Matiu 7:24 - Buka Blahi Ka Cheke Holo

²⁴ Mae Jisas ne cheke eghu, “Eghume, mae ihei te nomhidi chekegu iara igre nei leghudi teuna, mana ginauna jateula kaisei mae te lalase babana nogna suga na ke tagru glose te saesape ka thina ia eghu.

Matiu 7:24 ပူးပေါင်းရင်းမြစ်များ

Jone 13:17

Naugna ghotilo la lasedihi unha te chekedi iara igre. Eghuteuna ghotilo ginauna keli tami fara jame te leghudi re.

Luku 11:28

Nu mae Jisas ne cheke eghu, “Theo, iheire te nomhini chekegna God na, nei iheire te eni unha te chekedi mana re eghu ngala te tangomana te gleale'a na.”

Ululahu Jone 2:3

Te leghuni tahati unha te magnahaghei God na, tahati thofno laseni mana.

Nodi Khoje Hatimare Mae Jiu 111:10

Mae ihei te magnahaghei mae glalase na, mana mala ghatho tahuni Lord. Uve, mana tusu lao glalase te keli ka iheire te leghudi nogna vetula mana re. Tahati kilo fnaknoni fabrahu mana.

Proveb 10:8

Naikno te autagna gaoghatho te keli na fanomho ka cheke na. Nu naikno te cheke fameomekro na, ginauna goigoni nakarha gna na.

Jone 14:15

Mae Jisas ne cheke eghu ka nogna mae fanomhore, “Uve, jame te namha ghau iara tutuani ghotilo na, ghotilo leghudi koba nogu cheke iara gre.

Jone 15:14

Ghotilo thofno kheragu iara, eghu te edi koba ghotilo unha te chekedi iara re.

Thoutonu Eigna Mae Job 28:28

Aonu God ne cheke eghu ka tahati, “Ghatho tahuni Lord, igne thofno gaoghatho te keli na. Te mala hatini glalase te keli na, ghotilo thosei eni puhi te diꞌa na.”

Jone 15:10

Te leghudi ghotilo nogu vetula iara re, iara ginauna namha ghami ghotilo fabrahu. Jateula ngau iara te leghudi nogna vetula mae Mama re, eghuteuna mana namha ghaula iara.

Matiu 12:50

Ihei te eni unha te magnahagheni mae Kmagu iara te au kligna na thofno thabusigu nei greghagu nei idogu eghu iara.”

Nodi Khoje Hatimare Mae Jiu 119:99

Tutuani, iara ghathodi fabrahu nou cheke iagho re, eghume iara atha gaoghatho te keli fara uludi nodi gaoghatho mae nogu velepuhi re.

Nodi Khoje Hatimare Mae Jiu 119:130

Jateula naphae eghu ka naiknore kate glola fara u gaoghathodi nou cheke iagho re, eghuteuna naikno teke ihore ke lalase eghu.

Proveb 14:8

Mae te autagna gaoghatho fakeli na, mana laseni unha te eni na. Nu mae te theome autagna gaoghatho fakeli na, mana batu fadiꞌani kolho thegna, naugna gaoghathogna mana na theome doglo.

Proveb 10:25

Narane naꞌau papara ginau mei jateula khoburu eghu mala mei goigonidi naikno te diꞌare. Nu naikno te doglore ginauna kegra heta fabrahu.

Proveb 12:7

Mae te diꞌa te gnafare ginauna ari dofidi, na theo kaisei te au faleghu na. Nu mae te keli te gnafare ginauna au fabrahu, eghuteuna vikedi mare igre ginauna vuragha.

Matiu 7:25

Neubane mei nakhete biꞌo na, mei neu nabritha na, nei mei neu nuri blahi na ka suga tuana, suga tuana ginauna theome phaꞌe. Naugna ne babana ke tagru glose te saesape ka thina.

Matiu 7:26

Nu mae ihei te nomhidi chekegu iara igre nei thono irogna leghudi teuna, mana jateula ngau kaisei mae te theome lalase ia eghu. Naugna mana ne theome dokha ne tei pari ne babana nogna suga na.

Matiu 16:18

Eghume te chekeni iara ka iagho na, iagho mae Pita jateula kaisei thina eghu. Kate babana iara nogu khiloau na, thina igne ginauna na famamhaku hi. Eghuteuna, nogna nolaghi glehe na ginauna na theome tangomana nate tapla soruni nogu khiloau iara na.

Matiu 24:45

Te mala laseni mae fanomhore gaoghathogna cheke naba igne, mae Jisas ne cheke eghu ka mare, “Ba, mae ihei si mae gloku te keli tagna mae funei na ia? Mae gloku te lalase fara te leghuni fabrahu teu nogna cheke mae funei na. Igne ngala mae teke vavahi nogna mae funei na te mala reireghidi keha mae glokure kate tei mae funei na. Mae gloku igne ginauna tangomana te tufa nanaba ganore ka keha mae glokure ka thofno narane te mala ghamu mare na.

Matiu 25:2

Keha glima gaꞌasere theome lalase, eghuteuna keha glima gaꞌasere lalase.

Matiu 25:4

Aonu, glima gaꞌase te lalase igre hata nodi jutare nei hata nodi kmana keraseni baludi.

Matiu 25:9

“Rehati ne cheke eghu ka reꞌe, ‘Theo. Keraseni ghehati gre jame theome kafe nabada tahati. Tei si ghotilo ka naikno te foli keraseni are mala foli keha nomi themi.’

Letas Teke Riso Tei Mae Pol Ka Khiloau Rom 2:13

Iheire te fiti fanomho kolho ka vetula na, mare theome doglo ke ulugna God, nu iheire te leghuni unha te chekeni ka vetula na, God ginauna fadoglodi ke ulugna.