Nonomho Te Keli Teke Risoi Mae Mak 1:10 - Buka Blahi Ka Cheke Holo

¹⁰ Ke leghugna te apublahi na, mae Jisas te thagra haghe kau khoꞌu na, mana ne filoni maloa na ne thora, eghuteuna mae Tharunga te Blahi na ne soru mei ke kligna gna mana jateula kaisei balhu neu.

Nonomho Te Keli Teke Risoi Mae Mak 1:10 ပူးပေါင်းရင်းမြစ်များ

Luku 3:22

eghuteuna Tharunga te Blahi na ne soru mei ke kligna gna mana jateula balhu neu. Kaisei naogla ne cheke mei funu kligna ne cheke eghu ka mana, “Iagho thofno mae Thugu iara. Iara thofno namha nigho nei thofno gleꞌa nigho eghu.”

Matiu 3:16

Ke leghugna te apublahi na, mae Jisas ne daka mata kau khoꞌu na. Ka vido tuanala, maloa na ne thora ranghini mana, eghuteuna mana ne filoni Tharungagna God na ne soru mei jateula kaisei balhu neu ne thoti ke kligna gna mana.

Profet Isaia 64:1

Lord ghehati magnahaghei nigho iagho te tora maloa gne mala soru mei ka nauthoglu igne! Eghuteuna kate mei iagho na, thogele te gnafa igre ginauna filo nigho nei na mhaghu nodi fififri fara ke ulumu iagho.

Profet Isaia 42:1

Lord ne cheke eghu, “Igne nogu mae gloku iara na, eigna iara farerhetani fabrahu mana. Iara neke vahini mana, eghuteuna iara gleꞌani fara mana. Iara lisei laohi Tharungagu na ka mana, eghuteuna mana ginauna fatedi kantri te gnafa igre ka puhi te doglo.

Profet Esikiel 1:1

Iara mae Esikiel, thugna mae Busi, eghuteuna iara kaisei mae pris. Ka falima narane ka fafati nhigra ka fatolufulu finogha, God neke tothora maloa na neke fakakhana ka iara keha glepo ka mifi. Ka narane tuana, iara au neu ka geri Khoꞌu Keba ka kantri Babilonia baludi keha naikno teke hata mare teke jifla kokodi nodi namonore teke mei au Babilonia.

Nonomho Te Keli Teke Risoi Mae Mak 1:9

Kau narane tuare mae Jisas mei funu Nasaret ka Provins Galili mala apublahi ka mae Jone ka Kho'u Jordan.

Nonomho Te Keli Teke Risoi Mae Mak 1:11

Ka vido tuanala kaisei naogla ne cheke mei funu kligna ne cheke eghu ka mana, “Iagho thofno mae Thugu iara. Iara thofno namha nigho nei thofno gleꞌa nigho eghu.”