Matiu 6:25 - Buka Blahi Ka Cheke Holo

²⁵ Mae Jisas ne cheke eghu, “Naugna igne te chekeni iara ka ghotilo na, thosei nanga nomi eigna gano ba eigna khoꞌu te mala karha teu ghotilo na, ba eigna pohe maladi thinimi are. Naugna karha na glepo ke ulugna ganoi, nu thini na glepo ke ulugna pohei.

Matiu 6:25 ပူးပေါင်းရင်းမြစ်များ

Filipae 4:6

Thosei nanga nomi fara eigna unha te thoke ghami ghotilo na. Nu tarai ka God, toreni mana unha te magnahaghei na. Ne tore nga ghotilo ka mana nu, te keli na, ghotilo kulu cheke fakelini ghu mana eghu.

Ululahu Pita 5:7

Ghotilo lisa lao ka khamegna mana puhi biꞌo fateo te nanga nomidi ghotilo re, naugna mana tangomana te reireghi fakeli ghami ghotilo na.

Letas Teke Riso Tei Mae Pol Ka Khiloau Rom 8:32

God neke theome lhotini thofno Thugna na, nu mana neke snakreni mala lehe eida tahati hui. Ba, te eghu na, mana ginauna jaola khogla tusu mei kolho gobigna lepore ka tahati mala au balugna Kraes? Uve, mana tangomana te eni igne.

Nodi Khoje Hatimare Mae Jiu 55:22

Puhi biꞌo te tahu ghami ghotilo are lisei lao ka khamegna Lord. Eghuteuna mana ginauna na bara fothi ghami nei fakarhi ghami eghu ghotilo. Eghuteuna mana ginauna na theome snakreni kaisei glepo mala goigonini ihei te doglo na.

Matiu 6:31

Thosei nanga nomidi glepo igre, me cheke eghu, ‘Na ghamu unha si tahatia, ba na koꞌu unha, ba na pipichi ka unha?’

Nonomho Te Keli Teke Risoi Mae Mak 4:19

nu mare ngagudi fara eidi thua nafnata glepo re. Eghuteuna mare magnahaghei fara dedei gna nauthoglu igne nei mamagna di keha glepoi. Eghume farirhiu na theome tangomana te tughu nakarhagna mana na.

Matiu 10:19

Kate hati ghami mare kau fate na thosei nanga nomi eigna unha nate chekeni kau fate na. Naugna kau narane tuana God ginauna tusu ranghi ghami ghotilo nolaghi te mala cheke na.

Ululahu Korin 7:32

Iara magnahaghe ghami ghotilo te mala thosei nangani kaisei glepo ka nauthoglu igne malagna nakarhami themi na. Tutuani, mae ihei te theome tolaghi na mala nangani kolho nogna gloku Lord na, naugna mana magnahagheni Lord te gleale'a fara.

Matiu 6:34

Thosei nangani eigna nathuꞌu, naugna nathuꞌu na au nogna puhi ngau thegna te nabagna narane tuana.”

Fapea Timoti 2:4

Jame kaisei mae soldia magnahagheni nogna mae funei te gleale'a ka nogna gloku na, mana theome tangomana te leghudi nogna puhi thegna re.

Luku 8:14

Eghuteuna sisi te soru farihoteidi glathi gnarho te fachuchuru igre, eidi iheire te nomhini cheke na nu nanga nodi fara eidi kmana nafnata glepo. Mare namha dila dedei gna nauthoglu igne ba glepo te keli kau nakarha igne kolho. Aonu cheke igne ginauna theome kotu fakeli nei au kaisei sisi ikoi eghu kolho.

Matiu 13:22

Sisi te sukha ke lamnadi glathi buburu te fachuchuru na igre eidi iheire te nomhini chekegna God, nu cheke igne ghosei ne thafru ka unha te magnahaghedi fara ka thua nafnata dedei gna nauthoglu igne. Eghume theo kaisei sisi te karha na.

Luku 12:11

“Eghuteuna naiknore ginauna hata ghami ghotilo tei ka fate ke lamna suga tharai, ke uludi hatimare mae funei ba hatimare mae biꞌo naugna ghotilo nogu iara. Thosei nanga nomi eigna unha nate cheke eimi themi nei cheke tughudi nodi cheke hatimare re.

Nonomho Te Keli Teke Risoi Mae Mak 13:11

Nu kate hata ghami mare te kegra ka fate na, thosei kulu nanga nomi eigna unha nate chekeni na. Chekeni kolho unha te tusu ari God ka ghotilo te mala chekeni ka narane tuana. Naugna theome ghotilo themi te mala cheke na, nu mae Tharunga te Blahi ginauna togho ghami ghotilo te mala cheke na.

Profet Jeremaea 45:5

Ba! Iagho tangomana te kegra heta ke uludi keha naikno igre na? Theo. Iagho thosei hironi nafnakno na. Naugna iara ginauna atha mei puhi biꞌo ke klignadi naikno te gnafa ka nauthoglu igne. Nu iara ginauna snakre nigho iagho mala rikha tei ka vido aheva nate tei iagho na.” Igne chekegna Lord.