Matiu 7:26 - Buka Blahi Ka Cheke Holo

²⁶ Nu mae ihei te nomhidi chekegu iara igre nei thono irogna leghudi teuna, mana jateula ngau kaisei mae te theome lalase ia eghu. Naugna mana ne theome dokha ne tei pari ne babana nogna suga na.

Matiu 7:26 ပူးပေါင်းရင်းမြစ်များ

Luku 6:49

Nu mae ihei te nomhidi chekegu iara re, nu theome leghudi teuna, mana jateula ngau kaisei mae te theome dokha te tei pari fara te babana nogna suga na ia eghu. Aonu kate soru nakhete na eghuteuna mei neu nabritha na ka suga tuana, suga tuana na ghosei grofo. Eghuteuna suga tuana ginauna phaꞌe dofini kolho.”

Profet Jeremaea 8:9

Nomi mae glalase ghotilo re ginauna mamaja nodi fara na theome leghuni nodi nabrou te doglo na, naugna mare la tirodinihi chekegna Lord na. Nodi glalase mare igne theome keli na theome toghodi mare.

Jemes 2:20

Ghotilo thono iho fara! Te fatutuani ni kolho ghotilo God nu theome eni ghotilo kaisei glepo te keli ranghini ihei teuna, u nafnata fatutuani tuana theome tutuani kolho.

Ululahu Samuel 2:30

“Naugna igne iara Lord nodi God mae Israel, igne unha te chekeni iara na: Tifa na iara neke nhaꞌa cheke ka kuꞌemu iagho Eron ba iheire te gnafa ka tharaknagna mana na igre, mare ginauna mala mae pris mala edi fabrahu nogu gloku iara re. Nu gognarona, iara na cheke fadoglo ari ka iagho, u nhaꞌa cheke igne la gnafahi ka mae thumu iagho ra! Gognarona, mae ihei te ghatho tahu ghau iara na, iara ginauna ghatho tahuni mana. Nu mae ihei te tirogna ghau iara na, iara ginauna na jaola tiroguni mana.

Proveb 14:1

Gaꞌase te autagna gaoghatho te keli na reireghi fakelini tharaknagna na. Nu puhigna gaꞌase te fameomekro na, goigoni ni tharakna thongana na.

Thoutonu Eigna Mae Job 22:16

Mare neke lehe tifa kani teke thoke mei nodi narane re, jateula suga te hata te tei nabritha biꞌo ra eghu.

Matiu 7:24

Mae Jisas ne cheke eghu, “Eghume, mae ihei te nomhidi chekegu iara igre nei leghudi teuna, mana ginauna jateula kaisei mae te lalase babana nogna suga na ke tagru glose te saesape ka thina ia eghu.

Matiu 7:25

Neubane mei nakhete biꞌo na, mei neu nabritha na, nei mei neu nuri blahi na ka suga tuana, suga tuana ginauna theome phaꞌe. Naugna ne babana ke tagru glose te saesape ka thina.

Matiu 7:27

Eghuteuna, mei neu nakhete biꞌo na, mei neu nabritha na, nei mei neu nuri blahi na ka suga tuana. Eghuteuna suga tuana grofo gna na thono diꞌa fara!”