Matiu 8:26 - Buka Blahi Ka Cheke Holo

²⁶ Ka vido tuana mae Jisas ne cheke eghu ka mare, “Thosei mhaghu, theo kaisei nafugna te mhaghu ghotilo na! Ghotilo theome biꞌo kolho nomi fatutuani na ka God.” Mana kegra haghe ne cheke eghu faheta ka nuri na, “Beata sagho!” Eghuteuna ke jaola ka galore mala sola. Ka vido tuana nhorora na ne lehe soru ne beata fara.

Matiu 8:26 ပူးပေါင်းရင်းမြစ်များ

Nodi Khoje Hatimare Mae Jiu 65:7

Iagho ngala te tangomana te fabeatadi u nhorora te maraghata gre. Eghuteuna iagho famuanadi galo biꞌo te oa'ongha gre. Eghuteuna iagho tangomana te famuanadi iheire te fari fapholai.

Nodi Khoje Hatimare Mae Jiu 89:9

U thongna biꞌo na au nolaghi biꞌo fara, nu iagho themu ngala te batuni nei saghe leghuni teuna. Ka vido te galo biꞌo na, iagho ngala te tangomana te fabeatani na.

Matiu 6:30

Nu thegna God kolho teke falalaonidi sisi ka namhata na are, nu sisi te karha teu gognaro igne nathuꞌu teuna na koko lao ka khaꞌaghi. Ghotilo ke uludi sisi igrei. Ba, na theome falalaoni ghami la God mae Kmami te au kligna na neu si ghotilo ia? Uve! Nu nomi fatutuani ghotilo na thono ikoni fara!

Letas Teke Riso Tei Mae Pol Ka Khiloau Rom 4:20

Kate ghathoni nogna nhaꞌa cheke God na, mana theome khoko nogna fatutuani na nei theome ghatho peapea eigna igne, nu nogna fatutuani mana na biꞌo fara. Eghuteuna mana cheke fakelini koba nogna nolaghi te biꞌo God na.

Matiu 16:8

Aonu mae Jisas ne laseni unha te chekeni mare na ne cheke eghu, “Naugna unha site chekeni ghotilo ne theome hata keha bret teu gnea? Nu nomi fatutuani ghotilo na ikoi fara.

Thakle 10:2

Engel igne ne louloku kaisei buka ikoi tela thorahi ka khamegna na. Aonu mana tapla lao ghahe nhetagna na ke kligna nhorora, eghuteuna ghahe mairigna na ke kligna glose te khapra.

Profet Habaku 3:8

Lord, kate lhotidi iagho khoꞌu eghuteuna fofota thongna na teu igne, ba, iagho neke diꞌatamu ka ghehati sia? Theo! Kate mei toghodi iagho nou naiknore te mala uludi mae naokare, iagho neke mei jateula kaisei nou soldia nei hose nei chariot eghu.

Profet Nahum 1:4

Kate cheke mana ka thongna na, thongna na ginauna moja. Mana jaola tangomana te cheke ranghidi khoꞌure mala moja. Nohi Besan, nei Thogele Kamel teu igre ginauna kafe moja, eghuteuna sisi te au ka Thogele Lebanon na igre ginauna kafe lehe.

Profet Isaia 63:12

Mana neke tusu lao nolaghi biꞌo ka mae Moses. Eghuteuna mana neke fofota thongna na ka phei vido neke kasa nogna naiknore ka keha phile na, eghuteuna ka puhi igne mana ne atha nafnakno biꞌo te theo ka huigna.

Matiu 8:27

Mare te gnafa na ne jaglo nodi fara, ne cheke eghu, “Tore, unha nafnata mae si ignea? Nuri ba ne galo faꞌuveni ngala chekegna mana na!”

Matiu 17:20

Mae Jisas ne cheke eghu ka mare, “Ghotilo theome tangomana ghami te brue teini naitu na, naugna nomi fatutuani ghotilo na theome naba. Tutuani fara te chekeni iara ka ghotilo na, neubane ikoi fara jateula sisi gaju mastad neu nomi fatutuani ghotilo na, ghotilo na tangomana te cheke eghu ka thogele igne, ‘Jifla agne mala tei jare.’ Teu ghotilo na, thogele tuana ginauna thugha tei. Eghume ginauna theo kaisei glepo nate ninhigrana ranghi ghami ghotilo na.

Luku 4:35

Mae Jisas ne cheke faheta eghu ka naitu na, “Megeu! Jifla mei sagho ka mana!” Naitu na ne koko soruni mana ke uludi mare, ne jifla ka mana, nu naitu na ne theome fadiꞌani mana.