Matiu 9:17 - Buka Blahi Ka Cheke Holo

¹⁷ Nu theome naba langau naikno na te totoho waen majaghani ka duku tiatifa teke horo kau guli buluka na. Naugna lao te raha waen na, guli tuana ginauna poha. Nu waen na ginauna thofa, eghuteuna guli te mala totoho waen na ginauna breku diꞌa. Nu te keli na, mana jame totoho waen majaghani na ka guli te majaghani na, mala phia glepo igre kafe au fakeli.”

Matiu 9:17 ပူးပေါင်းရင်းမြစ်များ

Nodi Khoje Hatimare Mae Jiu 119:83

Neubane diꞌa fara ngau iara nakarhagu na, iara theome ghatho ihoni kolho nou vetula iagho na.

Josua 9:4

mare ne ghaoghaho mala chaghini mana mala fakarhadi thedi. Aonu keha ka mare hata baeg tiatifa tela brekuhi, eghuteuna mare atha bret te khapra nei diꞌahi teu igre ne hohono ka baeg. Mare jaola ne hata keha botol teke horo ka guli sipu tela brekuhi, nu mare ne susuki ne fafodu ka waen. Mare ne lilisei gobigna lepo igre ka nodi dongkire. Eghuteuna mare ne pipichi ka pohe te breku nei jaola fahaghe sadol tiatifa.

Thoutonu Eigna Mae Job 32:19

Iara namo poha ka cheke gognarona, jateula waen majaghani te totoho ka guli nanigot te popoto te poha ra eghu.

Matiu 9:16

“Theome tangomana tahati te hata nabreku pohe majaghani na te susuki ka pohe tiatifa tela korahi na. Te eghu tahati na, kate titihi tahati na, nabreku pohe majaghani tuana ginauna nake rerheku ngala keha pohe tiatifa tuana. Eghuteuna khora tuana nake biꞌo lao gnai teke ului na.

Matiu 9:18

Fari hoteigna te facheke teu mae Jisas ka naiknore, kaisei mae biꞌo gna Kapanam ne mei tuturupuku soru ke ulugna mana, ne cheke eghu, “Thugu gaꞌase iara na la lehehi ginei. Nu iagho tangomana te mei habo lao khamemu na, mala ke karha fapulo naꞌa.”

Nonomho Te Keli Teke Risoi Mae Mak 2:22

Eghuteuna igne keha glepo na eghu, tahati theome tangomana te totoho waen majaghani na kau duku tiatifa teke hohoro kau guli buluka te mala tathaji na. Naugna kate raha waen majaghani na duku tiatifa te mala totoho waen tuana ginauna popoto nei breku, eghuteuna waen balugna duku na repa ginauna na kafe diꞌa. Eghume tahati totoho koba waen majaghani na kau duku majaghani.”

Luku 5:37

Kehana teuna tahati theome tangomana totoho waen majaghani na kau duku guli te tiatifa na. Naugna kate lao te raha u waen majaghani tuana na duku guli tiatifa tuana ginauna poha. Eghuteuna waen tuana ginauna na thofa kolho.

Luku 5:38

Eghume tahati totoho waen majaghani na kau duku te majaghani.