Matiu 9:18 - Buka Blahi Ka Cheke Holo

¹⁸ Fari hoteigna te facheke teu mae Jisas ka naiknore, kaisei mae biꞌo gna Kapanam ne mei tuturupuku soru ke ulugna mana, ne cheke eghu, “Thugu gaꞌase iara na la lehehi ginei. Nu iagho tangomana te mei habo lao khamemu na, mala ke karha fapulo naꞌa.”

Matiu 9:18 ပူးပေါင်းရင်းမြစ်များ

Matiu 8:2

Aonu kaisei mae te thubu biꞌo fara ka thinigna na, khabru te kiloi leprosi, mana mei ne tuturupuku soru ke ulugna mae Jisas. Mana ne cheke eghu, “Mae funei, ne magnahagheni nga iagho nu, iagho tangomana teke fasalhu ghau iara na.”

Luku 13:14

Mae biꞌogna suga tharai na ne diꞌatagna fara ka mae Jisas, naugna mae Jisas ne fakelini gaꞌase tuana ka narane Sabat. Aonu mae biꞌogna suga tharai na ne cheke eghu ka naiknore, “Namno narane kolho te mala loku tahati na. Eghume ghotilo mei ka kaisei narane ka narane tuare mala ke fakeli fapulo ghami mare. Thosei mei mala fakeli ghami mare kau narane Sabat.”

Jone 11:32

Nu Meri ne tei ka vido te au mae Jisas na. Kate filoni mana na, Meri ne tuturupuku soru ne cheke eghu ka mana, “Lord, jame au meu iagho agne na, greghagu iara mae Lasaros ia jame neke theome lehe.”

Matiu 9:24

mana ne cheke eghu, “Ghotilo kafe jifla kosi! Naugna sua gaꞌase igne theome lehe, nu naꞌa thuru kolho!” Mare ne kafe maꞌe fabiꞌo ka mana.

Fapea Kings 5:11

Nu kate nomhini mae Naman cheke igne, mana ne thono diꞌatagna fara neke funu figri. Eghuteuna mana ne cheke eghu, “Iara jau na jifla mana kosi filo ghau, eghuteuna ngafa mei ke klignadi thubugu iara gre, eghuteuna kiloni nanghagna Lord nogna God na mala fakeli ghau neu sia!

Mae Khuru 13:15

Kate iu'iju te gnafa mare nogna buka mae Moses nei nodi buka hatimare mae profet, goro mae biꞌogna suga tharai na ne cheke eghu ka mae Pol nei mae kheragna re eghu, “Kheraguro, ghehati magnahaghei ghami ghotilo te mala cheke ranghidi naikno gre, eghu te au nomi cheke ghotilo te mala toghodire.”

Jone 11:25

Mae Jisas ne cheke eghu ka naꞌa, “Uve, kaisei iara ngala te tusu lao u karha ka naikno te lehe na mala teke karha fapulo na. Nu ihei te fatutuani ghau iara na, neubane lehe mana ginauna karha fabrahu.

Luku 18:18

Kaisei mae biꞌodi hatimare mae Jiu ne mei ghusna eghu ka mae Jisas, “Mae velepuhi te keli, unha nate eni iara te mala hatini karha fei tifa na?”

Luku 7:2

Ka namono Kapanam, jare kaisei nogna mae gloku mae funeidi hatimare mae armi di Rom, mana thono fogra fara namo ne lehe. Mae funeidi hatimare mae armi di Rom igne, thono namhani fara nogna mae gloku na.

Matiu 28:17

Aonu, kate filoni mana ka thogele na, mare turupuku soru ne kilo fnaknoni ka mana. Nu keha mae fanomhore pogho soru balu ghatho peapea.

Matiu 17:14

Mae Jisas baludi mae fanomhore neke pulo mei ka nakhapru na. Kaisei mae mei ne tuturupuku ke ulugna mae Jisas.

Matiu 15:25

Aonu naikno biꞌo na mei ne tuturupuku soru ke ulugna mae Jisas ne cheke eghu, “Lord, togho ghau iara!”

Matiu 14:33

Aonu mae fanomhore pogho soru ka mae Jisas ne cheke eghu, “Tutuani fara, iagho thofno Thugna God!”

Matiu 20:20

Aonu, kheto mae Sebedi na ne tei ka mae Jisas baludi phei thugnare. Naꞌa pogho soru ke ulugna mae Jisas ne toreni mana mala eni glepo te magnahagheni naꞌa na.

Matiu 8:25

Mae fanomhore tei ka mana ne fadofrani mana, ne cheke eghu, “Lord, fakarhi ghita sagho, tahati gne na lodu knoho!”

Matiu 9:17

Nu theome naba langau naikno na te totoho waen majaghani ka duku tiatifa teke horo kau guli buluka na. Naugna lao te raha waen na, guli tuana ginauna poha. Nu waen na ginauna thofa, eghuteuna guli te mala totoho waen na ginauna breku diꞌa. Nu te keli na, mana jame totoho waen majaghani na ka guli te majaghani na, mala phia glepo igre kafe au fakeli.”

Matiu 9:19

Aonu, mae Jisas kegra haghe ne tei baludi nogna mae fanomhore ke leghugna mae biꞌo na.

Mae Khuru 28:8

Kmagna mae Pablias na fogra biꞌo balu reka nei kabru thi'a. Aonu mae Pol ruma ka chogho na ne tarai, eghuteuna mana taofini neke keli fapulo.