Matiu 8:34 - Buka Blahi Ka Cheke Holo

³⁴ Naiknogna namono na ne kafe jifla mala tei ludeni mae Jisas. Kate tei te filoni mana na, mare ne toreni mana mala jifla mana, mala thosei au ka nodi nohi na.

Matiu 8:34 ပူးပေါင်းရင်းမြစ်များ

Mae Khuru 16:39

Aonu mare mei ka mae Pol ghe mae Silas ne chekeni ka phiamare nodi diꞌanagnafa na. Mare ne hata fajifladi mae Pol ghe mae Silas ka suga sosolo na, eghuteuna toredi phiamare mala jifla kokoni u namono na.

Luku 5:8

Mae Simon Pita filoni igne ne pogho soru ke ulugna mae Jisas ne cheke eghu ka mana, “Lord, thosei mei namo ka iara, naugna iara naikno diꞌa.”

Thoutonu Eigna Mae Job 21:14

Naikno te diꞌa igre cheke ka God mala thosei au baludi. Mare theome magnahaghei te lasedi puhigna mana re.

Thoutonu Eigna Mae Job 22:17

Naikno igre tirodini God, eghuteuna mare theome fatutuani te God na tangomana te eni kaisei glepo ka naikno te tirodini mana igre.

Ululahu Kings 17:18

Aonu idogna na ne cheke eghu ka mae Elija, “Iagho nogna mae gloku God, naugna unha site eni iagho ka iara gnea? Jau iagho mei agne mala ke ghathodi iara nakhibogu gre, mala faleheni thugu iara gne!”

Luku 8:28

Eghuteuna kmana fata naitu na mei faheta fara ka mana. Neuba naiknore ne haru ghahegna nei khamegna teure ka phukri, ba lilisei mae mala reireghini, mana tangomana ngala te kukusu phukrire. Eghuteuna naitu na ne kuru teini mana mala au ka namono nagou na. Kate filoni mae Jisas na, mana eha eghu fabiꞌo ne tuturupuku ke ulugna mae Jisas. Jisas ne cheke faheta ka naitu na mala jifla mei ka mana. Aonu mae igne ne eha eghu fabiꞌo, “Sei, Jisas, Thugna God te nolaghi! Ba, na faꞌunha ghau iara sagho ia? Iara tore nigho mala thosei goigoni ghau iara!”

Matiu 8:29

Phiamare ne filo teini mae Jisas ne eha eghu ka mana, “Thugna God, mei mala faꞌunha ghami ghehati sagho ia? Ba, mei mala para ghami ghehati ame thokei mei nga narane teke kulu lilisei God te mala fate ghami ghehati na neku sagho ia?”

Ululahu Kings 18:17

Eghuteuna kate filoni mae Elija na, mana ne cheke eghu, “Tore! Iagho si mae te ei puhi biꞌo agne Israel ia?”

Ululahu Samuel 16:4

Aonu mae Samuel ne leghuni unha te chekeni Lord ka mana igne. Kate posa mana ka namono na, hatimare mae biꞌogna namono na filoni mae Samuel ne mhaghu nodi fara. Mare mei ne ghusna eghu ka mana, “Iagho mei ka pharikeli?”

Diutronomi 5:25

Nu, gognarona ghehati theome magnahaghei te lehe ka khaꞌaghi biꞌo igne! Jame te nomhini ghehati naoglagna Lord, nomi God igne keha fata re ghehati ginauna na thofno lehe.

Profet Emos 7:12

Amasaea mei ne cheke eghu ka iara, “Iagho mae ihei te lase filodi mifi ra, iagho jifla agne mala ke pulo Juda! Iagho ginauna toutonu ka namono tuana, eghuteuna naiknogna nou namono iagho na ginauna nate foli nigho iagho na.