Nonomho Te Keli Teke Risoi Mae Mak 1:45 - Buka Blahi Ka Cheke Holo

⁴⁵ Nu mae igne tei ne toutonu tafri eigna thoutonu igne ka naikno te kmanare. Naugna igne mae Jisas ne theome tei tafri ka keha namonore. Mana tei ne au ka vido aheva te theome tangomana kaisei naikno te au tagna na. Neuba, naiknore mei ka mana funudi heva heva ka namono te kmanare.

Nonomho Te Keli Teke Risoi Mae Mak 1:45 ပူးပေါင်းရင်းမြစ်များ

Nonomho Te Keli Teke Risoi Mae Mak 2:13

Mae Jisas neke puloi rhegna Kholo Galili. Kmana naikno ne kafe khapru mei ka mana, eghuteuna mana ne farirhiudi jare.

Matiu 9:31

Nu neuba ngau phiamare jifla ne tei toutonu tafrini thoutonu gna mae Jisas na ka nohi tuana.

Jone 6:2

Kmana naikno leghuni mana, naugna mare ne filodi nogna gloku te nolaghi te edi mana te fakelidi naikno te fogra re.

Nodi Khoje Hatimare Mae Jiu 77:11

Lord God, iara ginauna ghathodi glepo biꞌo teke edi iagho ra. Uve, iara ginauna ghathodi glepo biꞌo teke edi iagho tifara.

Nonomho Te Keli Teke Risoi Mae Mak 3:7

Aonu, mae Jisas jifla baludi nogna mae fanomhore ne tei ka Kholo Galili. Eghuteuna kmana naikno ne tei balugna mana. Naikno igre neke mei funudi Galili, Judia, Jerusalem, Idumia nei ka namono te au ka keha phile Kho'u Jordan, nei funudi ka nohi Taea nei Saedon. Naikno igre mei ka mae Jisas naugna mare nomhidihi thoutonu eidi gobigna lepo teke edi mana re.

Matiu 28:15

Aonu mae soldiare hata fofoli ka mare ne leghuni unha te chekeni mae pris ulu igre. Eghume nodi thoutonu mae soldia igre ne tei krepa tongana fari hoteidi mae Jiu, ne ghilei mei thoke ka narane gognarogne.

Taetus 1:10

Iara magnahaghe nigho te vahidi keha mae mala baubatu, naugna gognaro na kmana mae velepuhi chaichaghi au jare ka moumolu Krit. Mae velepuhi chaichaghi igre mare theome magnahaghei te leghuni chekegna ihei na, nu hatimare edi kmana thoutonu chaichaghi te theo nafudi kolho igre ranghidi naiknore. Kmana mae ka hatimare mae velepuhi igre mare au ka tothoghei mae te magnahaghedi naikno khiloau re te mala leghudi nodi vetula mae Jiu re.

Matiu 9:26

Nonomho gna igne ne tei tongana heva heva ka namono te kmana ke lamnagna provins tuana.

Nonomho Te Keli Teke Risoi Mae Mak 3:20

Mae Jisas neke pulo mei ka nogna suga na. Ka vido tuana kmana naikno fara ne khapru mei ka mana. Aonu mae Jisas baludi nogna mae fanomhore ne theo kaisei vido narane te snagla te mala ima na.

Nonomho Te Keli Teke Risoi Mae Mak 7:36

Mae Jisas ne cheke faheta ka naiknore mala thosei toutonu tafri glepo igne ka ihei nga. Neubane cheke faheta mae Jisas ka mare, mare heta ghedi ne toutonuni ngala.