Matiu 8:20 - Buka Blahi Ka Cheke Holo

²⁰ Mae Jisas ne cheke eghu ka mana, “Gauhare au nodi vido te mala thuru na eghuteuna nanghajire au nodi gnoku. Nu iara mae teke mei funu ka God na, theo kaisei namono te mala augu na.”

Matiu 8:20 ပူးပေါင်းရင်းမြစ်များ

Nodi Khoje Hatimare Mae Jiu 84:3

Lord God, iagho te thofno nolaghi fara. Iagho ngala nogu king, nei nogu God teu iara na. Neubane nanghaji ikodi, reꞌe lase hohoro nodi gnoku ke lamnagna nou Sugablahi iagho na, eghuteuna reꞌe lilisei thudire rhegna nou olta iagho na.

Luku 2:7

Ka suga binaboli na, repa theo vido keli mala thurudire. Aonu Meri ne fakarha thugna nalhaꞌu ulu lahu na. Naꞌa ne pipiha ka pohe na, ne fatuthuruni ka sape mala faghamu buluka na.

Fapea Korin 8:9

Ghotilo laseni nogna khokofakasai noda Lord Jisas Kraes. Ghotilo laseni eigna mana kaisei mae dedei fara kligna na, nu malami ghotilo mana neke fakumani thegna. Mana neke au jateula kaisei mae te kuma neku ka nauthoglu igne mala tangomana ghotilo te mala naikno dedei kligna na.

Luku 2:16

Aonu mae grereighi sipure ghosei ne tei ludedi Meri ghe Josep, eghuteuna mare filoni sua gegeꞌe te thuru teu ka sape mala ghamu buluka na.

Luku 2:12

Ghotilo ginauna tei jare mala filoni kaisei fagaglana: ghotilo ginauna filoni u sua gegeꞌe te pipiha teu ka nabreku pohe na te fatuthuru teu ka sape te mala faghamu buluka na.”

Nodi Khoje Hatimare Mae Jiu 109:22

Iara gne au kuma fara eigna iara gne theome au kaisei nogu glepo te keli, nei ka gaoghathogu na iara gne thono glaꞌe fara.

Nodi Khoje Hatimare Mae Jiu 69:29

God, iara gne au kokhoni ghau fara, eghuteuna gaoghathogu na la funu glaꞌe soru. Farhetani gaoghathogu gne nei fakarhi ghau eghu.

Luku 8:3

Eghuteuna kehana Joana, khetogna mae Kusa, mae biꞌo te mala reireghidi nogna glepo mae King Herod Antipas. Kehana Susana baludi kmana gaꞌase langau eghu. Eghuteuna gaꞌase igre tangomana te toghodi mae Jisas nei hatimare nogna mae fanomhore ka nodi glepo thedire.

Matiu 12:32

Nu ihei te cheke fadiꞌa ghau iara mae teke mei funu ka God na, God ginauna tangomana te hata fadeleidi nakhibogna mana re. Nu ihei te cheke fadiꞌani mae Tharunga te Blahi na, God ginauna theome hata fadeleidi nakhibogna mana re, kau nauthoglu gognaro gne ba nathuꞌu nauriha na.

Nodi Khoje Hatimare Mae Jiu 104:17

Nanghajire mei hohoro nodi gnoku ka gaju tuare. Uve, nanghaji biꞌore jaola mei hohoro nodi gnoku ka gaju biꞌo te au ka vido tuana.

Matiu 19:28

Mae Jisas ne cheke eghu ka mare, “Tutuani fara, te chekeni iara ka ghotilo na. Kate thoke mei nogna nauthoglu majaghani God na iara mae teke mei funu kligna na ginauna gnokro ka sape nafnakno. Eghuteuna ghotilo te gnafa te leghu ghau iara gre ginauna jaola gnokro ka nabotho phei sape nafnaknore. Eghuteuna ghotilo ginauna funei frunidi nabotho phei vikegna Israel.

Matiu 17:9

Kate soru mare ka thogele na, mae Jisas ne cheke faheta eghu ka thilo mae fanomhore, “Glepo te filoni ghotilo ka thogele na igne, thosei toutonuni ka iheinga ghilei thokeni narane iara mae teke mei funu ka God na teke karha fapulo ka glehe. Aonu, ame toutonuni nga ghotilo eghu.”

Matiu 16:27

Tutuani fara, iara mae teke mei funu ka God na ginauna nake pulo mei ka nauthoglu igne balu nogna nolaghi biꞌo mae Mama. Eghuteuna, nogna engel mae Mama re ginauna mei balugu iara. Ka narane tuana iara ginauna tabadi naiknore eidi unha gloku teke edi mare.

Matiu 16:13

Mae Jisas ne tei ka nohi te au namono biꞌo Sisaria Filipae. Mana ne ghusna eghu ka nogna mae fanomhore, “Iara mae neke mei funu ka God. Ba, mae ihei eghu ghau iara si naikno grea?”

Matiu 12:40

Mae Jona neke au ka thi'agna sasa te biꞌo fara na thilo narane nei thilo bongi. Eghuteuna ginauna na jateula tuana eghu iara mae teke mei funu ka God na ginauna au ke lamna glose thilo narane nei thilo bongi eghu.

Matiu 12:8

Naugna iara mae teke mei funu ka God gne ngala mae funei gna narane Sabat na.”

Nodi Khoje Hatimare Mae Jiu 40:17

Tore, iara kuma, nei theo nogu nolaghi eghu, nu iagho na theome ghatho iho ghau iara, iagho ghatho ghau iara fabrahu. Nogu God, iagho ngala mae te mala togho ghau iara na. Faghose mei mala fakarha ghau iara.

Profet Daniel 7:13

“Ka bongi te filoni iara mifi igne, iara ne filoni kaisei glepo te jateula naikno ka nauthoglu igne eghu. Mana ne soru mei funu kligna ne kegra ke kligna grokho, eghuteuna mana mei ne namo ka iara. Mare hata ne tei mae igne ka God mae ihei te au fabrahu funu tifa na.

Nodi Khoje Hatimare Mae Jiu 104:12

Tothoghei nanghaji te mei te uareghe ka gaju te au ka geri khoꞌu, te koje nodi koba.

Matiu 13:37

Mae Jisas ne cheke eghu ka mare, “Iara mae teke mei funu ka God na jateula mae ihei te joꞌu wit ka nagare na ia eghu.

Nonomho Te Keli Teke Risoi Mae Mak 8:38

Eghume iheire te tirodi ghau iara nei tirodini chekegu iara na ke uludi naikno te diꞌa kau nauthoglu igne, iara ginauna na tirogudi naikno te tirodi ghau iara tuare ka narane na teke pulo mei iara balu nogna nolaghi biꞌo mae Mama nei balu engel te blahi.”

Luku 9:58

Mae Jisas ne cheke eghu ka mana, “Gauhare au nodi vido te mala thuru na eghuteuna nanghajire au nodi gnoku. Nu iara mae teke mei funu ka God na, theo kaisei namono te mala augu na.”

Luku 12:8

Mae Jisas ne cheke eghu, “Uve, te chekeni iara ka ghotilo na, jame kaisei mae kegra ke uludi keha naiknore eghuteuna cheke thakleni thegna te fatutuani ghau iara teuna, iara mae teke mei funu ka God na ginauna jaola cheke thakleni mana ka engel nogna God re mae tuana te nogu iara na.

Luku 18:8

Uve, te chekeni iara ka ghotilo na. Mana ginauna ghosei toghodi ka puhi biꞌo teke edi mare re. Nu narane ke pulo meigu iara na mae teke mei funu ka God, ba, iara nake filodi kmana naikno teke fatutuani ghau iara re ba keha ghu kolho?”

Luku 21:36

Eghuteuna ghotilo mala tarabana fabrahu. Tarai fabrahu eghu mala tangomana ghotilo te nheta teu te mala nabami te kafe rikhadi glepo te diꞌa fara nate mei ginau igre. Jaola ghotilo tarai fabrahu mala tangomana te mei kegra ke ulugu iara mae teke mei funu ka God.”

Jone 1:51

Mae Jisas ne cheke eghu ka mare, “Tutuani fara, te chekeni iara ka ghotilo na, ghotilo ginauna filoi maloa na thora. Eghuteuna ghotilo ginauna filodi nogna engel God re na haghe nei soru eghu ke klignagu iara, mae teke mei funu ka God na.”

Jone 3:13

Theo kaisei naikno tela tei thokehi kligna na, te mala lasedi unha glepo te edi kligna re. Kaisei iara mae teke mei funu ka God na ngala te lasedi te tangomana te chekedire unha te edi kligna re.

Jone 3:14

Mae Moses neke lilisei haghe ka gaju na u thotoghale gna mogo na ka namono nagou na tifa. Eghume mare ginauna jateula tuana eghu na tupijuru ghau iara mae teke mei funu ka God na kau gaju fafatha.

Jone 6:27

U gano gna nauthoglu igne ghosei boto nei diꞌa eghu. Thosei loku eigna u nafnata gano tuana. Nu loku eigna u gano te au fabrahu te tusu ranghi ghami ghotilo u karha fei tifa na. Iara mae teke mei funu ka God na ginauna tusu ari ka ghotilo u gano tuana. Naugna God Mama na la falalasehi te namha ghau iara na.”

Jone 6:53

Mae Jisas ne cheke eghu ka mare, “Tutuani fara te chekeni iara ka ghotilo na. Te theome ghamuni ghotilo thinigu iara na nei theome ko'uni dadaragu iara mae teke mei funu ka God na teuna ghotilo ginauna theome athini u thofno karha na!

Jone 6:62

Te eghu na, na unha eghu ghotilo gaoghathomi na nate filo ghau iara mae teke mei funu ka God na teke pulo iara ka vido aheva teke kulu au iara tifa na?

Jone 12:34

Naiknore ne cheke eghu ka mana, “Tore! Na lehe sagho ia ghema? Ghehati te laseni ka vetula na mae Kraes na mala theome lehe sia, nu mana mala karha fabrahu! Naugna unha site chekeni iagho mae teke mei funugna ka God na na lehe teu gnea? Mae ihei si ‘Mae teke mei funugna ka God’ gnea?”

Jone 13:31

Ke leghugna te jifla te tei mae Judas na, mae Jisas ne cheke eghu ka keha nogna mae fanomhore, “Tutuani fara, gognarona naiknore na filoni nogu nolaghi biꞌo iara mae teke mei funu ka God. Eghuteuna, naiknore ginauna filoni nogna nolaghi biꞌo God na ka iara.

Mae Khuru 7:56

Aonu mae Stivin ne cheke eghu, “Fanomho! Iara la filonihi grengathagna kligna na la thora. Eghuteuna iara filoni mae teke mei funu ka God na kegra fei nhetagna God!”