Nonomho Te Keli Teke Risoi Mae Mak 1:24 - Buka Blahi Ka Cheke Holo

²⁴ “Jisas, mae gna Nasaret, mala faꞌunha ghami ghehati neku sagho ia? Iagho jau mala mei fadiꞌa ghami ghehati neku sini! Iara lase nighohi iagho thofno mae blahi nogna God!”

Nonomho Te Keli Teke Risoi Mae Mak 1:24 ပူးပေါင်းရင်းမြစ်များ

Matiu 8:29

Phiamare ne filo teini mae Jisas ne eha eghu ka mana, “Thugna God, mei mala faꞌunha ghami ghehati sagho ia? Ba, mei mala para ghami ghehati ame thokei mei nga narane teke kulu lilisei God te mala fate ghami ghehati na neku sagho ia?”

Jemes 2:19

Nu te laseni iara na, keha naikno ka ghotilo cheke eghu koba, “Ghehati fatutuani ni kaisei God ngala.” Nu te chekeni iara na, naiture jaola fatutuani ni kaisei God. Nu fatutuani igne theome mala fakarhidi mare. Eghuteuna kate nomhini mare nanghagna God na, mare thono mhaghu nodi fara.

Luku 4:34

“Sei! Ghema Jisas gna Nasaret! Mala faꞌunha ghami ghehati sagho ia? Iagho jau mala mei fadiꞌa ghami ghehati neku sini! Iara lase nighohi, iagho thofno mae blahi nogna God!”

Mae Khuru 3:14

Tutuani, mana kaisei mae blahi nei doglo eghu, nu te chekeni ghotilo na ghotilo theome magnahagheni mana. Nu ghotilo toreni mae Paelat mala snakre ranghi ghau mae Barabas, kaisei mae te diꞌa teke falehe naikno ia.

Thakle 3:7

Mae igne neke cheke eghu ka iara, “Iagho rioriso tei kaisei letas ranghini engel gna khiloau Filadelfia, eghuteuna iagho cheke eghu ka mana: Igre nogu cheke iara mae ihei te blahi nei taji fabrahuni teu nogu nhaꞌa cheke na. Iara au nolaghi te mala funei frunidi naiknore jateula mae King Devet tifa ia eghu. Tutuani iara au nolaghi te mala chekeni ihei te ruma haghe ka nogna nauthoglu majaghani God na, nei ihei nate theome ruma haghe jare na. Jateula iara te au kaisei ki ka khamegu na te mala tothora grengatha na ranghidi kehare nei bobotho ranghidi kehare teuna.

Mae Khuru 2:27

Naugna iagho ginauna na theome lisa laoni tharungagu na Hades. Eghuteuna iagho ginauna theome snakreni nou Mae Blahi na mala boto ke lamna gluma.

Luku 8:28

Eghuteuna kmana fata naitu na mei faheta fara ka mana. Neuba naiknore ne haru ghahegna nei khamegna teure ka phukri, ba lilisei mae mala reireghini, mana tangomana ngala te kukusu phukrire. Eghuteuna naitu na ne kuru teini mana mala au ka namono nagou na. Kate filoni mae Jisas na, mana eha eghu fabiꞌo ne tuturupuku ke ulugna mae Jisas. Jisas ne cheke faheta ka naitu na mala jifla mei ka mana. Aonu mae igne ne eha eghu fabiꞌo, “Sei, Jisas, Thugna God te nolaghi! Ba, na faꞌunha ghau iara sagho ia? Iara tore nigho mala thosei goigoni ghau iara!”

Nonomho Te Keli Teke Risoi Mae Mak 5:7

Eghuteuna mae Jisas ne cheke eghu, “Iagho naitu, jifla mei ka mana!” Aonu, mana ne eha eghu fabiꞌo, “Jisas, Thugna God ka maloa kligna! Iagho ginauna na faꞌunha ghau iara sia? Ka nanghagna God iara tore mala thosei para ghau iara!”

Nodi Khoje Hatimare Mae Jiu 16:10

Iagho ginauna na theome snakre tei ghau iara ka namonodi naikno tela lehehi ra. Iagho theome snakre ghau iara te mala boto ke lamna gluma na naugna iara ne namha nigho iagho.

Jone 6:69

Gognaro ghehati fatutuani nigho iagho. Ghehati laseni nigho iagho mae blahi neke mei funu ka God.”

Luku 1:35

Engel ne cheke eghu ka naꞌa, “Meri, mae Tharunga te Blahi na ginauna na soru mei ke kligna mu iagho. Eghuteuna nogna nolaghi biꞌo God na ginauna na au balumu iagho. Naugna igne u sua na ginauna na blahi eghuteuna naiknore ginauna na kiloi mana thofno Thugna God.

Mae Khuru 24:5

“Eghume te filo glanini ghehati na mae igne kaisei mae mala eꞌei puhi ke lamnadi mae Jiu gre heva heva ka nauthoglu igne. Mana kaisei mae mala baubatu ka tothoghei gna Nasaret.

Mae Khuru 4:27

Tuani fara Lord, agne Jerusalem na mae Herod ghe mae Pontius Paelat neke kaisei baludi naikno te theome Jiure nei naiknodi Israel re eghu mala faleheni mae Jisas, mae nou gloku blahi iagho na. Mae ihei iagho teke vahini mala mae Mesia.

Luku 24:19

Mae Jisas ne cheke eghu ka phiamare, “Eigna unha sia?” Phiamare ne cheke eghu ka mana, “Eigna mae Jisas gna Nasaret. Mana kaisei mae profet funugna ka God. Eghuteuna nogna gloku nei nogna cheke teure thono nolaghi fara ke ulugna God nei ke uludi naikno te gnafa.

Luku 8:37

Naiknodi Gerasa re kafe mhaghu nodi fara, naugna unha teke eni mae Jisas na ne toreni mana mala jifla tei delei. Aonu mae Jisas saghe ka mola na neke pulo Galili.

Eksodas 14:12

Ame jifla nga tahati teku ia, ghehati neke kulu cheke nighohi eidi glepo nate thoke mei ka tahati gognaro gre! Jame nabami na ghehati gne neke mala au sneka neku kolho Ijep. Eigna theome keli te mei lehe ghehati ka namono nagou igne na.”

Profet Daniel 9:24

“God na liliseihi fati gobi nheva salei finogha te mala toghodi nou naikno iaghore balugna namono biꞌo Jerusalem. Ka gnafadi narane tuare, mana ginauna koko fahui nakhibomi nei puhimi teu ghotilo te diꞌare. Eghuteuna mana ginauna lilisei gaoghatho te doglo ka nogna naiknore mala au fakeli tifa tifa. Eghuteuna mifi nei nodi cheke hatimare mae profet teu igre ginauna thoke mei tutuani. Funu gognarogne, Sugablahi igne ginauna thono blahi fara.

Nonomho Te Keli Teke Risoi Mae Mak 1:23

Aonu ka narane tuana kaisei mae te au naitu na au jare ka suga tharai na. Mana ne funu eha eghu fabiꞌo,

Nonomho Te Keli Teke Risoi Mae Mak 1:25

Aonu, mae Jisas ne cheke faheta eghu ka naitu na, “Megeu! Jifla mei sagho ka mana!”

Nonomho Te Keli Teke Risoi Mae Mak 10:47

Aonu kate nomhini mana thoutonu gna mae Jisas gna Nasaret te mei ka nabrou tuana na, mana ne funu eha eghu fabiꞌo, “Jisas! Vikegna mae King Devet! Kokhoni ghau iara!”

Nonomho Te Keli Teke Risoi Mae Mak 14:67

Kate filoni mana te peha teu ka khaꞌaghi na, naꞌa ne filo ka mae Pita ne cheke eghu, “Iagho jaola balugna mae Jisas gna Nasaret.”

Nonomho Te Keli Teke Risoi Mae Mak 16:6

Mae majaghani igne ne cheke eghu ka reꞌe, “Thosei mhaghu. Iara lase ghami ghotilo, ghotilo mei hironi mae Jisas gna Nasaret, mae ihei teke tupijuruni mare kau gaju fafatha ia. Mana theome au agne, mana na kela karha fapulohi. Mei si ghotilo agne mala filoni vido aheva mare teke liliseini mana na.

Ululahu Jone 2:20

Nu ghotilo theome jateula mare eghu, eigna mae Tharunga te Blahi neke meihi ke klignami ghotilo. Eghume ghotilo te gnafa na laseni cheke te tutuani na.