Matiu 7:15 - Buka Blahi Ka Cheke Holo

¹⁵ Mae Jisas ne cheke eghu, “Fiofilo ghami ka mae profet chaichaghi are. Ke kosi na jateula te famane sipu eghu filodire. Nu tutuani, mare goigonidi naiknore jateula khuma fakaukathu eghu naugna gaoghathodire jafra fara.

Matiu 7:15 ပူးပေါင်းရင်းမြစ်များ

Ululahu Jone 4:1

Uve kheraguro, gognaro na kmana mae profet chaichaghi ka nauthoglu gne. Eghume kate toutonu naiknore, thosei fatutuani nodi cheke te gnafare, nu faglanidi eghu glahula gaoghatho te au ka mare tuare neke mei funu ka God.

Matiu 24:11

Kmana profet chaichaghi ginauna thakle mei. Mare na batu fadiꞌadi naikno kmana mala fatutuanidi kolho glepo te chaichaghire.

Kolose 2:8

Fiofilo ghami, thosei snakreni kaisei naikno mala mei chaghi ghami nei mei sagu ghami eghu ka thoutonu te theo nafugna teke eni haghe kolho ka gaoghathogna naikno ghe naitu. Nafnata thoutonu tuare neke theome mei funu ka mae Kraes.

Thakle 19:20

Nu kate magra na, mae ihei te saghe ka hose vegha na igne ne hata bosu na, balugna mae profet chaichaghi na. Mae profet chaichaghi igne mana neke eꞌei kofubobhoi ke ulugna bosu na tifa. Eghuteuna ka puhi igne mana chaichaghidi fara naiknore teke hata mare fagaglana gna bosu na nei pogho soru ka mumuju gna na. Aonu mae profet chaichaghi ghe bosu gre karha neu ne koko lao mare ka kholo khaꞌaghi te ngire ka thina te ngaja na.

Letas Teke Rioriso Mae Jud 1:4

Iara chekeni igne ka ghotilo naugna keha naikno te tirodi leghuni God re poru la ruma meihi ke lamna khiloau. Naikno igre cheke fadiꞌani koba chekegna God na. Mare chaghi nei cheke eghu koba, “Neubane edi tahati puhi te diꞌare, theome fadiꞌa ka God naugna God namha ghita fara.” Eghuteuna mare tirodi fatutuani ni noda funei kaisei ngala mae Jisas Kraes. Nu tifa na hatimare mae profet neke kulu chekenihi u fate biꞌo nate thoke mei ginau ka nafnata naikno igre.

Profet Maeka 3:11

Ghotilo mae mala fate gre snakredi naiknore mala famaemahe ghami ghotilo ka sileni. Ghotilo mae pris gre jaola farirhiudi kolho nogna vetula God mala taba. Eghuteuna profet ra jaola rurutha gaoghathodi mifi igre, nu mala sileni kolho. Nu leuleghu fata na, ghotilo gaoghathomi na Lord ginauna reireghi ghami ghotilo fabrahu. Eghuteuna ghotilo cheke eghu, “Lord na au baluda. Eghume ginauna na theo kaisei puhi biꞌo nate thoke ghita.”

Fapea Pita 3:17

Nu ghotilo kheraguro, ghotilo lasedihi u cheke igre. Reireghi fakeli ghami themi, na eghunu korho fadelei ghami nodi cheke mae te theome leghu vetula igre eghu, te eghu na ghotilo ginauna theome au heta ka mae Jisas.

Luku 6:26

Puhi biꞌo ka ghotilo te cheke fakeli ghami naikno are! Igne fagaglana gna ghotilo te jateula mae profet chaichaghi tifa ra teuna. Naugna mae tifa re neke cheke fakelidi fabrahu mae profet chaichaghire.”

Fapea Timoti 3:13

Tutuani fara, naikno te diꞌa nei mae velepuhi chaichaghi teu igre ginauna diꞌa fara puhidire. Mare ginauna chaghidi koba naiknore, nu mae Satan ginauna nake chaghi fapulo dila mare.

Fapea Timoti 4:3

Naugna ginauna tahati na thoke ka narane nate tirodi fanomho naiknore ka thofno farirhiu na, nu naiknore ginauna leghudi kolho nodi gaoghatho thedire. Eghuteuna mare ginauna hiro mae velepuhi tafri mala nomhini kolho u farirhiu te magnahagheni thedi na.

Filipae 3:2

Filo fakeli ghami ghotilo ia ka naikno te diꞌa fara puhidi are. Mare heta fara ka puhi te dalha thini gne. Mare farirhiu koba igne fagaglana te leghuni puhigna God na.

Efesus 4:14

Kate kotu haghe te naikno biꞌo na, tahati ginauna theome jateula vaka te pala tafri ka nuri ba galo biꞌo ia eghu. Tahati ginauna theome tangomana te ghosei leghuni u nafnata farirhiu te chaichaghi na. Neuba hatimare mae velepuhi chaichaghi are ne magnahaghei chaghi ghita tahati kolho mala leghuni tahati nabrou te jafra na.

Galesia 2:4

Ghehati neke cheke eigna puhi igne naugna keha mae thabusignare chaichaghi neke poru neke ruma mei ka noda tothoghei tahati gne. Eghuteuna mare magnahaghei te ruma mei mala filoni eigna noda naꞌau nasnagla tahati balugna mae Jisas Kraes. Mare magnahaghe ghita tahati te mala au jateula naikno sneka eghu ka nogna vetula mae Moses kolho.

Luku 12:15

Mae Jisas tudu ne cheke eghu, “Fiofilo fakeli ghami ka kmana nafnata khiri te magnahaghedi ghotilo igre. Naugna thofno nakarhagna naikno na theome leghudi kolho glepo kmana te khotodi mana re.”

Profet Esikiel 22:27

Nodi mae funei te gnafa mare igre jateula khuma mata te kathu falehe glepo tautagu te kina sasaka eghuteuna ghamu teura eghu. Mare falehe naikno mala tangomana mare te hata nodi sileni naikno re te mala dedei na.

Thakle 16:13

Eghuteuna iara jaola ne filodi thilo naiture ne jateula groma neu. Thilo groma igre ne jifla mei, kaisei ka foflogna pholi biꞌo na, nei kaisei ka foflogna bosu na, nei kaisei ka foflogna mae profet te chaichaghi na.

Efesus 5:6

Ghotilo thosei snakreni kaisei naikno te mala chaghi ghami ka cheke te theome tutuani are. Tutuani fara, God ginauna na fatedi naikno te theome leghuni mana nu leghudi puhi te diꞌa igre teuna.

Mae Khuru 13:40

Eghume fiofilo ghami ghotilo ia, na eghunu khale ka unha te chekeni hatimare mae profet igne eghu,

Jone 10:12

Te mae gloku kolho mana te theome khotodi mana sipure, mana tangomana te rikha kokodi u sipure kate filoni mana te mei khuma fakaukathu na. Aonu khuma fakaukathu igne ginauna mei hata kehare, eghuteuna keha sipure na rikha tafri.

Matiu 16:11

Eghume iara neke theome cheke ka ghotilo eigna bret. Naugna unha site theome laseni ghotilo gnea? Iara neke cheke ka ghotilo mala filo fakeli ghami nei reireghi ghami eghu ka nodi isi hatimare mae Farasi nei hatimare mae Sadiusi.”

Matiu 16:6

“Filo fakeli ghami ghotilo ia ka nodi isi hatimare mae Farasi nei hatimare mae Sadiusi igre.”

Matiu 10:17

Ghotilo mala filo fakeli. Naugna keha naiknore ginauna hata ghami ghotilo kau fate. Mare ginauna puri ghami ghotilo ke lamnadi nodi suga tharai are.

Profet Sekaraea 13:4

“Ka narane tuana, mae profet te gnafa igre ginauna mamaja nodi fara eigna mifi teke filoni mana na. Theo kaisei ka mare nate pipichi nogna pohe profet te mala chaghidi naiknore, te mala ghathoni mana kaisei mae profet teuna.

Profet Esikiel 22:25

Mae profet di Israel igre edi keha gaoghatho te diꞌa mala goigonidi naiknore jateula lion te rofo te ku'e fabiꞌo kate ghamu nafnahidi glepo tautagu te kathu falehe thedi re. Mare aknu falehe naiknore, eghuteuna hata nodi sileni mare re baludi keha glepo langau eghu. Kmana mae te aknu falehe mare re, eghuteuna khetodi mae te lehe igre au glehe kokoi.

Profet Esikiel 13:22

Iara theome magnahaghedi naikno te doglo gre te diꞌanagnafa na, nu ghotilo faglaꞌedi gaoghathodi naiknore ka nomi chaichaghi ghotilore. Ghotilo togho haghedi koba naikno te diꞌare, eghuteuna mare theome tangomana teke figri fapulo ka puhidi mare te diꞌa re, mala tangomana mare te fakarhadi nakarhadi thedire.

Profet Jeremaea 29:32

Aonu Lord ne cheke eghu: Iara ginauna parani mae Semaea baludi tharakna gna manare, naugna mana ne batu fadeleidi nogu naikno iara re ne theome filodi unha glepo te keli te edi iara re. Eghume iara ginauna na thofno fahuini vikegna mana igne mala theo kaisei naikno ka mare te karha na.’ ” Igne cheke gna Lord.

Profet Jeremaea 29:21

Lord mae ihei te au nolaghi fateote'o, nei nodi God mae Israel teu igne ne cheke eghu, “Ehab thugna mae Kolaea ghe mae Sedekaea thugna mae Masea igre, phei mae profet chaichaghi. Phei mae igre toutonu chaghi ka nanghagu iara. Eghume, iara ginauna lisa laodi phei mae igre ke parigna nogna nolaghi King Nebukadnesa. Eghuteuna mana ginauna falehedi phei mae igre ke ulumi ghotilo.

Thakle 17:6

Eghuteuna iara ne filoni gaꞌase igne naꞌa ne dranga, eigna naꞌa ne koꞌu dadaradi nogna naikno God re. Naꞌa neke falehedi naikno khiloaure, naugna mare ne fatutuani ni mae Jisas. Aonu kate filoni iara te eghu naꞌa igne, iara ne jaglo nogu fara nei diꞌanagnafagu.

Mae Khuru 13:6

Thilomare plomho ne thoke Pafos ka keha phile moumolu na. Jare mare ne ludeni kaisei mae Jiu, nanghagna na Bajisas. Keha nanghagna mae igne ka cheke Griki na kiloni mae Elimas. Mae igne kaisei mae profet chaichaghi, naugna mana loku ka naitu khaekae.

Ululahu Kings 13:18

Mae profet khuekuꞌe igne ne cheke eghu, “Iara jaola kaisei mae profet jateula iagho eghu. Eghuteuna Lord neke kuruni kaisei engel neke mei cheke ka iara mala mei tali fapulo nigho iagho mala ke pulo ghamu nei koꞌu eghu ka sugagu iara na.” Nu mae khuekuꞌe igne chaghini mana kolho.

Profet Daniel 11:34

Nu kate aknu falehedi koba king nogna naikno God igre na, katha vido thotogho kolho nate mei ka mare na. Neubane kmana naikno te ruma mei ka nogna naikno God igre na, nu kehare chaichaghi kolho.

Thakle 20:10

Aonu mare ginauna koko laoni mae Satan ka kholo khaꞌaghi te ngire ka thina te ngaja fara. Satan, mae ihei te chaichaghidi naiknore, ginauna au baludi bosu ghe mae profet chaichaghi. Thilomare na au jare mala papara bongi narane tifa tifa.