Matiu 9:1 - Buka Blahi Ka Cheke Holo

¹ Mae Jisas saghe ka mola na, kasa neke pulo ka nogna namono na.

Matiu 9:1 ပူးပေါင်းရင်းမြစ်များ

Matiu 4:13

Mana ne kulu tei Nasaret, eghuteuna mana theome au raugha jare. Nu mana jifla neke tei au Kapanam, kaisei namono rhegna Kholo Galili, ke lamnagna nohi Sebulun nei Naftali.

Luku 8:37

Naiknodi Gerasa re kafe mhaghu nodi fara, naugna unha teke eni mae Jisas na ne toreni mana mala jifla tei delei. Aonu mae Jisas saghe ka mola na neke pulo Galili.

Nonomho Te Keli Teke Risoi Mae Mak 5:21

Mae Jisas saghe ka mola na kasa neke pulo ka keha phile kholo na. Kate longa mana ka gratha na, kmana naikno mei ne khapru faligohoni mana.

Matiu 8:18

Mae Jisas ne filodi kmana naikno ne mei khapru faligohoni mana. Aonu mana ne cheke ranghidi nogna mae fanomhore mala tarabana ke kasa ka keha phile kholo na.

Matiu 7:6

“Thosei tusu lao glepo blahire ka naikno te diꞌare. Naugna mare jateula bukrei bosu te goigonidi glepo te blahi ra eghu, ba jateula bukrei khuma te mei kathi ghami ghotilo ra eghu kolho.”

Thakle 22:11

Eghume naikno te diꞌa puhidi gre, mare ginauna edi fabrahu glepo te diꞌa igre naugna narane te mala tughu nagnafa na la gnafahi. Jaola naikno te chara puhidire, mare ginauna jateula tuana eghu chara fabrahu. Nu naikno te doglo puhidire, mare ginauna au doglo fabrahu, eghuteuna naikno te au blahi puhidire, mare ginauna au blahi fabrahu.”

Matiu 8:23

Mae Jisas ne saghe ka mola na, eghuteuna nogna mae fanomhore ne kafe tei balugna mana.

Luku 8:40

Kate ke pulo mae Jisas ka keha phile kholo na, kmana naikno ofoni mana neu jare.