Matiu 9:6 - Buka Blahi Ka Cheke Holo

⁶ Nu gognarona iara na falase arini ka ghotilo, iara mae teke mei funu ka God na au nolaghi ka nauthoglu igne te mala hata fadeleidi nakhibore!” Aonu, mae Jisas ne cheke eghu ka mae te blughu na, “Kegra haghe, hata nou khifra na tei ka sugamu na!”

Matiu 9:6 ပူးပေါင်းရင်းမြစ်များ

Matiu 9:5

Thono bligi fara te cheke eghu na, ‘Thuguo, iara la hata fadeleihi nakhibomu iagho re teuna’, naugna theo kaisei naikno tangomana te filoni te au nolaghi iara te mala eni gloku igne. Nu ninhigrana fara te cheke eghu na, ‘Kegra haghe, hata nou sape na tei teuna,’ naugna naikno na tangomana te filoni jame te au nolaghi iara te mala eni tuana.

Profet Isaia 43:25

“Nu tutuani fara, iara Lord nomi God ghotilo. Eghuteuna iara hata koko nakhibomi ghotilo tuare leghuni puhigu iara na. Eghume iara ginauna nake theome ghathodi nakhibomi ghotilo re.

Fapea Korin 2:10

Ihei te hata fadeleidi ghotilo nakhibognare, iara jaola hata fadeleidi nakhibo tuare ka mana, eghu te edi mana unha te naba iara te hata fadeleidi ka mana re. Iara hata fadeleidi nakhibogna mana re ke ulugna Kraes, naugna iara magnahagheni te togho ghami ghotilo.

Kolose 3:13

Eghuteuna kate au nogna puhi fadiadiꞌa kaisei naikno ka ghotilo ranghini kheragna fofodu na, te keli na phiamare thosei magra, nu hata koko nakhibo fari thedi. Naugna Lord neke hata kokodi nakhibomi ghotilo re, jateula tuana eghu ghotilo mala hata koko nakhibo fari themi.

Efesus 4:32

Nu te keli na ghotilo fathaegoi nei fari namhai. Fari hata fadelei nakhibo jateula God teke hata fadeleidi nakhibomira eghu naugna ghotilo fatutuani ni Kraes.

Fapea Korin 5:20

Eghume God neke kilo ghami ghehati mala toutonu eigna mae Kraes. Eghuteuna kate eni ghehati igne, jateula God thegna ngala teke ehadi naiknore mala mei ka mana. Uve, ghehati thofno tore ghami ghotilo ka nanghagna Kraes mala ke pulo mei ke au fakeli balugna God.

Mae Khuru 9:34

Mae Pita ne cheke eghu ka mana, “Ghema Aenias, mae Jisas Kraes na fakeli nigho iagho. Kegra haghe pipiri nou sape ana!” Mae Aenias ghosei ne kegra haghe.

Mae Khuru 5:31

Eghuteuna God neke hata hagheni mana mala gnokro fei nhetagna kau sape nafnakno mala funei fruni ghita nei mala fakarhi ghita. Mana neke eni igne mala tangomana naikno Israel gre te tughu nagnafa nei nakarha nei koko nakhibo.

Jone 17:2

Naugna iagho neke tusu mei ka iara nolaghi te mala reireghidi naikno fateo gre, mala tangomana iara te tusu lao u karha fei tifa na ka naikno nogu iara teku iagho gre.

Jone 10:28

Iara tusu ranghidi u karha fei tifa na, eghuteuna reꞌe ginauna theome lehe. Eghuteuna theome tangomana kaisei naikno nate blaudi ka iara re.

Luku 5:21

Aonu hatimare mae velepuhigna vetula nogna mae Moses, nei hatimare mae Farasi eghu re ne funu cheke eghu kau gaoghathodire, “Mae ihei si mae ignea? Mae igne cheke faparini God signe. Theo kaisei naikno te tangomana te mala hata fadelei nakhibo na, kaisei thegna God ngala!”

Nonomho Te Keli Teke Risoi Mae Mak 2:10

Nu gognarona iara na falase arini ka ghotilo, iara mae teke mei funu ka God na au nolaghi ka nauthoglu igne te mala hata fadeleidi nakhibo!” Aonu mae Jisas ne cheke eghu ka mae te blughu na,

Nonomho Te Keli Teke Risoi Mae Mak 2:7

“Tore! Eigna unha si mae igne te thono cheke faparini God gnea? Theo kaisei naikno te tangomana te hata fadelei nakhibo na, kaisei thegna God ngala!”

Matiu 8:20

Mae Jisas ne cheke eghu ka mana, “Gauhare au nodi vido te mala thuru na eghuteuna nanghajire au nodi gnoku. Nu iara mae teke mei funu ka God na, theo kaisei namono te mala augu na.”

Profet Maeka 7:18

Lord, theo kaisei God jateula iagho teuna. Iagho paradi nou naiknore, nu iagho atha fadelei nakhibodi iheire te karha teu eghuteuna iagho theome tangomana te goigonidi mare na. Iagho ginauna na theome diꞌa tamu fabrahu, naugna leuleghu fata na iagho glealeꞌa kolho fagaglana gna iagho te ghatho tahu ghami ghehati.

Matiu 4:24

Thoutonu eigna mae Jisas na ne tei tongana heva heva ka Provins Siria, eghuteuna mare hata ne mei ka mana naikno te gnafa te fogra re. Naikno igre au tadi soasopai khabru. Keha au naitu, keha snosnogho, nei keha lehe ghahedi nei khamedi teure. Tutuani, mae Jisas ne kafe fakarhadi.

Matiu 9:2

Keha naiknore pala ne mei ka mana kaisei mae te blughu ka sape na. Kate laseni mae Jisas nodi fatutuani mare na, mana ne cheke eghu ka mae te blughu na, “Ghema kheraguo, thosei nanga nou, iara la hata fadeleihi nakhibomure.”

Matiu 9:7

Mana kegra haghe ne tei ka nogna suga na.

Jone 5:8

Aonu, mae Jisas ne cheke eghu ka mana, “Kegra haghe, pipiri nou khifra na, nonolo tei ka sugamu na.”

Jone 5:27

Eghuteuna mae Mama neke tusu ranghi ghau iara u nolaghi te mala fate na, naugna iara neke mei funu ka mana.