Matiu 8:31 - Buka Blahi Ka Cheke Holo

³¹ Eghuteuna naiture ne toreni mae Jisas, ne cheke eghu ka mana, “Jame te brue ghami ghehati na, iagho kuru ghami ghehati tei ke lamnadi bosu gro eghu.”

Matiu 8:31 ပူးပေါင်းရင်းမြစ်များ

Nonomho Te Keli Teke Risoi Mae Mak 5:12

Aonu naiture toreni mae Jisas ne cheke eghu ka mana, “Jisas, kuru tei ghami ka bosu gro, mala tei ruma ghehati ka reꞌe.”

Thakle 12:12

Naugna igne, kligna nei ghotilo hui te au jare ra mala kafe gleale'a! Nu nauthoglu nei nhorora teura fiofilo ghami! Naugna mae Satan, mae funeidi naitu te gnafare neke soruhi ka ghotilo. Mana thono diꞌatagna fara, naugna mana lasenihi te kmo'e farahi nogna narane te mala baubatudi naikno te gnafare ka nakhibo.”

Nonomho Te Keli Teke Risoi Mae Mak 5:7

Eghuteuna mae Jisas ne cheke eghu, “Iagho naitu, jifla mei ka mana!” Aonu, mana ne eha eghu fabiꞌo, “Jisas, Thugna God ka maloa kligna! Iagho ginauna na faꞌunha ghau iara sia? Ka nanghagna God iara tore mala thosei para ghau iara!”

Matiu 4:24

Thoutonu eigna mae Jisas na ne tei tongana heva heva ka Provins Siria, eghuteuna mare hata ne mei ka mana naikno te gnafa te fogra re. Naikno igre au tadi soasopai khabru. Keha au naitu, keha snosnogho, nei keha lehe ghahedi nei khamedi teure. Tutuani, mae Jisas ne kafe fakarhadi.

Matiu 7:6

“Thosei tusu lao glepo blahire ka naikno te diꞌare. Naugna mare jateula bukrei bosu te goigonidi glepo te blahi ra eghu, ba jateula bukrei khuma te mei kathi ghami ghotilo ra eghu kolho.”

Matiu 8:30

Rhegna vido au teu mare na, kaisei tothoghei bosu humeu.

Matiu 8:32

Mae Jisas ne cheke eghu ka naiture, “Tei nomi!” Aonu, naiture jifla ne tei ruma ke lamnadi bosure. Eghuteuna tothoghei bosu na kafe chari ne soru ka thabafe na ne tei krofu ka Kholo Galili na ne kafe knoho.