Matiu 8:30 - Buka Blahi Ka Cheke Holo

³⁰ Rhegna vido au teu mare na, kaisei tothoghei bosu humeu.

Matiu 8:30 ပူးပေါင်းရင်းမြစ်များ

Nonomho Te Keli Teke Risoi Mae Mak 5:11

Kmana bosu humeu ka thogele na rhegna vido tuana.

Diutronomi 14:8

Eghuteuna ghotilo thosei ghamu bosu, eigna bosu na thona ka tathagna Lord na. Neubane fnota thatablagna ka phei vido, bosu na theome ghamu buburu jateula buluka eghu. Ghotilo thosei ghamu nafnahidi nafnata glepo te tautagu igre ba habodi thinidi te lehe re.

Levitikas 11:7

Eghuteuna bosu na, neuba thatablagna na ne fnota pea, nu ghotilo thosei ghamu, naugna ne theome ghamu buburu jateula buluka neu. Blahi te ghamu ghotilo na, naugna ne theome klino ka tathagu iara na.

Luku 8:32

Kmana bosu humeu ka thogele na rhegna vido tuana. Aonu naiture ne toreni mae Jisas mala snakre teidi mala ruma ke lamnadi bosure. Aonu mae Jisas ne snakre teidi naitu igre ka bosure.

Profet Isaia 66:3

Nu puhimi ghotilore thono diꞌa fara! Ghotilo edi kolho unha te magnahaghedi themi re, theome leghuni puhigu iara na. Eigna iheire te falehe buluka mala fafara ka iara teuna jateula iheire te falehe naikno mala fafara ka nodi god ra eghu. Iheire te falehe sipu mala fafara teuna jateula iheire te lolhopa graragna khuma na te fafara ka nodi god ra eghu. Iheire te fafara sopho ka iara na jateula iheire te fafara dadara bosu ka nodi god ra eghu. Iheire te gahu insens igre jateula iheire te tarai ka mumuju ra eghu.

Matiu 7:6

“Thosei tusu lao glepo blahire ka naikno te diꞌare. Naugna mare jateula bukrei bosu te goigonidi glepo te blahi ra eghu, ba jateula bukrei khuma te mei kathi ghami ghotilo ra eghu kolho.”

Matiu 8:29

Phiamare ne filo teini mae Jisas ne eha eghu ka mana, “Thugna God, mei mala faꞌunha ghami ghehati sagho ia? Ba, mei mala para ghami ghehati ame thokei mei nga narane teke kulu lilisei God te mala fate ghami ghehati na neku sagho ia?”

Matiu 8:31

Eghuteuna naiture ne toreni mae Jisas, ne cheke eghu ka mana, “Jame te brue ghami ghehati na, iagho kuru ghami ghehati tei ke lamnadi bosu gro eghu.”