Matiu 6:20 - Buka Blahi Ka Cheke Holo

²⁰ Nu salo fodu malami themi dedei gna kligna. Kokorosi nei kukuku theome tangomana te fadidiꞌa na. Nu mae te blaure theome tangomana te paꞌe suga na mala ruma blau.

Matiu 6:20 ပူးပေါင်းရင်းမြစ်များ

Luku 12:33

Eghume ghotilo fofoli nomi glepore mala hata sileni mala tusu lao ka naikno te kumare. Ghotilo hata thofno gloi sileni te theome tangomana te thona nei breku teu igne. Ghotilo mala salo fodu nomi dedei gna kligna te theo ka gnafa gna, nu au fabrahu. Eghuteuna kligna na theo kaisei mae te mala blau te tangomana te tei thokeni ba theo kaisei khokorosi nate ghamu fadiꞌani na.

Matiu 19:21

Mae Jisas ne cheke eghu ka mana, “Te magnahaghei keli fara iagho ke ulugna God na, ulu lahu na iagho tei fofoli nou gobigna lepore, eghuteuna tei tufa sileni are ka naikno te kumare eghu. Te eghu iagho na, iagho ginauna au nou dedei keli fara te au teu kligna. Aonu iagho tangomana te mei te leghu ghau iara na.”

Jemes 2:5

Kheraguro, fanomho fakeli ghotilo ia. God neke vahidi naikno te kuma igre mala biꞌo nodi fatutuani na ka mana. Eghuteuna mana jaola neke vahidi naikno igre mala tusu ranghidi u thofno nakarha na. Eghuteuna, mana neke eni igne naugna mana neke kulu nhaꞌa chekehi te mala namhadi naikno te kuma igre.

Ululahu Timoti 6:19

Ka puhi igne mare ginauna na salofodu maladi thedi dedei te heta fara malagna nathuꞌu nauriha. Eghuteuna mare ginauna tangomana te thokeni nakarha te thofno tutuani igne.

Luku 18:22

Kate nomhini igne mae Jisas ne cheke eghu ka mana, “Nu kaisei glepo na iagho theome eni ngau. Iagho tei fofoli fateo nou gobigna lepo are mala hata sileni tufa ka naikno te kumare. Te eghu iagho na, iagho ginauna au nou dedei keli fara te au teu kligna. Aonu iagho tangomana te mei te leghu ghau iara na eghu.”

Thakle 2:9

Iara lase ghami ghotilo te au ka puhi biꞌo nei ghotilo kuma fara. Nu ghotilo jaola dedei fara, naugna God ne togho ghami ghotilo mala leghuni thegna! Eghuteuna iara jaola laseni nodi cheke naikno te cheke fadiꞌa ghami ghotilo re. Mare te chekeni na mare mae Jiu mala leghuni God fabrahu eghu, nu mare theome thofno mae Jiu tutuani eghu. Mare au ka tothoghei te kilo fnaknoni Satan.

Hibru 11:26

Mana magnahaghei te au papara malagna Mesia mae ihei God nate kuru mei kau nauthoglu igne. Mana ghathoni naꞌau papara igne ke keli gnai te snori ka dedei fateo gna Ijep. Naugna mana filo faꞌulu kau taba nate tusu ranghini God nathuꞌu nauriha na.

Ululahu Timoti 6:17

Cheke faheta ranghidi iheire te dedei fara ka nauthoglu igne mala thosei fahaehaghe fara nei thosei rouronudi glepo nate dofidi kaisei narane, nu cheke ranghidi mala fatutuani ni God mae ihei te tusu ranghi ghita gobigna lepo te keli mala gleale'a tahati.

Ululahu Pita 1:4

Gognaro na tahati rouronu fara eigna u thofno karha te ofo ghita teu kligna te theome tangomana te boto ba te diꞌa.

Ululahu Pita 5:4

Eghuteuna kate thakle mei Kraes na, mae pha'ugna greireghi sipu na, mana ginauna na tusu ranghi ghami ghotilo taba biꞌo te siasigla fabrahu tifa te tifa.

Profet Isaia 33:6

Lord ginauna jateula thina rheta eghu, mala theome tangomana ghotilo te uka pari na. Puhi teke fakarhi ghami nei tusu ranghi ghami gaoghatho te keli nei glalase teu mana igne, tuana jateula taba biꞌo eghu te hata ghotilo ka Lord na, kate ghatho tahuni ghotilo Lord na.

Hibru 10:34

Ghotilo diꞌanagnafa baludi keha ka ghotilo te au ka suga sosolo. Eghuteuna kate hata keha naiknore gobigna lepo teke khotodi ghotilo re, ghotilo gleale'a kolho, naugna ghotilo lasenihi glepo te keli fara na ofo ghami ghotilo teu kligna. Eghuteuna glepo igre te au fabrahu tifa tifa.

Matiu 6:19

Mae Jisas ne cheke eghu, “Thosei salofodu malami themi dedei gna nauthoglu igne, naugna kokorosi nei kukuku eghu tangomana nate fadidiꞌa na. Eghuteuna mae te blaure tangomana te paꞌe suga na mala ruma blau.

Nonomho Te Keli Teke Risoi Mae Mak 10:21

Mae Jisas filo tutu ka mana balu namha ne cheke eghu, “Nu kaisei glepo na iagho theome eni ngau. Iagho tei fofoli fateo nou gobigna lepo are mala hata sileni tufa ka naikno te kumare. Te eghu iagho na, iagho ginauna au nou dedei keli fara te au teu kligna. Aonu iagho tangomana te mei te leghu ghau iara na.”