Matiu 9:12 - Buka Blahi Ka Cheke Holo

¹² Mae Jisas nomhidi nodi cheke mae Farasi igne ne cheke eghu ka mare, “Ghotilo laseni igne, naikno te kelire tirodi tei filoni mae dokta. Nu naikno te fogra re ngala te magnahaghei tei filoni mae dokta na.

Matiu 9:12 ပူးပေါင်းရင်းမြစ်များ

Luku 5:31

Mae Jisas ne cheke eghu ka mare, “Ghotilo laseni igne, naikno te kelire tirodi tei filoni mae dokta. Nu naikno te fogra re ngala te magnahaghei tei filoni mae dokta na.

Luku 9:11

Nu kate nomhini igne naiknore ne tei ke leghugna mae Jisas. Aonu mana ne theome lhotidi nu mana gleale'a te filodi naiknore ne toutonu ranghidi eigna u nakarha te funei fruni ni God na. Eghuteuna mana ne fakarhidi naikno te magnahaghei teke keli nodi ka fogra.

Nonomho Te Keli Teke Risoi Mae Mak 2:17

Kate nomhini mae Jisas igne, mana ne cheke eghu ka mare, “Ghotilo laseni igne, naikno te kelire tirodi tei filoni mae dokta. Nu naikno te fogra re ngala te magnahaghei tei filoni mae dokta na. Eghume iara gne theome mei mala kilodi naikno te doglohi ke ulugna God te mala leghu ghau iara, nu iara mei mala kilodi naikno te diꞌa gre mala tughu nagnafa.”

Profet Jeremaea 33:6

“Nu neuba, ke leghu na, iara ginauna eni namono igne mala ke keli fapulo. Iara ginauna toghodi nogna naikno mana re mala ke rheta fapulo, nei au fakeli ka pharikeli.

Profet Jeremaea 17:14

Lord, iara cheke fakeli nigho fabrahu! Fablahi ghau iara te fogra gne mala ke keli fapulo iara. Jame te fakarhi ghau iara iagho na, iara ginauna karha fabrahu.

Nodi Khoje Hatimare Mae Jiu 147:3

Iheire teke au diꞌanagnafa ra kela glealeꞌa fapulo, eghuteuna iheire teke kabru ra kela gaota fapulo.

Profet Hosia 14:4

Lord ne cheke eghu, “Diꞌatagu iara ka naiknodi Israel ra la gnafahi. Eghuteuna gognarona iara kela namhadi nogu naiknore ka nagnafagu na. Neuba mare ne edi puhi te diꞌare, iara ginauna nake keli ranghidi.

Profet Jeremaea 30:17

Nu iara Lord ginauna nake fakeli fapulo ghami ghotilo, eghuteuna thua fogrami nei thubumi teu ghotilore ginauna nake keli fapulo. Iara eni igne, naugna te chekeni mare na iara ngolho fajifla ghami ghotilo, eghuteuna theo kaisei naikno te ghatho tahudi Juda ghe Israel.” Igne cheke gna Lord.

Luku 8:43

Kaisei naikno biꞌo ke lamnadi naikno igre, naꞌa dadara fabrahu nabagna nabotho phei finogha. Naꞌa koko fahui nogna silenire ka hatimare mae dokta, nu theo kaisei mae dokta tangomana te fakelini naꞌa na.

Nodi Khoje Hatimare Mae Jiu 41:4

Nu kate fogra ghau na, iara cheke eghu, “Lord, iara eꞌei nakhibo biꞌo ranghi nigho iagho, kokhoni ghau iara, ke fakarha fapulo ghau.”

Nodi Khoje Hatimare Mae Jiu 6:2

Lord, iara gne la glaꞌe fara hi, eigna nogu nanhetare la gnafahi. Kokhoni ghau fara, ke faheta fapulo ghau.

Profet Jeremaea 8:22

Kmana meresin au ka nohi Gilead, eghuteuna mae dokta aula jare. Eghume, naugna unha si nogu naikno iara igre te theome keli grea?

Kolose 4:14

Mae kherada keli dokta Luku, phiamare Dimas, jaola kubae ghami ghotilo.

Matiu 18:11

Naugna iara mae teke mei funu ka God gne neke mei kau nauthoglu igne mala fakarhidi naikno te snivi te theo tadi thofno nakarha na.