Matiu 6:22 - Buka Blahi Ka Cheke Holo

²² “Tathamu iagho na jateula kaisei juta eghu, naugna iagho tangomana te filoni u naphae na. Nu te keli teu iagho tathamure, iagho ginauna kafe fodu kau naphae.

Matiu 6:22 ပူးပေါင်းရင်းမြစ်များ

Fapea Korin 11:3

Nu iara nanga nogu fara, glahula baubatu fajafradi mare gaoghathomi ghotilo re mala theome klino nei theome namhani eghu ghotilo Kraes. Glahu jateula mogo teke saosagroni Ivi ka chekegna te chaichaghi ia eghu.

Kolose 3:22

Ghotilo naikno snekara, leghudi fabrahu nomi funeire ka gobigna lepo te edi ghotilo re. Thosei leghudi kolho kate filo teu ka ghotilo na, mala famaemahedi kolho mare. Nu famane loku ranghidi naugna ghotilo mhaghuni Lord nei magnahaghedi eni unha te keli na.

Efesus 6:5

Ghotilo naikno sneka ra, leghudi nomi funei ka nauthoglu gne balu mhaghu nei ghatho tahu eghu. Eghuteuna gaoghathomi ghotilo re mala au doglo, eigna ghotilo leghudi mare jateula ghotilo te leghuni Kraes.

Mae Khuru 2:46

Leghu narane na mare salo fodu kau nogna Sugablahi God na mala tarai fodu nei jaola ima fodu ka sugadire balu gleale'a ka nagnafa te keli,

Profet Isaia 5:20

Kokhoni ghami fara ghotilo iheire te chekeni te glepo te diꞌare keli kolho ka gaoghathomi ghotilo re, eghuteuna glepo te keli re ke diꞌa! Tore! Gaoghathomi ghotilo gre thono diꞌa fara. Ka gaoghathomi ghotilo na grughu na ke naphae, eghuteuna naphae na ke grughu, eghuteuna glepo te mamahe na ke raha, eghuteuna glepo te raha na ke mamahe! Tore, gaoghathomi ghotilo igre thofno jafra fara!

Matiu 5:15

Jame kaisei mae fakasa juta, mana theome tangomana te lilisei ke pari khara'o na, theo. Nu mana na lilisei haghe kligna, mala kafe phae ka iheire te au kau suga na.