Matiu 7:21 - Buka Blahi Ka Cheke Holo

²¹ “Naikno te cheke eghu, ‘Lord, Lord,’ teu ka iara igre ginauna na theome kafe naikno te funei frunidi God re. Nu naikno nate funei frunidi God igre ngala nate edi unha te magnahaghedi mae Kmagu iara te au kligna na.

Matiu 7:21 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 2:13

Iheire te fiti fanomho kolho ka vetula na, mare theome doglo ke ulugna God, nu iheire te leghuni unha te chekeni ka vetula na, God ginauna fadoglodi ke ulugna.

Luku 6:46

“Naugna unha ne cheke eghu nga ghotilo ka iara, ‘Lord, Lord,’ nu ghotilo theome edi kolho unha te chekedi iara re?

Jemes 1:22

Ghotilo mala leghuni koba u chekegna God na. Eghuteuna te cheke eghu ghotilo na, “Ghehati la nomhinihi chekegna God na” teu ghotilo, nu tiromi leghuni unha te chekeni mana na teuna, ghotilo chaghi ghami kolho themi.

Luku 11:28

Nu mae Jisas ne cheke eghu, “Theo, iheire te nomhini chekegna God na, nei iheire te eni unha te chekedi mana re eghu ngala te tangomana te gleale'a na.”

Taetus 1:16

Neubane cheke eghu mana, “Iara laseni fara God” neu, iagho ginauna na laseni ka puhigna nei nogna gloku teu mana re te theome laseni God na. Igne tutuani fara, naugna mana mae thono diꞌa fara, mae huhughu nei mae ihei te theome tangomana leghudi u puhi te kelire eghu.

Hibru 4:6

Naikno teke kulu nomhini u Nonomho te Keli gne mare na theome ruma ka namono mala gnafa na, naugna mare ne theome fatutuani ni God. Nu tutuani fara kehare ginauna na ruma ka namono mala gnafa na.

Jone 6:40

Naugna mae Kmagu iara na magnahagheidi naiknore te kafe filo glani ghau iara mae Thugna na nei fatutuani ghau iara teuna mala athini u karha fei tifa na. Eghuteuna iara na fakarha fapulodi kau narane leghu lahu na.”

Thakle 3:5

Iheire te leghu ghau iara fabrahu te ghilei lehe na, mare ginauna pipichi pohe vegha. Eghuteuna iara ginauna theome hata koko nanghadi teke rioriso ka nogu buka iara na. Iheire te au nanghadi ka nogu buka iara na igre na au fabrahu tifa tifa. Eghuteuna iara ginauna chekeni ke ulugna mae Mama nei ke uludi nogna engel mana re, ‘Naikno igre thofno nogu iara tutuani.’

Ululahu Pita 4:2

Eghume kani au teu ghotilo ka nauthoglu igne, ghotilo thosei leghudi glepo te diꞌa te magnahagheni fara thini na. Blahi. Ghotilo leghuni kolho unha te magnahagheni God na.

Hibru 13:21

Iara toreni God mala tusu ari glepo keli te gnafa ka ghotilo, mala tangomana ghotilo te edi unha te magnahaghedi mana re. Eghuteuna iara jaola toreni God ka nogna nolaghi mae Jisas Kraes, mana na edi unha te keli tagnadi thegna ke lamnami ghehati. Eghuteuna tahati ginauna na kilo fnaknoni mae Jisas Kraes tifa tifa. Amen.

Matiu 12:50

Ihei te eni unha te magnahagheni mae Kmagu iara te au kligna na thofno thabusigu nei greghagu nei idogu eghu iara.”

Thakle 22:14

“Naiknore te theo nakhibodi naugna Lam na neke thofa dadaragna na neke lehe, mare keli tadi tutuani fara. Naugna mare nabadi te ima sisigna gaju te tusu mei karha fei tifa na, eghuteuna mare naba dila te ruma ke lamnagna grengathagna namono biꞌo na mala au balugna God.

Jone 3:5

Aonu, mae Jisas ne cheke eghu ka mae Nikodimas, “Tutuani fara te chekeni iara ka iagho na. Te theome karha mana kau khoꞌu nei Tharunga te Blahi teuna mana theome nabagna te au baludi naikno te funei frunidi God.

Matiu 18:3

Mana ne cheke eghu, “Tutuani fara, te chekeni iara ka ghotilo na. Te theome tughu ghotilo puhimire nei nhaꞌa fapari ghami themi jateula sua teuna, ghotilo ginauna thono theome nabami te au ke lamnadi naikno te funei frunidi God igre.

Jone 7:17

Mae ihei te magnahaghei leghuni unha glepo te magnahaghedi God re, mae tuana ginauna lasedi unha te chekedi iara igre neke mei funudi ka God teuna. Mana ginauna laseni u farirhiu igre theome nogu iara thegu.

Letas Teke Riso Tei Mae Pol Ka Khiloau Rom 12:2

Thosei lisa lao ghami themi mala leghuni puhigna naikno te diꞌa te au ka nauthoglu igne, nu lisa lao ghami ka God mala tughu mana nakarhamire, kate tusu ari gaoghatho majaghani ka ghotilo na. Ka puhi igne ghotilo ginauna tangomana te filo glanini unha te magnahagheni God na. Eghuteuna eni glepo te keli nei te doglo fabrahu teuna, nei eni glepo te keli tagnadi God.

Nonomho Te Keli Teke Risoi Mae Mak 3:35

Ihei te eni unha te magnahagheni God na ngala te thofno thabusigu nei greghagu nei idogu teu iara na.”

Ululahu Tesalonika 5:18

Cheke fakeli eidi gobigna lepo fateo, neubane unha te keli ba diꞌa. Tuana unha God te magnahagheni ka ghotilo naikno khiloau ra.

Efesus 6:6

Theome keli te leghudi ghotilo mare kate filo teu kolho mare na, tuana puhi mala famaemahedi kolho mare. Nu te keli na ghotilo thofno leghudi mare ka gaoghathomi fateo mala eni unha te magnahagheni God na, naugna ghotilo thofno nogna mae sneka Kraes.

Ululahu Pita 2:15

Naugna God magnahaghe ghami ghotilo te leghuni koba puhi te doglo na, eghuteuna ghotilo tangomana te fakmudi iheire te cheke fadiꞌa eimi ghotilo. Tutuani fara, mae igre theome laseni u nabrou te doglo na.

Matiu 25:21

“Aonu, mae funei na ne cheke eghu ka nogna mae gloku na, ‘Ghema, iagho kaisei mae gloku keli fara! Eghuteuna iagho ghathodi koba unha te chekedire. Eghume, naugna te ghatho branani iagho nou gloku na ka sileni ikoi teke tusu ari iara ia, gognarona iara na tusu ari kmana glepo ke biꞌodi igrei ka iagho mala reireghidi iagho. Aonu iagho mei mala gleale'a balugu iara.’

Ululahu Tesalonika 4:3

Te chekeni iara igne unha te magnahagheni God na. Mana magnahaghei ghami ghotilo te blahi nei klino. Eghume te keli na ghotilo te au fadelei ka gnognoro.

Kolose 4:12

Kaisei mae kherami keli ghotilo, mae Epafra nogna mae gloku Jisas Kraes, mana jaola kubae ghami ghotilo. Leuleghu fata na, mana tarai heta koba eimi ghotilo. Mana toreni God mala togho ghami ghotilo mala kegra heta ka nomi fatutuani na, nei mala thofno lasedi gobigna lepo God te magnahaghei edi ghotilo re.

Luku 13:25

Kate tei mae khotogna suga na te bobotho grengatha na, ghotilo ginauna kegrau kosi na kikidi cheke eghu, ‘Lord, tothora ranghi ghami grengatha gne!’ “Nu mana ginauna cheke eghu, ‘Iara theome lase ghami ghotilo! Ghotilo neke mei funumi heva?’

Mae Khuru 14:22

Phiamare ne toutonu ranghidi naikno khiloaudi thilo namono tuare mala rhetau nodi fatutuani na. Mae Pol ghe mae Banabas ne cheke eghu, “Ghotilo hetau ngala nomi fatutuani na ka mae Jisas. Naugna tahati naikno te leghuni mae Jisas gre mala ruma ke lamnadi thuagna naꞌau papara gre ame tangomana nga tahati te hatini u thofno karha te funei frunini God na eghu.”

Luku 18:25

Uve, glepo biꞌo te kiloi kamel na, theome tangomana te ruma ka khoragna nili te ikoi na. Nu ke ninhigrana gna tuanai ranghini naikno te thono dedei fara na te ruma ka nogna naikno God te funei frunidire.”

Nonomho Te Keli Teke Risoi Mae Mak 9:47

Eghuteuna jame tathamu iagho na batu fadiꞌa nigho ka nakhibo, hata koko! Te keli na te kaisei tatha kolho te ruma iagho ka vido aheva God te funei frunidi fabrahu nogna naiknore. Theome keli te kafe au teu phei tathamure te tei iagho Gehena na.

Matiu 19:24

Uve, te chekeni iara ka ghotilo na, theome tangomana kamel na te ruma ka khoragna nili na. Eghuteuna ke ninhigrana gna tuanai mae dedei nate ruma baludi naikno te funei frunidi God re.”

Matiu 18:35

“Nu te chekeni iara ka ghotilo na, na jateula tuana eghu mae Kmagu iara te au kligna na ranghi ghami ghotilo te theome hata fadelei ghotilo ka nagnafamire nakhibodi kherami fofodu re.”

Jone 15:23

Ihei te theome magnahaghei ghau iara na, mana theome magnahaghe nila mae Mama.

Matiu 26:42

Mae Jisas jaola neke tei fapea fata na ne tarai. “Mama, keli fara te theome hata koko iagho ka iara glepo te kabru igne, iara na eni fahui unha te magnahagheni iagho na.”

Matiu 16:17

Mae Jisas ne cheke eghu ka mae Simon, “Iagho keli tamu, ghema Simon, thugna mae Jone. Theo kaisei naikno teke farirhiu nigho tuana. Nu mae Mama te au kligna neke falalase nigho eigu iara.

Thakle 2:27

Mare ginauna heta fara kate funei frunidi naiknore, nei mare ginauna thofno roꞌe sorudi nogna naoka God re jateula tahati tangomana te rurhuja kapura eghu kolho.

Jone 14:7

Gognarona ghotilo la lase ghauhi iara, eghume ghotilo ginauna laseni mae Mama. Funu gognarona ghotilo lasenihi mae Mama, eghuteuna ghotilo filonihi mana.”

Jone 5:17

Nu mae Jisas ne filo glanidi gaoghathodi mare re ne cheke eghu ka mare, “Mae Kmagu iara na theome gnafa ka gloku. Eghume iara na loku la.”

Matiu 26:39

Mae Jisas ne riu fadelei katha vido ka thilo mare. Mana pogho soru ne tarai, “Mama, jame te tangomana na, thosei snakre ghau iara mala au papara ka nafnata puhi igne. Nu eni unha te magnahagheni iagho themu na, theome leghui unha te magnahagheni iara na.”

Matiu 18:10

Mae Jisas ne cheke eghu, “Fiofilo ghami ghotilo ia, thosei filo soruni kaisei sua ka igre. Nu te chekeni iara ka ghotilo na, nodi engel sua igre au fabrahu kligna balugna mae Mama.

Matiu 18:19

“Tutuani fara keha glepo te chekeni iara ka ghotilo na. Jame phei naikno ka ghotilo kaisei gaoghatho ngala ka unha te toreni phiamare na, mae Kmagu iara te au kligna na, ginauna eni unha te toreni phiamare na.

Matiu 25:10

“Nu glima gaꞌase te theome lalase igre ne tei foli keraseni. Ke leghudi reꞌe te tei foli keraseni na, mae te mala tholaghi na ne mei. Keha glima gaꞌase teke kulu tarabana nodi jutare ne tei balugna mana ka suga te mala ghamu gaghamu tholaghi na. Aonu grengatha na bobotho ne bibilakhi.