Matiu 9:15 - Buka Blahi Ka Cheke Holo

¹⁵ Mae Jisas ne cheke eghu, “Kheragna mae te mei kau gaghamu tolaghi na mare theome tangomana te diꞌanagnafa na, naugna mae te tolaghi na au baludi ngala mare. Nu narane te mala tei kokodi mae te tolaghi na kheragnare ginauna mei. Aonu ame tangomana nga mare te dangna nei diꞌanagnafa teuna eghu. Jateula tuana eghu kate au teu iara agne baludi nogu mae fanomhore, mare ginauna na theome dangna nei diꞌanagnafa eghu.”

Matiu 9:15 ပူးပေါင်းရင်းမြစ်များ

Thakle 19:9

Mae engel na ne cheke eghu ka iara, “Rioriso soru sagho cheke igre, ‘Naikno teke kilodi God te mala mei ka gaghamu tholaghi gna Lam na, mare tangomana te gleale'a na.’ ” Eghuteuna engel na neke cheke eghu ka iara, “Cheke igne thofno chekegna God.”

Jone 3:29

Ghathoi si ghotilo, mae te tolaghi na ngala te khotogna gaꞌase na. Eghuteuna iara gne jateula kheragna mae te tolaghi ia eghu mei ofo balu fanomho ka mana. Eghume kate mei mana te mala hata khetogna na iara gognaro thofno gleale'a fara te nomhi naoglagna mana na.

Thakle 21:2

Eghuteuna iara ne filoni kaisei namono blahi funugna ka God ne soru mei. Namono blahi igne Jerusalem majaghani. Namono igne neke kulu tarabanahi jateula kaisei gaꞌase te mala tolaghi te pipichi famane pohe te tarabana teu te mala tei balugna khetogna na te mala tolaghi ia eghu.

Mae Khuru 14:23

Mae Pol ghe mae Banabas ne vavahi keha mae te fatutuani ni Lord te mala mae baubatu ka soasopaigna khiloau. Eghuteuna snakre laodi ka Lord ka dangna nei tharai.

Ululahu Korin 7:5

Nu repa jame kaisei nodi gaoghatho mala thosei thuru fodu katha vido, mala tangomana repa te snagla te mala tharai na. Nu ke leghu na repa ginauna funu thuru fodu nodi. Nu kaisei ka repa thosei thodo te snakreni thinigna na ka keha ikno na mala thuru balugna eghu. Te theo na mae Satan tangomana te fariuriuni kaisei ka repa te theome tangomana te nheta na.

Jone 16:6

Ghotilo diꞌanagnafami fara naugna eidi unha te chekedi iara ka ghotilo igre.

Profet Isaia 22:12

Lord mae ihei te au nolaghi fateote'o igne neke cheke ranghi ghami ghotilo mala tanhi fabiꞌo. Eghume ghotilo ghoighori phaꞌumi are eghuteuna ghotilo pipichi ka pohe te thona, fagaglana gna te diꞌanagnafa fara ghotilo eidi nakhibomire.

Fapea Korin 11:27

Iara theome thuru ka gloku biꞌo nei nakmusa. Eghuteuna kmana fata iara rofo nei roi koꞌu. Kmana fata iara dangna nei reka nei theo pohe.

Matiu 9:14

Nogna fanomho mae Jone Apublahi igre mei ne ghusna eghu ka mae Jisas, “Velepuhi, ghehati nei mae Farasi gre eghu dangna gano koba. Naugna unha si nou mae fanomho iagho gre te theome dangna gnea?”

Matiu 9:16

“Theome tangomana tahati te hata nabreku pohe majaghani na te susuki ka pohe tiatifa tela korahi na. Te eghu tahati na, kate titihi tahati na, nabreku pohe majaghani tuana ginauna nake rerheku ngala keha pohe tiatifa tuana. Eghuteuna khora tuana nake biꞌo lao gnai teke ului na.

Nonomho Te Keli Teke Risoi Mae Mak 2:19

Mae Jisas ne cheke eghu ka mare, “Ba, keliu ngala naikno te au ka gaghamu tholaghi na te theome ghamu na? Theome tangomana! Kate au teu mae tholaghi na baludi mae kheragnare, mare theome tangomana te dangna na.

Nonomho Te Keli Teke Risoi Mae Mak 2:20

Nu narane te mala tei kokodi mae te tolaghi na mae kheragnare ginauna na mei. Aonu ame tangomana nga mare te dangna eghu. Jateula tuana eghu kate au teu iara agne baludi nogu mae fanomhore, mare ginauna na theome dangna eghu.

Luku 5:34

Mae Jisas ne cheke eghu ka mare, “Naikno te mei ka gaghamu tholaghi na mare au balugna mae te mala tolaghi na, eghume mare theome nabadi te dangna nei rofo teuna.

Luku 5:35

Nu narane te mala tei kokodi mae te tolaghi na mae kheragnare ginauna na mei. Aonu ame tangomana nga mare te dangna na eghu. Jateula tuana eghu kate au teu iara agne baludi nogu mae fanomho gre, mare ginauna na theome dangna eghu.”

Luku 17:22

Mae Jisas ne cheke eghu ka nogna mae fanomhore, “Ghotilo ginauna na magnahaghei fara te filo ghau iara mae teke mei funu ka God, nu narane mala pulo meigu iara na theome ghosei mei.