Matiu 9:38 - Buka Blahi Ka Cheke Holo

³⁸ Ghotilo tore ka God, mae khotogna nagare na, mala kuru mei kmana mae gloku mala toutonuni Nonomho te Keli igne, nei toghodi mare mala fatutuani ghau iara. Kate tei loku na, mare jateula mae te tei pulei gano ka nagare ia eghu.”

Matiu 9:38 ပူးပေါင်းရင်းမြစ်များ

Profet Jeremaea 3:15

Iara ginauna vavahi keha mae te keli ka iheire te leghuni puhigu iara na mala batu ghami ghotilo.

Fapea Tesalonika 3:1

Uve kheraguro, tarai ghami mala tangomana chekegna Lord na mala ghosei tei ka namono te gnafa heva heva, eghuteuna naiknore ginauna tangomana te nomhini nei ghatho tahuni eghu farirhiu tuana, jateula teke enihi ka ghotilo ia eghu.

Mae Khuru 13:2

Kate tarai nei dangna teu mare na, Tharunga te Blahi na ne cheke eghu ka mare, “Ghotilo taofidi mae Banabas ghe mae Sol mala loku ka gloku mala eni phiamare teku iara gne.”

Jone 20:21

Mae Jisas neke fapea cheke eghui ka mare, “Pharikeli na au ka ghotilo! Mae Mama neke kuru mei ghau iara, eghuteuna gognarona iara nake kuru fajifla ghami ghotilo ka naiknogna nauthoglu igne.”

Mae Khuru 8:4

Naikno teke rikha Jerusalem re, mare ne toutonu ne tei tongana chekegna God na ka namono aheva te tei posa mare na.

Nodi Khoje Hatimare Mae Jiu 68:11

Noda Lord neke cheke ranghidi naiknore, eghuteuna kmana gaꞌase ne jifla ne tei toutonuni chekegna mana igne.

Profet Maeka 5:7

Naoka re neke uludi naiknodi Israel neke hatadi neke tei ka keha kantri te khaba fara igre, naikno igre ginauna te au ka kmana kantri. Tutuani, mare ginauna tei au heva heva jateula nabubla bongiro, ba nakhete ikoi teke kuru mei Lord mala famane kotu gano. Eghuteuna naiknore ginauna rouronu kolho ka God theome ka kaisei naikno, theo!

Efesus 4:11

Eghuteuna Jisas mae ihei teke tusu mei ka tahati u khokofakasai te mala loku ranghini God. Mana neke vavahi keha mae mala khuru, keha mae mala profet, keha mae mala toutonu eigna Nonomho te Keli, keha mae mala velepuhi nei reireghini nogna khiloau na.

Ululahu Korin 12:28

God neke lilisei soasopai naikno te mala edi soasopai gna gloku ka khiloau gne. Ulu lahu na, mana neu lilisei hatimare mae khuru, fapea na, hatimare mae profet. Fatilo na, hatimare mae velepuhi. Eghuteuna kehare mala eꞌei kofubobhoi, nei kehare mala fakelidi iheire te fogra, nei kehare mala totogho, nei kehare mala baubatu ka khiloau, nei kehare mala cheke ka keha nafnata cheke.

Nodi Khoje Hatimare Mae Jiu 68:18

Kate haghe mana ka Thogele Saion na, mana hata ne haghe balugna kmana naikno teke hata mana ka magra re mala tei au jare ka sosolo. Eghuteuna iheire teke huhughuni mana tifa ra ne jaola neke tusu ranghini mana keha namha. Lord God ginauna au ka thogele igne tifa tifa.

Matiu 9:37

Aonu mana ne cheke eghu ka nogna mae fanomhore, “Naikno igre jateula gano te au ka nagare tela ghanohi ra eghu. Nu theome kmana naikno te mala toghodi mare te mala fatutuani ghau iara na.

Jone 4:35

Nomi cheke ghotilo ia eghu agne, ‘Fati nhigra ngau te ofo na ame ghano nga nagare na eghu.’ Nu te chekeni iara ka ghotilo na, ‘Faghano filo fakeli si ghotilo ka nagare ana, u nagare na la ghanohi!’