Matiu 9:22 - Buka Blahi Ka Cheke Holo

²² Nu mae Jisas figri lao ne cheke eghu ka naꞌa, “Naikno biꞌo, thosei nanga nou! Iagho kela keli fapulo naugna iagho ne fatutuani.” Funu ka vido narane tuana naꞌa ghosei neke keli fapulo nogna.

Matiu 9:22 ပူးပေါင်းရင်းမြစ်များ

Luku 7:50

Mae Jisas ne cheke eghu ka naikno biꞌo na, “Iagho fatutuani ghau iara. Naugna igne iara ne fakarha nigho ka nakhibo. Jifla tei kau pharikeli.”

Matiu 15:28

Aonu mae Jisas ne cheke eghu ka naꞌa, “Naikno biꞌo, iagho kaisei naikno fatutuani ghau iara fara! Unha te magnahagheni iagho na ginauna eni tutuani ranghi nigho.” Eghuteuna, ka vido tuanala thugna gaꞌase naꞌa na neke keli fapulo.

Matiu 9:2

Keha naiknore pala ne mei ka mana kaisei mae te blughu ka sape na. Kate laseni mae Jisas nodi fatutuani mare na, mana ne cheke eghu ka mae te blughu na, “Ghema kheraguo, thosei nanga nou, iara la hata fadeleihi nakhibomure.”

Luku 18:42

Mae Jisas ne cheke eghu ka mana, “Ke fifilo silagho. Nou fatutuani iagho na teke fakeli nigho na.”

Luku 17:19

Aonu, gnafa teuna mae Jisas ne cheke eghu ka mana, “Kegra haghe tei nou. Iagho kela keli fapulo naugna iagho ne fatutuani ghau iara.”

Luku 8:48

Mae Jisas ne cheke eghu ka naꞌa, “Naikno biꞌo, iagho kela keli fapulo naugna iagho ne fatutuani. Iagho tangomana te tei na, eghuteuna thosei nanga nou eghu.”

Nonomho Te Keli Teke Risoi Mae Mak 10:52

Aonu, mae Jisas ne cheke eghu ka mana, “Keliu ngala, tei sagho, naugna nou fatutuani iagho na teke fakeli nigho na.” Ka vido tuana mana ghosei ne fifilo fakeli ne tei ke leghugna mae Jisas ka nabrou na.

Nonomho Te Keli Teke Risoi Mae Mak 5:34

Mae Jisas ne cheke eghu ka naꞌa, “Naikno biꞌo, iagho kela keli fapulo naugna iagho ne fatutuani. Iagho tangomana te tei na, eghuteuna thosei nanga nou naugna iagho ginauna nake theome au papara.”

Matiu 9:29

Mae Jisas ne habo ka tathadi phei mae te dofure ne cheke eghu, “Unha te fatutuani ni ghopa na, iara na eni ranghi ghami.”

Mae Khuru 16:18

Naꞌa eni koba igne leuleghu narane. Mae Pol ne ghilei hongoni, aonu mana figri ne cheke eghu ka naitu na, “Ka nanghagna mae Jisas Kraes iara te cheke ari ka iagho mala jifla mei ka naꞌa!” Eghuteuna naitu na ghosei ne jifla mei ka gaꞌase na.

Jone 4:53

Mae kmagna masitei na neke ghatho fapuloni ka tanhi kaisei ngala teke cheke eghu mae Jisas na, “Mae thumu iagho na kela kelihi.” Aonu ke leghugna igne mana nei tharaknagna mana na eghu ne kafe fatutuani ni mae Jisas.

Hibru 4:2

Tahati la nomhinihi u Nonomho te Keli igne, nei naiknodi Israel tifa re neke nomhi nila. Nu neubane nomhinihi mare u cheke igne, theome toghodi mare kolho, naugna kate nomhini u cheke igne mare theome fatutuani kolho.

Mae Khuru 14:9

Mae igne gnokro fanomho neu ka mae Pol. Mae Pol ne filo lao ka mana ne glanini mae igne mana fatutuani ni God te tangomana te mala fakelini na.

Matiu 17:18

Mae Jisas ne cheke faheta ka naitu te au ka mae sitei na. Aonu naitu na ne jifla mei. Eghuteuna ka vido tuana mae sitei na ghosei neke keli fapulo.

Matiu 8:13

Aonu, mae Jisas ne cheke eghu ka mae funeidi hatimare mae armi di Rom gre, “Ke pulo sagho ka sugamu na. Naugna ka nou fatutuani iagho na nou mae gloku iagho na mana ginauna nake keli fapulo.” Aonu nogna mae gloku mana teke fogra na ghosei neke keli fapulo ka vido narane tuana.