Matiu 6:34 - Buka Blahi Ka Cheke Holo

³⁴ Thosei nangani eigna nathuꞌu, naugna nathuꞌu na au nogna puhi ngau thegna te nabagna narane tuana.”

Matiu 6:34 ပူးပေါင်းရင်းမြစ်များ

Matiu 6:25

Mae Jisas ne cheke eghu, “Naugna igne te chekeni iara ka ghotilo na, thosei nanga nomi eigna gano ba eigna khoꞌu te mala karha teu ghotilo na, ba eigna pohe maladi thinimi are. Naugna karha na glepo ke ulugna ganoi, nu thini na glepo ke ulugna pohei.

Jone 14:27

Iara na lilisei soru nogu pharikeli na balumi ghotilo, nogu pharikeli iara igne tusu ari ka ghotilo. Nogu pharikeli iara igne theome jateula glepo te tusu ari naiknogna nauthoglu igne eghu. Eghume thosei nanga nomi nei thosei mhaghu eghu ghotilo ia.

Jone 16:33

“Iara chekedi glepo igre ka ghotilo mala au ghotilo ka pharikeli balugu iara. Tutuani fara, kate au teu ghotilo ka nauthoglu igne naiknore ginauna para ghami fara ghotilo. Nu thosei mhaghu ghotilo eghu, naugna iara la tapla sorunihi mae funei te batu fadiꞌadi naiknore te edi fabrahu puhi te diꞌa igre.”

Luku 11:3

Tusu mei ghemi gano te nabagna narane igne.

Lamentations 3:23

Uve, puhigna Lord na au fabrahu, jateula narane majaghani te haghe fabrahu hamerane boibongi ra eghu. “Uve, Lord, iara cheke fakeli nigho eigna iagho ne namhadi fabrahu nou naiknore!”

Matiu 6:11

Tusu mei ranghi ghami gano te nabagna narane igne.

Mae Khuru 14:22

Phiamare ne toutonu ranghidi naikno khiloaudi thilo namono tuare mala rhetau nodi fatutuani na. Mae Pol ghe mae Banabas ne cheke eghu, “Ghotilo hetau ngala nomi fatutuani na ka mae Jisas. Naugna tahati naikno te leghuni mae Jisas gre mala ruma ke lamnadi thuagna naꞌau papara gre ame tangomana nga tahati te hatini u thofno karha te funei frunini God na eghu.”

Diutronomi 33:25

Ghotilo tangomana te au fakeli fabrahu naugna ghotilo tangomana te hata aean nei bras eghu mala horo grengathadi gringni thinagna nomi namono na mala maku fakeli. Eghuteuna nakarhami ghotilore ginauna rheta fabrahu leghu rane.”

Matiu 6:27

Nu ghotilo theome tangomana teke nhaꞌa lao kaisei finogha kau nakarhami na mala ke nangani ghu keu tuana.

Luku 10:41

Nu mae Jisas ne cheke eghu ka naꞌa, “Mafa, iagho nangadi nei ghathodi eghu fara glepo te kmana gre.

Luku 12:11

“Eghuteuna naiknore ginauna hata ghami ghotilo tei ka fate ke lamna suga tharai, ke uludi hatimare mae funei ba hatimare mae biꞌo naugna ghotilo nogu iara. Thosei nanga nomi eigna unha nate cheke eimi themi nei cheke tughudi nodi cheke hatimare re.

Luku 12:22

Mae Jisas ne cheke eghu ka nogna mae fanomhore, “Eghume, te chekeni iara ka ghotilo na, thosei nanga nomi eigna gano te mala ima te mala karha teuna. Ba eigna pohe te mala pipichi ghotilo ka thinimi are.

Filipae 4:6

Thosei nanga nomi fara eigna unha te thoke ghami ghotilo na. Nu tarai ka God, toreni mana unha te magnahaghei na. Ne tore nga ghotilo ka mana nu, te keli na, ghotilo kulu cheke fakelini ghu mana eghu.

Ululahu Pita 5:7

Ghotilo lisa lao ka khamegna mana puhi biꞌo fateo te nanga nomidi ghotilo re, naugna mana tangomana te reireghi fakeli ghami ghotilo na.