Matiu 9:5 - Buka Blahi Ka Cheke Holo

⁵ Thono bligi fara te cheke eghu na, ‘Thuguo, iara la hata fadeleihi nakhibomu iagho re teuna’, naugna theo kaisei naikno tangomana te filoni te au nolaghi iara te mala eni gloku igne. Nu ninhigrana fara te cheke eghu na, ‘Kegra haghe, hata nou sape na tei teuna,’ naugna naikno na tangomana te filoni jame te au nolaghi iara te mala eni tuana.

Matiu 9:5 ပူးပေါင်းရင်းမြစ်များ

Mae Khuru 3:16

Ka nogna nolaghi mae Jisas na ghepa neke fakelini mae teke lehe ghahegna te kafe filoni nei laseni teu ghotilo igne. Uve, tutuani fara, ghepa fatutuani ni mae Jisas, eghuteuna ka nanghagna mae Jisas ghepa fakelini mae igne. Eghuteuna ghotilo kafe filoni te eni igne!

Mae Khuru 9:34

Mae Pita ne cheke eghu ka mana, “Ghema Aenias, mae Jisas Kraes na fakeli nigho iagho. Kegra haghe pipiri nou sape ana!” Mae Aenias ghosei ne kegra haghe.

Matiu 9:2

Keha naiknore pala ne mei ka mana kaisei mae te blughu ka sape na. Kate laseni mae Jisas nodi fatutuani mare na, mana ne cheke eghu ka mae te blughu na, “Ghema kheraguo, thosei nanga nou, iara la hata fadeleihi nakhibomure.”

Matiu 9:6

Nu gognarona iara na falase arini ka ghotilo, iara mae teke mei funu ka God na au nolaghi ka nauthoglu igne te mala hata fadeleidi nakhibore!” Aonu, mae Jisas ne cheke eghu ka mae te blughu na, “Kegra haghe, hata nou khifra na tei ka sugamu na!”

Nonomho Te Keli Teke Risoi Mae Mak 2:5

Kate filo glanini mae Jisas nodi fatutuani biꞌo mare na, mana ne cheke eghu ka mae te blughu na, “Ghema kheraguo, iara la hata fadeleihi nakhibomu iagho re.”

Luku 5:20

Mae Jisas filoni nodi fatutuani mare na, ne cheke eghu ka mae te blughu na, “Ghema kheraguo, nakhibomu iagho re la hata fadeleihi iara.”

Luku 7:48

Gnafa teuna mae Jisas ne cheke eghu ka naꞌa, “Naikno biꞌo, iara la hata fadeleihi nakhibomu iagho re.”