Matiu 6:30 - Buka Blahi Ka Cheke Holo

³⁰ Nu thegna God kolho teke falalaonidi sisi ka namhata na are, nu sisi te karha teu gognaro igne nathuꞌu teuna na koko lao ka khaꞌaghi. Ghotilo ke uludi sisi igrei. Ba, na theome falalaoni ghami la God mae Kmami te au kligna na neu si ghotilo ia? Uve! Nu nomi fatutuani ghotilo na thono ikoni fara!

Matiu 6:30 ပူးပေါင်းရင်းမြစ်များ

Luku 12:28

Sisi te au tafri are reꞌe tangomana te au katha vido kmoꞌei kolho, eghuteuna ke leghugna igne, mare ginauna koko lao ka khaꞌaghi sisi tuare. Nu neuba reꞌe ne eghu ngau, God tusu ranghidi glepo te mala keli fara fifilodire. Eghume God na theome ghatho iho ghami ghotilo, nu mana ginauna na tusu ranghi ghami ghotilo unha te magnahagheni ghotilo na. Tore, nomi fatutuani ghotilo na ikoi fara!

Matiu 14:31

Mae Jisas ngafa lao ne loku ka mae Pita. Mae Jisas ne cheke eghu ka mana, “Ghema, nou fatutuani iagho na ikoi fara! Thosei ghatho peapea!”

Ululahu Pita 1:24

Grioriso te blahi na ne cheke eghu, “Naikno te gnafare jateula buburu eghu kolho, eghuteuna nodi nafnaknore jateula chechenge gaju eghu kolho. Te lehe buburu na, chechenge ginauna na brusu.

Matiu 16:8

Aonu mae Jisas ne laseni unha te chekeni mare na ne cheke eghu, “Naugna unha site chekeni ghotilo ne theome hata keha bret teu gnea? Nu nomi fatutuani ghotilo na ikoi fara.

Matiu 8:26

Ka vido tuana mae Jisas ne cheke eghu ka mare, “Thosei mhaghu, theo kaisei nafugna te mhaghu ghotilo na! Ghotilo theome biꞌo kolho nomi fatutuani na ka God.” Mana kegra haghe ne cheke eghu faheta ka nuri na, “Beata sagho!” Eghuteuna ke jaola ka galore mala sola. Ka vido tuana nhorora na ne lehe soru ne beata fara.

Jone 20:27

Aonu mae Jisas ne cheke eghu ka mae Tomas, “Habo mei khamemu are agne ka khamegu iara gre mala filodi. Eghuteuna habo mei khamemu ana agne ka gagarogu iara gne. Thosei ghatho peapea, fatutuani sagho!”

Nonomho Te Keli Teke Risoi Mae Mak 4:40

Aonu mae Jisas ne cheke eghu ka nogna mae fanomhore, “Naugna unha site mhaghu fara ghotilo gnea? Theome fatutuani ngala si ghotilo ia?”

Hibru 3:12

Eghume, kheraguro, fiofilo fakeli ghami ghotilo ia, na eghunu tei fajafra gaoghathomire mala theome fatutuani ni mae Kraes nei figri tagruni God mae ihei te nolaghi tulao na eghu!

Luku 9:41

Mae Jisas ne cheke eghu, “Tore, ghotilo naikno igre theome fatutuani ni God kolho! Puhimi ghotilo re thono kafe jafra fara! Niha fata au fabrahu iara balumi sia? Iara hongo ghau fara ka ghotilo!” Mana ne cheke eghu ka mae igne, “Hata mei mae thumu na ka iara agne!”

Nonomho Te Keli Teke Risoi Mae Mak 9:19

Mae Jisas ne cheke eghu, “Tore, ghotilo naikno gre theome fatutuani ni God kolho! Niha fata au fabrahu iara balumi ghotilo sia? Iara hongo ghau fara ka ghotilo! Hata mei ka iara agne mae sitei na!”

Matiu 17:17

Mae Jisas ne cheke eghu, “Tore, ghotilo naikno gre theome fatutuani ni God kolho! Puhimi ghotilo re thono kafe jafra fara! Niha fata au fabrahu iara balumi ghotilo sia? Iara hongo ghau fara ka ghotilo! Hata mei ka iara agne mae sitei na!”

Nodi Khoje Hatimare Mae Jiu 92:7

Glepo igre eghu agne, naikno te diꞌare famane kotu haghe jateula buburu eghu, eghuteuna naikno te edi puhi te diꞌare mare au ka nakarha te keli ka nauthoglu igne, nu iagho ginauna roꞌedi mala theo nafudi fabrahu.