Nonomho Te Keli Teke Risoi Mae Mak 1:25 - Buka Blahi Ka Cheke Holo

²⁵ Aonu, mae Jisas ne cheke faheta eghu ka naitu na, “Megeu! Jifla mei sagho ka mana!”

Nonomho Te Keli Teke Risoi Mae Mak 1:25 ပူးပေါင်းရင်းမြစ်များ

Nonomho Te Keli Teke Risoi Mae Mak 1:34

Mae Jisas ne kafe fakelidi ne gnafa naikno te au kmana nafnata khabru tadi. Eghuteuna mana ne brue teidi la naitu te kmana teke au ka naiknore. Nu mae Jisas theome snakredi naiture te cheke na, naugna mare lasenihi mae Jisas.

Mae Khuru 16:17

Gaꞌase igne mei ke leghumi ghehati nei mae Pol. Naꞌa ne cheke eghu fabiꞌo, “Mae igre, mare nogna mae gloku God te au kligna! Mare toutonuni ka ghotilo nogna puhi God te mala fakarhi ghami ghotilo na!”

Luku 4:41

Naitu teke au ka naikno te kmanare jifla mei ne eha fabiꞌo eghu, “Iagho Thugna God!” Nu mae Jisas ne cheke faheta ka naiture mala thosei cheke, naugna hatimare lasenihi mae Jisas gne ngala mae Kraes na.

Nonomho Te Keli Teke Risoi Mae Mak 9:25

Mae Jisas ne filodi naiknore ne kafe thugha mei jare mala filoni unha te eni mae Jisas na. Aonu mae Jisas ne cheke eghu ka naitu na, “Iagho naitu te fameglini nei faꞌiho chekeni teu mae sitei igne, jifla mei ka mana. Eghuteuna, thosei ke ruma ka mana eghu!”

Luku 4:35

Mae Jisas ne cheke faheta eghu ka naitu na, “Megeu! Jifla mei sagho ka mana!” Naitu na ne koko soruni mana ke uludi mare, ne jifla ka mana, nu naitu na ne theome fadiꞌani mana.

Nodi Khoje Hatimare Mae Jiu 50:16

Nu God ne cheke eghu ka naikno te diꞌa re, “Mala unha si ghotilo te iju polodi nogu vetula iara grea? Mala unha si ghotilo te toutonudi nogu nhaꞌa cheke iara teke edi iara ka mae kuꞌemi ghotilo tifa ra? Ghotilo mae chaichaghi kolho.

Matiu 9:30

Aonu phiamare ghosei neke fifilo fakeli. Nu mae Jisas ne cheke faheta eghu ka phiamare, “Thosei toutonuni igne ka ihei nga ghopa ia!”

Nonomho Te Keli Teke Risoi Mae Mak 1:24

“Jisas, mae gna Nasaret, mala faꞌunha ghami ghehati neku sagho ia? Iagho jau mala mei fadiꞌa ghami ghehati neku sini! Iara lase nighohi iagho thofno mae blahi nogna God!”

Nonomho Te Keli Teke Risoi Mae Mak 1:26

Aonu naitu na fararajani mana ne jifla mei balu eha fabiꞌo.