Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matiu 9:35 - Buka Blahi Ka Cheke Holo

35 Mae Jisas ne tei tongana ka namono biꞌo ba namono te ikodi ke lamnagna Provins Galili. Mana ruma ke lamnadi nodi suga tharai mae Jiure, ne farirhiudi naiknore. Eghuteuna mana ne toutonuni Nonomho te Keli eigna narane God te funei frunidi nogna naiknore. Mana ne fakarhidi naikno te au thua nafnata khabru nei fogra teu tadire.

အခန်းကိုကြည့်ပါ။ ကော်ပီ




Matiu 9:35
12 ပူးပေါင်းရင်းမြစ်များ  

Eghuteuna ghotilo lasenihila u thoutonu eigna mae Jisas gna Nasaret. Tutuani, God Mama neke kuruni mae Tharunga te Blahi na mala toghoni mana nei tusu ranghini mana u nolaghi te biꞌo tulao. Ghotilo jaola laseni mae Jisas gne neke tei tongana heva heva neke edi koba glepo te kelire, nei fakelidi naikno te gnafa te au ke parigna nogna nolaghi mae Satan. Mae Jisas tangomana te eni igne naugna God au balugna mana.


Mae Jisas ne tei ka namono biꞌo, namono ikodi nei mata eghu te au ka nohi tuana. Eghuteuna aheva te tei mana na naiknore hata ne mei ka mana naikno te fogra re ne lilisei farihotei glalaba. Mare toreni mae Jisas mala snakredi habo kolho ka khukrudi nogna pohere, mala ke keli fapulo nodi. Aonu naikno te gnafa teke habo ka nogna pohe mana re neke keli fapulo.


Iara gognarona fakelidi naikno te dofu, naikno te blughu, naikno te thubu biꞌo, naikno teke megli, fakarha fapulodi naikno teke lehehi, nei toutonuni Nonomho te Keli na ka naikno te kumare.


Mae Jisas ne farirhiudi naiknore ke lamnadi namono te biꞌo ba ka namono te ikodi kate haghe te thoke Jerusalem.


“Ghotilo naiknomi Israel, fanomho fakeli kau cheke igre! God neke kuru meini mae Jisas gna Nasaret gne ka ghotilo, eghuteuna mana neke thofno falalase igne ka ghotilo kau gloku te nolaghi, nei u kofubobhoi, nei u fagaglana. Naugna God neke edi igre ka mana la filodihi ghotilo.


Mae Jisas ne jaglo nogna fara te theome fatutuani naiknore. Ke leghugna igne mae Jisas ne tei ka keha namono te au ka nohi tuana ne farirhiudi naiknore.


Ke leghugna te farirhiudi nabotho phei nogna mae fanomhore, mae Jisas jifla jare ne tei ka namono te kmana ke lamna Provins Galili ne toutonu, nei farirhiudi neu naiknore.


Kaisei narane mae Jisas ne kilo fodudi nabotho phei nogna mae fanomhore. Mana ne tusu ranghidi nolaghi te mala brue naitu nei nolaghi mala fakarhidi naikno te au kmana nafnata khabru nei fogra biꞌo.


Ke leghugna te lilisei mare mae Jone Apublahi kau suga sosolo na, mae Jisas tei Galili ne toutonuni Nonomho te Keli nogna God.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ