Matiu 8:8 - Buka Blahi Ka Cheke Holo

⁸ Mae funei na ne cheke eghu ka mae Jisas, “Mae biꞌo, iara theome nabagu te mei iagho ka nogu suga na. Nu ka chekemu kolho mala ke keli fapulo nogu mae gloku na.

Matiu 8:8 ပူးပေါင်းရင်းမြစ်များ

Nodi Khoje Hatimare Mae Jiu 107:20

God neke cheke ranghidi neke keli fapulo thinidire. Uve, mana neke fakarhidi kau glehe.

Nodi Khoje Hatimare Mae Jiu 33:9

Naugna kate cheke na, mana neke vuavuhani nauthoglu gne. Ka chekegna mana na, gobigna lepore neke thakle mei.

Matiu 8:3

Aonu mae Jisas ne habo lao ka mana ne cheke eghu, “Uve, iara magnahaghei, ke salhu silagho!” Kau chekegna mae Jisas tuana, thubu ka thinigna mana re ghosei neke salhu fapulo.

Jone 1:27

Mana na mei ke leghugu iara, nu iara theome nabagu te rurutha nogna sadol mana re naugna mana mae ke biꞌogu iarai.”

Luku 5:8

Mae Simon Pita filoni igne ne pogho soru ke ulugna mae Jisas ne cheke eghu ka mana, “Lord, thosei mei namo ka iara, naugna iara naikno diꞌa.”

Matiu 3:11

“Iara faꞌapublahi ghami ghotilo ka khoꞌu fagaglana gna te hogri nagnafa ghotilo na. Nu kaisei mae te thono nolaghi fara na mana na mei ke leghugu iara, nu mana ginauna na faꞌapublahi ghami ghotilo kau Tharunga te Blahi nei kau khaꞌaghi. Mana mae ke biꞌogu iarai. Iara theome nabagu te paladi nogna sadol mana re.

Luku 15:21

“Mae thugna na ne cheke eghu, ‘Mama, iara la jafra ranghini God nei jafra ranghi nigho iagho. Iara theome nabagu te kilo ghau thumu.’

Luku 15:19

Iara theome nabagu te kilo ghau thumu. Nu tusu mei gloku mala loku iara jateula kaisei nou mae gloku eghu kolho.’

Matiu 3:14

Mae Jone tirogna te faꞌapublahini mae Jisas na, ne cheke eghu ka mana, “Iara nga jame te nabagu te mala apublahi ka iagho na, ne fanefou si teke mei iagho ka iara gnea?”

Naba 20:8

“Ghopa atha khodo te au ke ulugna bokis blahi te nhaꞌa cheke ana, aonu ghopa ginauna kilo meidi naikno te gnafa re. Eghuteuna ghopa ginauna cheke lao ka thina biꞌo are kate filo teu naiknore, eghuteuna khoꞌu na ginauna loloro mei ka thina biꞌo tuana. Iagho ginauna fajifla khoꞌu ka thina na mala koꞌu naikno te gnafa baludi nodi buluka.”

Nodi Khoje Hatimare Mae Jiu 10:17

God, iagho ginauna na fanomho ka nou naikno tela goigonidi mare igre, iagho ginauna fameomegodi mala ke keli nagnafa fapulo mare.

Jenesis 32:10

God, iara nou mae gloku iagho. Iara theome mae keli ka tathamu iagho na, nu iagho neke namha ghau iara nei keli ranghi ghau iara. Kani teke tei kasa iara ka khoꞌu Jordan ia teke tei au balugna mae Laban ia, iara neke theome hata kaisei glepo balugu. Theo. Iara neke louloku kaisei khodo kolho. Eghume iara gognaro na kela pulo mei baludi phei tothoghei igre.

Matiu 8:7

Mae Jisas ne cheke eghu ka mana, “Uve, keli fara. Iara ginauna ari ka sugamu iagho na mala fakelini mana.”

Matiu 8:9

Tutuani fara, iara gne kaisei mae au la mae biꞌo te mala kuru ghau na. Nu au kmana mae soldia langau te mala kurudi iara re. Eghuteuna, te cheke eghu iara ka mae igne, ‘Tei sagho,’ mana na tei. Nu te cheke eghu iara ka keha mae ana, ‘Mei sagho agne!’ mana na mei. Nu te cheke eghu iara ka nogu mae gloku na, ‘Eni sagho igne!’ mana na eni tuana.”