Matiu 8:2 - Buka Blahi Ka Cheke Holo

² Aonu kaisei mae te thubu biꞌo fara ka thinigna na, khabru te kiloi leprosi, mana mei ne tuturupuku soru ke ulugna mae Jisas. Mana ne cheke eghu, “Mae funei, ne magnahagheni nga iagho nu, iagho tangomana teke fasalhu ghau iara na.”

Matiu 8:2 ပူးပေါင်းရင်းမြစ်များ

Matiu 18:26

“Nu mae gloku igne mei ne tuturupuku soru ne thuru pari ke ulugna mae funei na ne cheke eghu, ‘Mae funei, ginau sagho, iara nake tughu fapulo ka iagho gobigna lepo teke kaoni iara ra.’

Matiu 15:25

Aonu naikno biꞌo na mei ne tuturupuku soru ke ulugna mae Jisas ne cheke eghu, “Lord, togho ghau iara!”

Ululahu Korin 14:25

eghuteuna glepo te poru ka nagnafagna mana re ginauna thakle. Mana ginauna tuturupuku soru mala kilo fnaknoni God, eghuteuna mana ginauna cheke eghu, “Tutuani fara, God na au balumi ghotilo!”

Mae Khuru 10:25

Kate posa meigna mae Pita na, mae Konilias tei ne thafoni mana, mana tuturupuku ne pogho soru ke ulugna mae Pita.

Jone 9:38

Aonu mana ne cheke eghu, “Uve, Lord, iara fatutuani nigho iagho gognaro na.” Aonu, mana tuturupuku ne pogho soru ranghini mae Jisas.

Matiu 28:17

Aonu, kate filoni mana ka thogele na, mare turupuku soru ne kilo fnaknoni ka mana. Nu keha mae fanomhore pogho soru balu ghatho peapea.

Luku 4:27

Aonu ka narane gna mae profet Elisa na kmana naiknodi Israel neke thubu biꞌo, khabru te kiloi leprosi. Nu mae profet Elisa neke theome fakelini kaisei naiknogna Israel. Nu kaisei mae Naman ka kantri Siria ngala teke fakelini mana na.”

Matiu 26:6

Mae Jisas au neu Betani ka sugagna mae Simon. Mae Simon gne neke leprosi tifa.

Matiu 20:20

Aonu, kheto mae Sebedi na ne tei ka mae Jisas baludi phei thugnare. Naꞌa pogho soru ke ulugna mae Jisas ne toreni mana mala eni glepo te magnahagheni naꞌa na.

Matiu 14:33

Aonu mae fanomhore pogho soru ka mae Jisas ne cheke eghu, “Tutuani fara, iagho thofno Thugna God!”

Matiu 13:58

Naiknodi Nasaret gre ne tirodi fatutuani ni mae Jisas. Naugna igne mae Jisas ne theome edi kmana kofubobhoi jare.

Matiu 9:18

Fari hoteigna te facheke teu mae Jisas ka naiknore, kaisei mae biꞌo gna Kapanam ne mei tuturupuku soru ke ulugna mana, ne cheke eghu, “Thugu gaꞌase iara na la lehehi ginei. Nu iagho tangomana te mei habo lao khamemu na, mala ke karha fapulo naꞌa.”

Fapea Kings 15:5

Lord ne nhaꞌa lao kaisei thubu te thono diꞌa fara te kiloi leprosi ka thinigna mae king na ne ghilei lehe mana. Aonu mana tei ne au sopa thegna ka kaisei suga, eghuteuna mae Jotam thugna mana igne teke gavana ka kantri Juda.

Fapea Kings 5:27

Naugna te eni iagho igne, iagho nei vikemu iagho teu igre ginauna au papara fabrahu ka khabru leprosi teke au ka thinigna mae Naman na igne.” Kate jifla mae Gehasi ka mae profet Elisa na, khabru te diꞌa igne ne kasa ka mae Gehasi, eghuteuna thinigna mana na ne thofno vegha fara.

Naba 12:10

eghuteuna gromno na jaola ne jifla kokoni Suga Thapuale te blahi na. Ke leghugna tuana, kaisei khabru te thono diꞌa fara na ne thokeni Miriam ne fadiꞌani thinigna naꞌa na, eghuteuna guligna Miriam na jaola ne vegha fara. Aonu Eron figri lao ka naꞌa ne filodi thubu ka thinigna Miriam na.

Thakle 19:10

Iara ne tuturupuku soru ke ulugna engel na mala pogho soru ka mana, nu mana ne cheke eghu ka iara, “Thosei pogho soru ka iara! Iagho pogho soruni God kolho! Naugna iara kaisei nogna mae gloku God kolho jateula iagho nei hatimare mae thabusida ka khiloau gne teke fatutuanidi thofno cheke teke toutonudi mae Jisas ra.” Mana ne chekeni igne naugna thofno cheke teke toutonudi mae Jisas igre ngala teke thofno toutonudi la hatimare mae profet ra.

Matiu 28:9

Nu mae Jisas megei nga ne thakle ka repa ne cheke eghu, “Pharikeli!” Eghuteuna repa tei ne loku ka ghahegna mana re, ne cheke fakelini mana.

Matiu 10:8

Fakarhidi iheire te fogra, fakarha fapulodi iheire te lehe, ke faklinodi iheire te thubu biꞌo fara ka khabru te kiloi leprosi, nei bruedi naiture. Iara tusu ari ka ghotilo nolaghi te mala edi glepo igre, nu ghotilo neke theome foli ka iara. Eghume ghotilo gognarona tei mala ke jaola ranghidi keha naiknore, nu thosei toredi mare mala foli ghami eghu.

Matiu 4:9

Eghuteuna Satan ne cheke eghu, “Gobigna lepo igre iara na snakre ari ka iagho, eghu jame te tuturupuku te pogho soru iagho ranghi ghau iara na.”

Matiu 2:11

Mare ne tei ruma ka suga aheva te au sua na ne filoni mana balugna Meri idogna na. Mare tuturupuku ne pogho soru ranghini mana. Aonu mare feferha nodi vauvaghure, ne tusu ranghini mana nodi namha te biꞌo fara silenidire, u gol, u insens, nei u mur.

Fapea Kings 5:1

Mae Naman gne kaisei komanda ka armi gna Siria. Eghuteuna king gna Siria igne thofno magnahagheni nei keli tagnani eghu mae Naman. Naugna Lord neke toghoni mana mala tangomana armi gna Siria te uludi magra re. Mana kaisei mae soldia keli tutuani fara, nu mana au tagna kaisei fogra te diꞌa te kiloi leprosi ka thinigna na.

Fapea Samuel 3:39

Tutuani, God neke vahi ghau iara mala king. Nu gognarona iara theo kaisei nogu nolaghi te mala ke tughu fapulo puhi te diꞌa teke eni phei thugna Seruia igre. Phiamae igre thono nheta fara. Eghume Lord gnala te laseni unha nate eni ka phia mae igre, eigna puhi te diꞌa te eni phiamare igne.”

Matiu 8:1

Kate getu teke soru mae Jisas funu ka thogele na, kmana naikno fara ne leghuni mana.

Matiu 8:25

Mae fanomhore tei ka mana ne fadofrani mana, ne cheke eghu, “Lord, fakarhi ghita sagho, tahati gne na lodu knoho!”

Mae Khuru 10:14

Nu mae Pita ne cheke eghu, “Theo, Lord! Iara theome tangomana te imadi glepo te thona ke ulumu nei theome naba mala ima teure.”