Matiu 7:22 - Buka Blahi Ka Cheke Holo

²² Kau narane leghu lahu nate fatedi God naiknore, kmana naikno ginauna mei cheke eghu ka iara, ‘Lord, Lord! Ghehati neke toutonuni chekegna God na kau nanghamu iagho na. Nu ka nanghamu iagho na ghehati neke bruedi naiture nei edi kmana nafnata kofubobhoi.’

Matiu 7:22 ပူးပေါင်းရင်းမြစ်များ

Fapea Timoti 1:12

Eghuteuna gognaro na iara au papara naugna iara ne toutonu eigna u Nonomho te Keli gne. Nu iara theome mamaja naugna iara laseni mae Jisas, mae ihei iara te fatutuani nihi. Iara laseni fara igne, mana tangomana te taji fakelini nogu gloku iara te mala toutonuni Nonomho te Keli igne ghilei thoke mei narane leghu lahu na.

Fapea Timoti 4:8

Eghuteuna gognaro na u taba te mala uluni iara na la kulu auhi. Uve, ka narane leghu lahu na Lord mae ihei te tangomana te mala fatedi naiknore ka puhi te doglo na, mana ginauna cheke eghu ka iara, “Iagho kaisei mae te doglo ke ulugu iara. Igne nou taba iagho na.” Eghuteuna mana ginauna na theome eni igne ka iara kolho, nu jaola ranghidi naikno te gnafa te ofoni teu ke pulo meigna mana na.

Jone 11:51

Mae Kaefas gne neke theome fiti ghathoni kau nagnafagna thegna na cheke igne. Nu God neke cheke ranghini mae Kaefas, naugna mana neke mae pris biꞌo ka finogha tuana. Mana kulu cheke thakleni eigna mae Jisas te mala kafe lehe tughudi naikno Jiu te au ka nauthoglu igne.

Naba 24:4

Igne nogna cheke mae ihei te nomhini chekegna God na. Uve, igne nogna cheke mae ihei te filoni ka mifi unha te mei funu ka God te nolaghi.

Ululahu Tesalonika 5:4

Nu kheraguro, ghotilo theome au kate romno. Eghume narane tuana ginauna theome farhani ghami ghotilo jateula kaisei mae te mei ka suga na te mala blau.

Luku 10:12

Te chekeni iara ka ghotilo na, ka narane leghu lahu na God ginauna fatedi naikno te au ka namono igne. Fate tuana ginauna biꞌo fara uludi narane teke fatedi mana naikno te diꞌa te au ka namono Sodom.”

Matiu 25:11

“Theome raugha ke leghugna igne, keha glima gaꞌasere neke pulo mei. Rehati mei ne eha eghu ke kosi suga, ‘Mae funei! Mae funei! Tothora grengatha gne mala ruma ghehati!’

Matiu 24:36

“Tuani fara, theo kaisei naikno te raꞌe laseni narane mala ke pulo meigu iara na. Iara nei mae engel kligna re theome laseni la. Kaisei mae Mama thegna ngala te laseni na.

Matiu 7:21

“Naikno te cheke eghu, ‘Lord, Lord,’ teu ka iara igre ginauna na theome kafe naikno te funei frunidi God re. Nu naikno nate funei frunidi God igre ngala nate edi unha te magnahaghedi mae Kmagu iara te au kligna na.

Profet Isaia 2:17

Jateula puhi igne eghu, Lord ginauna tapla faparidi naikno te fahaehaghe. Eghuteuna mumuju god igre ginauna gnafa dofidi, eghuteuna naikno te gnafa gre ginauna ghatho tahuni Lord kolho.

Profet Isaia 2:11

Ka narane igne, Lord ginauna nhaꞌa faparidi naikno te fahaehaghe are, eghuteuna naikno te gnafa igre ginauna ghatho tahuni Lord kolho.

Fapea Timoti 1:18

Iagho laseni fara igne, kmana glepo te togho ghau iara mae Onesifora ka namono Efesus. Iara toreni Lord mala khokonini mana ka narane leghu lahu na.

Fapea Tesalonika 1:10

Kate mei ka narane biꞌo tuana, mana ginauna hata nafnakno ka nogna naikno blahire. Eghuteuna naikno teke fatutuani ni mana tuare ginauna kilo fnaknoni mana. Ghotilo ginauna au ke lamnagna tothoghei naikno fatutuani tuana, naugna ghotilo ne fatutuanidi unha te chekedi ghehati ra.

Matiu 10:15

Tutuani fara te chekeni iara ka ghotilo na. Ka narane fate na thono diꞌa fara ranghidi naikno te diꞌa te au kau namono tuana ke tulaodi naikno te diꞌa di Sodom ghe Gomora tifa ra.

Naba 31:8

Eghuteuna mare jaola ne falehedi glima nodi king maedi Midian re. Nanghadi mae king re igre: Mae king Evi, mae king Rekem, mae king Sua, mae king Hua, nei mae king Reba. Mare jaola ne faleheni mae Balam, thugna mae Beo na.