Matiu 6:23 - Buka Blahi Ka Cheke Holo

²³ Eghuteuna te diꞌa fara iagho tathamure, thinimu iagho na ginauna romno fara. Eghume te theo kaisei naphae ke lamnamu iagho nu romno kolho teuna, iagho ginauna na romno fara.

Matiu 6:23 ပူးပေါင်းရင်းမြစ်များ

Ululahu Jone 2:11

Nu ihei te tirognani kheragna fofodu na, mana au kate romno, nei theome laseni aheva te tei na naugna gromno na fadofuni mana.

Matiu 6:22

“Tathamu iagho na jateula kaisei juta eghu, naugna iagho tangomana te filoni u naphae na. Nu te keli teu iagho tathamure, iagho ginauna kafe fodu kau naphae.

Profet Jeremaea 4:22

Lord ne cheke eghu, “Nogu naikno iara igre theome au tadi kaisei gaoghatho te keli. Mare jateula sua te theome lalase nei fagoigoli tafri teura eghu theome lase ghau iara. Mare laseni kolho te mala eni puhi te diꞌa na, nu mare theome tangomana te eni unha puhi te keli na.”

Proveb 26:12

Jame kaisei mae chekeni ne lalase fara eghu, tahati ninhigrana ranghi ghita te toghoni mana te mala lasedi gobigna lepore. Nu jame kaisei mae fameomekro magnahaghei lalase, tahati tangomana te toghoni mana te mala lasedi gobigna lepore.

Efesus 4:18

Tutuani mare theome laseni kaisei glepo nogna God naugna nagnafadire ne patugama fara. Eghume mare au khaba ka thofno nakarha te tutuani teke tusu mei God igne.

Ululahu Korin 2:14

Ihei te theome au tagna u Tharunga te Blahi na, mana theome tangomana te hata u farirhiu te tusu mei Tharunga gna God na. Mana theome lasedi gaoghathodi farirhiu igre, eghuteuna farirhiu igre theo nafudi kolho ka mana. Eigna ihei ngala te baubatu tagna Tharunga te Blahi na te tangomana te mala lasedi nogna farirhiu mana re.

Letas Teke Riso Tei Mae Pol Ka Khiloau Rom 1:22

Neubane cheke eghu mare, “Ghehati lalase fara,” mare la meomekrohi.

Efesus 5:8

Tifa na, ghotilo neke au ka naromno, nu gognaro na ghotilo kela au ka naphae, naugna ghotilo nognahi Lord. Eghume ghotilo leghuni puhidi naikno te au ka naphae,

Luku 8:10

Mae Jisas ne cheke eghu ka mare, “God neke tusu ari ka ghotilo kolho glalase te mala lase fakelidi thofno glepo te au poru ka nakarha God te funei frunini. Nu iara cheke ranghidi keha naiknore ka cheke naba kolho. Kate eni iara igne ne horoghoto fara ka unha teke chekeni mae profet Isaia tifa ia, “ ‘Neubane hiro mare, mare na theome tangomana te filo glanini. Eghuteuna neubane fanomho mare, mare ginauna na theome tangomana te nomhi fakelini.’ ”

Profet Isaia 8:20

Ghotilo fanomho fakeli ka nogna cheke Lord teke farirhiu ghami ghotilo ra. Iheire te theome leghudi farirhiu igre na, mare jateula ihei te au ke lamna gromnora eghu kolho.

Matiu 20:15

Iara tangomana te eni unha iara te magnahaghei ka nogu sileni thegu re. Ba iagho goghotu naugna te keli iara ranghidi naikno tuare sia?’ ”

Nonomho Te Keli Teke Risoi Mae Mak 7:22

mamagna, gloku te diꞌa, saosagro, gnognoro, goghotu, cheke faparini ihei, fahaehaghe nei fanoinoli.

Luku 11:34

Tathamu iagho na jateula kaisei juta eghu, naugna iagho tangomana te filoni naphae na. Nu te keli teu iagho tathamure, iagho ginauna kafe fodu kau naphae. Eghuteuna te diꞌa fara iagho tathamure, thinimu iagho na ginauna romno fara.