Nonomho Te Keli Teke Risoi Mae Mak 1:27 - Buka Blahi Ka Cheke Holo

²⁷ Naiknore jaglo nodi fara ne funu cheke eghu fari thedi, “Tore, unha si gnea? Keha nafnata farirhiu majaghani jau? Mae igne cheke faheta fara jateula mae te au nolaghi eghu. Te cheke faheta mana ka naiture, mare faꞌuveni ngala mana!”

Nonomho Te Keli Teke Risoi Mae Mak 1:27 ပူးပေါင်းရင်းမြစ်များ

Luku 9:1

Mae Jisas ne kilo fodudi nogna nabotho phei mae khurure. Aonu mana ne tusu ranghidi nolaghi te mala fakelidi naikno te fogra, nei nolaghi te mala bruedi naiture.

Nonomho Te Keli Teke Risoi Mae Mak 7:37

Eghuteuna naikno te nomhini thoutonu igne ne jaglo nodi fara, ne cheke eghu, “Icho idomi! Gobigna lepo te edi mana igre thono keli fara! Naikno teke meglire kela nonomho nei naikno teke iho cheke re kela lase cheke.”

Matiu 15:31

Aonu, naiknore jaglo nodi fara kate filodi iheire teke iho chekere neke lase cheke, iheire teke blughure neke keli fapulo, iheire teke lehe ghahedire neke nonolo, nei iheire teke dofure neke fifilo fakeli. Aonu mare ne kilo fnaknoni nodi God mae Israel eigna igne.

Matiu 9:33

Kate brue fajifla mae Jisas naitu teke au ka mana na, mana neke funu facheke. Naiknore filoni igne ne jaglo nodi fara ne cheke eghu, “Icho idomi! Theo kaisei glepo teke filoni tahati jateula igne teku agne Israel tifa na! Igne ngala kaisei glepo ululahu te filoni tahati na!”

Luku 4:36

Naiknore ne kafe jaglo nodi fara, ne cheke eghu fari thedi, “Icho idomi! Unha nafnata cheke si ignea? Mae igne au nolaghi ne brue fajifladi naitu gre!”

Nonomho Te Keli Teke Risoi Mae Mak 10:32

Ka nabrou te haghe mare Jerusalem na, mae Jisas ne kulu tei ke uludi mae fanomhore. Hatimare ne thono jaglo nodi fara ka mana, eghuteuna naikno te leghuni mana re ne mhaghu nodi la. Aonu mae Jisas neke hata fadelei nabotho phei nogna mae fanomhore ne funu cheke ranghidi unha nate eni ka mana ginauna.

Nonomho Te Keli Teke Risoi Mae Mak 10:24

Mae fanomhore ne jaglo nodi fara ka nogna cheke mana igre. Nu mana ne cheke eghu ka mare, “Tore, kheraguro, thono ninhigrana fara ranghini kaisei naikno te au baludi naikno God te funei frunidire.

Matiu 8:9

Tutuani fara, iara gne kaisei mae au la mae biꞌo te mala kuru ghau na. Nu au kmana mae soldia langau te mala kurudi iara re. Eghuteuna, te cheke eghu iara ka mae igne, ‘Tei sagho,’ mana na tei. Nu te cheke eghu iara ka keha mae ana, ‘Mei sagho agne!’ mana na mei. Nu te cheke eghu iara ka nogu mae gloku na, ‘Eni sagho igne!’ mana na eni tuana.”

Nonomho Te Keli Teke Risoi Mae Mak 1:26

Aonu naitu na fararajani mana ne jifla mei balu eha fabiꞌo.

Nonomho Te Keli Teke Risoi Mae Mak 1:28

Funu ka narane tuana nonomho eigna mae Jisas na ghosei ne tei posa ka namono te gnafa ka Provins Galili.

Nonomho Te Keli Teke Risoi Mae Mak 16:5

Rehati ruma ka gluma na ne filoni kaisei mae majaghani te fahaghe phoko vegha gnokro neu ka gluma na. Mana gnokro neu fei nhetadi reꞌe. Rehati filoni mana ne mhaghu nodi fara.

Nonomho Te Keli Teke Risoi Mae Mak 16:6

Mae majaghani igne ne cheke eghu ka reꞌe, “Thosei mhaghu. Iara lase ghami ghotilo, ghotilo mei hironi mae Jisas gna Nasaret, mae ihei teke tupijuruni mare kau gaju fafatha ia. Mana theome au agne, mana na kela karha fapulohi. Mei si ghotilo agne mala filoni vido aheva mare teke liliseini mana na.

Mae Khuru 17:19

Mare hatani mae Pol ne tei ka tothoghei mae funei te kilodi Ariopagus. Mae igre ne cheke eghu ka mae Pol, “Ghehati magnahaghei te laseni fara u gaoghatho majaghani te farirhiuni iagho gne.