghu, eghuteuna God ginauna hata fadeleidi nakhibomi ghotilo re.”

Nonomho Te Keli Teke Risoi Mae Mak 1:6

Mae Jone neke pipichi ka pohe teke hohoro kau khakla kamel, eghuteuna nogna nhugha na guli buluka. Eghuteuna gano te ghamu mana re khupo nei jujurukuli.

Jone 5:35

Mae Jone gne jateula kaisei juta te faghano phae te mala filo fakelini u nabrou te tei ka God ia eghu. Eghuteuna katha vido ikoi ghotilo neke nomhidi chekegna mana re neke gleale'a fara.

Jemes 5:16

Eghume te cheke thakledi ghotilo nakhibomire fari themi nei fari totoghoi ka nomi tharai na mala ke keli fapulo. Nogna tharai mae ihei te doglo fara ke ulugna God na thono nolaghi fara.