Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matiu 6:9 - Buka Blahi Ka Cheke Holo

9 “Eghume, kate tarai na, ghotilo tarai jateula igne eghu: “ ‘Mama te au kligna, ghehati magnahaghei te ghatho tahuni nanghamu te blahi.

အခန်းကိုကြည့်ပါ။ ကော်ပီ




Matiu 6:9
43 ပူးပေါင်းရင်းမြစ်များ  

“Nomi Lord God, iagho neke vuavuhadi gobigna lepo ka nauthoglu igne, eghuteuna tusu lao karha tadi. Naugna igne unha teke magnahaghei eni iagho na. Eghume nabami ghehati te koje te mala pala hagheni nanghamu na nei kilo fnakno nigho nei cheke fakeli nigho eigna nou nolaghi te biꞌo.”


Tharunga te Blahi teke tusu ari God ka ghotilo igne theome mala haru famaku ghami ka namhaghu jateula teke au ghotilo ka namhaghu tifa ia eghu. Theo. Nu mana togho ghami mala thugna God. Eghuteuna ka nogna nolaghi Tharunga te Blahi na tahati tangomana te cheke eghu ka God, “Mama, Mama.”


Tutuani, nanghagu iara na thono blahi fara, nu ghotilo lausasaba ka tathadi naiknore. Nu kate fakakhana iara nolaghi gna nanghagu na ka naiknodi keha kantri are, mare ginauna laseni te iara Lord. Iara ginauna tusu ari ka ghotilo mala fakakhana ka mare te blahi iara na.


Naikno te gnafa ka kantri te gnafa teu ka nauthoglu na igre ginauna atha insens nei gano eghu mei mala fafara ka olta, eigna mare ghatho tahu ghau iara.’


Mana neke fakarhi ghita tahati nogna naikno gre, nei eni u nhaꞌa cheke te theo ka huigna igne baluda tahati. Mana mae blahi nei nolaghi fara eghu.


Nu Lord, iagho kmami ghehati. Ghehati jateula glose eghu, eghuteuna iagho jateula mae ihei te hohoro suspen ka glose ra eghu. Iagho neke vuavuha ghami ghehati hui ka khamemu iagho.


Lord mae ihei te haghe nei blahi fara, nei karha fabrahu te tifa te tifa igne, mana ne cheke eghu, “Iara au ka vido te haghe nei blahi, nu iara jaola au baludi naikno te nhaꞌa faparidi thedi nei au diꞌanagnafa fara eidi nakhibodi re teu igre, eghuteuna iara tusu lao ranghidi nakarha majaghani.


Eghuteuna te mala laseni tahati te goro thugna God na, mana neke kuru mei Tharunga gna Thugna na mala au ke lamnada. Eghuteuna Tharunga na ne eha eghu, “Mama, Mama.”


Mare kafe koje fodu eghu fabiꞌo: “Lord mae ihei te au nolaghi fateote'o, mae ihei te blahi fara! Nogna nolaghi biꞌo mana na siasigla ka vido te gnafa ka nauthoglu igne.”


Mare ne koje eghu fabiꞌo, “Mae Lam igne naiknore neke faleheni mana. Tahati nabada te cheke fakelini mana, naugna mana au nolaghi biꞌo, dedei, gaoghatho te keli, nanheta, nafnakno nei fablahi!”


Tututani, noda God tahati na au kligna, eghuteuna mana au nolaghi te mala eni unha te magnahagheni mana na.


Eghuteuna keha tothoghei ka mae Livaet igre na nanghadire mae Jesu, nei mae Kadmiel, nei mae Bani, nei mae Hasabnea, nei mae Serebaea, nei mae Hodaea, nei mae Sebanaea, nei mae Petahaea, mae igre ne eha eghu fabiꞌo, “Tahati kafe kegra haghe cheke fakelini noda Lord God mae ihei te karha fabrahu tifa te tifa!” “God! Ghehati magnahaghei te pala hagheni nanghamu iagho na. Nu nomi glealeꞌa ghehati igne theo nafugna kolho. Nanghamu iagho na biꞌo fara, eghume nomi glealeꞌa ghehati igne theome naba ka tathamu iagho na.


Neubane diꞌa jateula unha neu ghotilo, ghotilo tangomana te tusu lao glepo te keli ka thumire. Eghume, jateula tuana eghu mae Kmami ghotilo te au kligna te mae keli fara na. Mana ginauna na tufa glepo te keli ranghini ihei te tore ka mana na.


Nu iagho kmami ghehati! Ku'emi ghehati mae Ebraham ghe mae Jekop ra theome au balumi eghuteuna phiamare theome lase ghami ghehati. Nu iagho Lord, iagho thofno kmami ghehati. Naiknore kiloni nanghamu iagho na, “Mae mala fakarha ghami ghehati fabrahu.”


Cheke fakelini Lord, noda God tahati naiknoda Israel. Kaisei mana ngala te edi glepo te keli re.


Iara chekeni ka ghotilo igne, iara ginauna theome ko'uni kaisei waen ke leghugna igne ghilei thoke mei narane nate ko'uni iara waen majaghani na balumi ghotilo ka nogna nauthoglu majaghani mae Mama.”


Thosei kiloni kaisei mae biꞌo ka nauthoglu igne ‘Mama,’ naugna ghotilo kaisei mae Kmami kolho, mae ihei te au kligna.


Eghume, jateula tuana eghu, ghotilo mala falalase nakarhami na mala laseni naiknore te nogna naikno God ghotilo na, nei filo glani unha te keli te eni ghotilo na. Eghuteuna mare ginauna cheke fakelini mae Kmami, mae ihei te au kligna.”


Mana ne tarai eghu: “Lord, nodi God kuꞌemi ghehati ra, iagho au kligna eghuteuna iagho funei frunidi kantri te gnafa ka nauthoglu igne. Iagho nheta fara, nei iagho au nolaghi fateote'o. Theo kaisei naikno tangomana te ulu nigho iagho na.


Iara ginauna nake jifla ke pulo ka mama. Iara ginauna na cheke eghu ka mana: Mama, iara la jafra ranghini God nei jafra ranghi nigho iagho.


Lord ginauna King ka nauthoglu igne. Ka narane tuana, Lord ngala God na, eghuteuna naikno te gnafa heva te heva ka nauthoglu igne ginauna pogho soru ka mana kolho.


Neuba iagho ne au neu kligna, fanomho mei sagho ka unha te toreni mare na. Aonu naikno te au heva heva ka vido te gnafa igre ginauna lase nigho, nei ghatho tahu nigho jateula te edi nou naikno iagho Israel igre eghu. Eghuteuna naikno te gnafa igre ginauna laseni Sugablahi te horo iara igne kaisei vido mala pogho soru nigho iagho.


Eghuteuna naikno te gnafa heva heva ka nauthoglu igne ginauna fodu ka nogna glalase nei nafnakno eghu Lord, jateula nhorora te fodu ka khoꞌura eghu.


Ka puhi igne, iara ginauna fakakhana ka kantri te gnafa igre te blahi nei au nolaghi teu iara na, eghuteuna mare ginauna laseni te iara Lord.”


Te eghu iagho na, naikno te gnafa gre ginauna pala hagheni fabrahu nanghamu iagho na. Naiknore ginauna chekeni te Lord mae ihei au nolaghi fateote'o igne nodi God naiknodi Israel. Eghuteuna vikegu iara igne ginauna rheta fabrahu mala nodi king mae Israel.


Eghuteuna naikno te gnafa igre ginauna cheke fakelini fabrahu nanghamu iagho na. Naiknore ginauna eha eghu fabiꞌo, ‘Lord mae ihei te au nolaghi fateote'o igne, mana nodi God mae Israel!’ Eghuteuna vikegu iara nou mae gloku gne ginauna kegra maku fabrahu Israel.


Kate tarai na ghotilo tangomana te kiloni God, Mama. Tutuani fara, kate fatedi naikno te gnafare, God ginauna theome tangomana te vahini ihei na, nu mana ginauna ghathoni eigna nogna gloku soasopai naikno na. Eghume kate karha nga teu ka nauthoglu igne, ghotilo mala ghatho tahuni God leghu fata.


Mana thegna ngala te theome tangomana te lehe na. Mana au ke lamnagna naphae biꞌo te theome tangomana naiknore te tei rhegnai. Theo kaisei naikno te filoni God, ba tangomana te filoni mana. Ranghini nafnakno nei nolaghi tifa tifa. Amen.


“Mae thugna na ne cheke eghu, ‘Mama, iara la jafra ranghini God nei jafra ranghi nigho iagho. Iara theome nabagu te kilo ghau thumu.’


“Kilo fnaknoni God ka maloa kligna nei pharikeli na au agne ka nauthoglu gne baludi naikno te keli tagnadi God gre.”


Lord ne cheke eghu, “Kligna na nogu sape nafnakno iara, eghuteuna nauthoglu igne nogu vido mala tapla iara phei ghahegu gre. Eghume, ghotilo ginauna horo nogu suga iara na aheva? Aheva nate au nogu vido mala gnafa iara na?


Uve, te hata fadeleidi ghotilo unha najafra teke edi mare re mae Kmami ghotilo te au kligna na ginauna jaola hata fadelei ranghi ghami najafra teke edi ghotilo re.


Nu iagho na, kate tarai na iagho ruma ka nou chogho na, eghuteuna bobotho grengatha na, eghuteuna iagho tarai poru ka mae Kmamu te theome tangomana ihei te filoi na eghu. Mana na filoni unha te eni poru iagho na eghuteuna mana ginauna taba nigho iagho.”


Nu te chekeni iara ka ghotilo na, ghotilo te gnafa na mala kafe klino nei doglo eghu fabrahu nakarhamire, jateula mae Kmami te au kligna te klino nei doglo fabrahu teu nakarhagna ia eghu.”


Aonu mae Moses ne cheke eghu ka mae Eron, “Igne gaoghatho gna unha teke cheke eghu Lord ia: “ ‘Iara ginauna fakakhana te blahi iara ka iheire te mei namo ka iara na. Eghuteuna nogu naikno iara gre ginauna fafnaknoni nogu nolaghi iara na.’ ” Nu mae Eron ne au kmu kolho.


Mae Jisas Kraes nei God Kmada neke vahi ghau iara mae Pol mala kaisei nogna mae khuru. Naiknore neke theome vahi ghau iara, eghuteuna theo kaisei naikno teke tusu mei ka iara u nolaghi te mala loku jateula mae khuru. Nu God mae ihei teke fakarha fapuloni mae Jisas kau glehe ia teke eni igne ka iara na.


Mae Jisas ne cheke eghu ka naꞌa, “Meri, thosei habo mei ka iara. Naugna iara theome haghe ngau ka mae Mama. Nu tei filodi mae thabusignara cheke eghu ka mare, ‘Iara na haghe ka mae Mama nei Kmami ghotilo. Ka nogu God nei nomi God ghotilo.’ ”


Mae Jisas jaola neke tei fapea fata na ne tarai. “Mama, keli fara te theome hata koko iagho ka iara glepo te kabru igne, iara na eni fahui unha te magnahagheni iagho na.”


Nu iagho Lord, iagho nomi God ghehati mae Israel. Fakarhi ghami ka nodi nolaghi maedi Asiria, eghuteuna naikno te gnafa ka kantri te gnafa ka nauthoglu igne ginauna lase nigho iagho te kaisei iagho ngala God na.”


Letas te riso ari iara igne malami ghotilo hui naikno te au ka namono Rom, eigna God namha ghami ghotilo nei kilo ghamihi ghotilo mala nogna naikno blahi mana. Iara toreni nogna khokofakasai nei pharikeli God Kmada nei nogna mae Jisas Kraes noda Lord te mala au balumi.


Kate foli ghotilo nanghaji na, phei nanghaji ikodi igre kaisei senti kolho. Nu mae Kmami ghotilo te au kligna na, mana ngala kaisei mae te snakreni kaisei ka nanghaji ikodi igre te mala karha nei lehe teuna.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ