Matiu 6:5 - Buka Blahi Ka Cheke Holo

⁵ Mae Jisas ne cheke eghu, “Kate tarai na, ghotilo mala thosei jateula mae te chaichaghi ra eghu. Mare magnahaghei fara te tei kegra te tarai ke lamnadi suga tharai ba farihotei glalaba. Mare magnahaghedi naiknore te filodi unha te edi mare re. Nu tutuani fara te chekeni iara ka ghotilo na, mare la kulu hatahi ka naiknore nodi tabare.

Matiu 6:5 ပူးပေါင်းရင်းမြစ်များ

Matiu 6:2

“Kate tufa glepo ka naikno te kuma na, thosei jateula mae te chaichaghi ra eghu falalase ka naiknore. Mare edi tuare ke lamna suga tharai nei ke lamna nabrou biꞌo. Mare magnahaghedi naiknore te ghatho tahudi kolho. Nu tutuani fara te chekeni iara ka ghotilo na, mare la kulu hatahi nodi tabare kate cheke fakelidi naiknore.

Luku 18:13

“Nu mae mala salo takis gne kegra neu delei. Kate tarai na mana tirogna filo haghe kligna. Mana ne tutini babangogna na, naugna mana ne diꞌanagnafadi fara nakhibognare ne tarai eghu, ‘God kokhoni ghau iara, mae te diꞌa gne.’ ”

Nonomho Te Keli Teke Risoi Mae Mak 11:25

Eghuteuna kate tarai na, jame ghotilo diꞌatami ranghini kaisei naikno, ghotilo kulu hata fadelei ghu nakhibogna mae ihei teke diꞌa tamuni na eghu. Jame te eghu na, mae Kmami ghotilo te au kligna na ginauna hata fadelei nakhibomi ghotilo re.

Profet Jeremaea 29:12

Ka narane tuana, ghotilo ginauna mei ka iara mala tarai ka iara, eghuteuna iara ginauna na nomhi ghami ghotilo.

Profet Isaia 1:15

Kate ngafa haghe ghotilo khamemire te tarai mei ka iara na, iara ginauna tirogu filo ari ka ghotilo. Neuba ghotilo ne tarai ne tarai leghu rane, iara ginauna tirogu fanomho ka ghotilo. “Naugna dadaradi naikno teke aknu falehe ghotilo ra fodu ka khamemi ghotilore.

Luku 20:47

Nu mare fakokhoanadi nei blaudi eghu koba nodi gobigna lepo goro naikno biꞌo teke lehe khetodire. Eghuteuna mare tarai brahu koba mala ne mae blahi eghudi naiknore kolho. Filo si ghotilo, God ginauna paradi fara mae tuare!”

Luku 18:1

Kaisei narane ke leghugna igne, mae Jisas ne toutonu ka nogna mae fanomhore kaisei cheke naba mala theome babaꞌo mare nu mala tarai fabrahu eghu.

Profet Daniel 6:10

Neuba mae Daniel ne laseni tela riorisohi king nanghagna na ka vetula igne, mana kegra ne tei ka nogna suga na. Aonu mana ruma lamna ka nogna chogho na ne tuturupuku soru pari ne tarai rhegna wida te filo soru ka namono biꞌo Jerusalem. Mae Daniel ne thilo fata tarai leuleghu narane ne kilo fnaknoni God. Ka narane igne, mana ne jaola ne tarai jateula te eni koba thegna leuleghu narane igne neu.

Efesus 6:18

Kate edi ghotilo glepo igre, ghotilo tarai nei toreni God eghu mala togho ghami mana. Tarai fabrahu ka nogna nolaghi mae Tharunga te Blahi. Tutuani, ghotilo tarabana fakeli koba nei thosei babaꞌo nei taraidi koba hatimare nogna naikno God fateote'o.

Luku 11:43

“Puhi biꞌo ka ghotilo, mae Farasi ra! Naugna te tei ghotilo ke lamna suga tharai na, ghotilo magnahaghei fara te gnokro ka sape nafnakno. Eghuteuna te tei ka maket na, ghotilo magnahaghedi fara naiknore te ghatho tahu ghami na.

Matiu 21:22

Eghume, jame fatutuani ghotilo na, God ginauna tusu ari unha te toreni ghotilo ka tharai na.”

Nodi Khoje Hatimare Mae Jiu 55:17

Fei hamerane nei fei naublatha nei fei grafi teuna iara tanhi ka mana eidi puhi te fadiꞌa ghau re. Eghuteuna mana ginauna na nomhidi nogu tharai iara re.

Nodi Khoje Hatimare Mae Jiu 5:2

Iagho nogu God nei nogu king eghu iara. Togho mei ghau nei nomhidi eghu nogu natanhi gre.

Ululahu Tesalonika 5:17

Tarai koba.

Jone 16:24

Funu tifa te ghilei thoke kau narane gognaro gne ghotilo neke theome toreni kaisei glepo kau nanghagu iara na. Eghume ghotilo tore ka mae Mama, eghuteuna ghotilo ginauna hata ka mana. Eghuteuna ghotilo ginauna thono gleale'a fara.”

Nonomho Te Keli Teke Risoi Mae Mak 12:38

Ka narane te farirhiudi mae Jisas naiknore, mana ne cheke eghu, “Fiofilo ghami ghotilo ia ka mae velepuhidi vetula gre, glahula keli mare eghu ghotilo gaoghathomi na. Naugna mare magnahaghei te nolo tafri balu nodi phoko blahi ke uludi naiknore. Eghuteuna mare magnahaghedi naiknore te ghatho tahudi kate thafodi ka glalabare.

Matiu 9:38

Ghotilo tore ka God, mae khotogna nagare na, mala kuru mei kmana mae gloku mala toutonuni Nonomho te Keli igne, nei toghodi mare mala fatutuani ghau iara. Kate tei loku na, mare jateula mae te tei pulei gano ka nagare ia eghu.”

Matiu 23:13

“Puhi biꞌo ka ghotilo mae Farasi nei mae velepuhigna vetula nogna mae Moses teu igre! Ghotilo chaghi fara! Naugna ghotilo fanagra nabrou te mala tei ka God na. Ghotilo themi na tiromi ruma eghuteuna ghotilo fanagradi naikno te magnahaghe ruma fari hoteidi naikno te funei frunidi God re.

Proveb 16:5

Lord na theome magnahaghedi iheire te fahaehaghe fara are. Mana ginauna paradi mare.

Matiu 23:6

Mae Farasi nei mae velepuhigna vetula nogna mae Moses teu igre magnahaghei gnokro ka sape nafnakno ka gaghamure. Eghuteuna mare magnahaghei gnokro ka sape te keli fara ke lamnadi suga tharai.

Proveb 15:8

Lord na theome magnahagheni nogna fafara naikno te diꞌa na. Nu mana kelitagna ka nogna tharai mae te doglo na.

Matiu 6:16

Mae Jisas ne cheke eghu, “Gognaro na eigna te theome ghamu gano. Kate dangna na, ghotilo thosei filo uchu jateula te edi mae te chaichaghi ra eghu. Mare fadidiꞌa tathadire ka narane te dangna na. Mare eni igne, mala filo naiknore eghu kolho. Nu tutuani fara te chekeni iara ka ghotilo na, mare la kulu hatahi nodi tabare ka naiknore.

Matiu 6:1

Mae Jisas ne cheke eghu, “Fiofilo ghami ghotilo ia, thosei mala filo ghami nga eghu edi gloku te kelire ke uludi naiknore. Naugna mae Kmami ghotilo te au kligna na mana ginauna na theome taba ghami ghotilo.

Matiu 23:5

“Gaoghatho te edi mare glepo te keli igre mala filo naiknore eghu kolho. Mare hohoro fabiꞌo bokisidi grioriso te blahi igre ne haru ka greredi nei khamedi teure. Eghuteuna mare jaola hohoro fabrahu nodi phoko mala tarai re.

Luku 6:24

“Puhi biꞌo ka ghotilo naikno te dedei fara gognaro gre! Naugna ghotilo la gnafahi nomi narane te mala gleale'a na.