Matiu 6:19 - Buka Blahi Ka Cheke Holo

¹⁹ Mae Jisas ne cheke eghu, “Thosei salofodu malami themi dedei gna nauthoglu igne, naugna kokorosi nei kukuku eghu tangomana nate fadidiꞌa na. Eghuteuna mae te blaure tangomana te paꞌe suga na mala ruma blau.

Matiu 6:19 ပူးပေါင်းရင်းမြစ်များ

Hibru 13:5

Thosei magnahaghei sileni fara, nu gleꞌani ngala unha te au ka themi na. Naugna God neke cheke eghu hi, “Iara ginauna theome lisa koko nigho, iara ginauna theome snakre nigho mala fiti au kolho.”

Luku 12:21

“Uve, na jateula igne eghu ihei te salo fodu dedei malagna thegna na ka nauthoglu igne, nu fei God na mana theo kaisei glepo kolho.”

Proveb 16:16

Famane gaoghatho te keli balugna glalase na, thofno keli fara salaꞌudi gol ghe silva.

Proveb 11:4

Kate fateni Lord naikno na, sileni na theo nafugna na theome toghoni mana. Nu puhi te doglo na tangomana te fakarhini naikno na.

Luku 18:22

Kate nomhini igne mae Jisas ne cheke eghu ka mana, “Nu kaisei glepo na iagho theome eni ngau. Iagho tei fofoli fateo nou gobigna lepo are mala hata sileni tufa ka naikno te kumare. Te eghu iagho na, iagho ginauna au nou dedei keli fara te au teu kligna. Aonu iagho tangomana te mei te leghu ghau iara na eghu.”

Ululahu Timoti 6:17

Cheke faheta ranghidi iheire te dedei fara ka nauthoglu igne mala thosei fahaehaghe fara nei thosei rouronudi glepo nate dofidi kaisei narane, nu cheke ranghidi mala fatutuani ni God mae ihei te tusu ranghi ghita gobigna lepo te keli mala gleale'a tahati.

Luku 12:33

Eghume ghotilo fofoli nomi glepore mala hata sileni mala tusu lao ka naikno te kumare. Ghotilo hata thofno gloi sileni te theome tangomana te thona nei breku teu igne. Ghotilo mala salo fodu nomi dedei gna kligna te theo ka gnafa gna, nu au fabrahu. Eghuteuna kligna na theo kaisei mae te mala blau te tangomana te tei thokeni ba theo kaisei khokorosi nate ghamu fadiꞌani na.

Profet Sefanaea 1:18

Ka Narane te diꞌatagna God igne, silva nei gol teu igre ginauna theome tangomana nate toghodi mare na. Naugna diꞌatagna God igne thofno brana fara jateula khaꞌaghi te brana te nhako fahui namhata biꞌo ra eghu. Eghume diꞌatagna God igne ginauna na jateula tuana eghu na falehedi hui naikno te gnafa ka nauthoglu igne.”

Luku 18:24

Mae Jisas filoni te diꞌanagnafa fara mana na ne cheke eghu, “Thono ninhigrana fara ranghidi mae te dedei gre te au baludi naikno te funei frunidi God re!

Nodi Khoje Hatimare Mae Jiu 62:10

Thosei cheke eghu ka gaoghathomire, “Puhi te magra nei puhi te blau teugre ngala puhi keli fara, eigna tahati na dedei noda fara.” Eigna neubane dedei ghotilo ba ne fnakno ghotilo, u dedei nei nafnakno teu tuare ginauna theome fakarhi ghami ghotilo, eghume ghotilo thosei rouronu ka glepo igre eghu.

Nodi Khoje Hatimare Mae Jiu 39:6

“Nakarhagna naikno na jateula naungo gaju eghu kolho. Gobigna lepo te magnahaghei mana te loku brana di mana re na ari theo nafudi kolho. Eghuteuna unha te salo fodu mana malagna thegna teure tahati theome laseni ihei nate khotodi ginau re.

Matiu 19:21

Mae Jisas ne cheke eghu ka mana, “Te magnahaghei keli fara iagho ke ulugna God na, ulu lahu na iagho tei fofoli nou gobigna lepore, eghuteuna tei tufa sileni are ka naikno te kumare eghu. Te eghu iagho na, iagho ginauna au nou dedei keli fara te au teu kligna. Aonu iagho tangomana te mei te leghu ghau iara na.”

Thoutonu Eigna Mae Job 31:24

“Iara theo nogu grouronu kolho ka nogu dedei gre. Eghuteuna iara theome lelheghu ka glepo te au ka iara igre.

Eklesiasti 2:26

Leuleghu narane na God tusu lao gaoghatho te keli nei glalase eghu ka iheire te leghuni manare, mala jaola glealeꞌa mare. Nu God tusu lao gaoghatho ka naikno te diꞌa re mala loku heta mala hata kmana glepo te keli nei dedei. Eghuteuna keha narane ke leghu, glepo igre tangomana te tei toghodi naikno te keli re. Puhi igne jaola theo nafugna ka gaoghathogu iara na. Eigna igne jateula mae ihei te ngolho leghu ka nuri na ia eghu kolho.

Eksodas 22:2

“Mana mala ke tughu fapulo unha teke blau mana re. Nu jame te theome tangomanani mana teke tughu fapuloni u buluka ba sipu teke blau mana igne na, ghotilo snakreni mae igne mala foli mare mala nodi naikno sneka kolho, eghuteuna ghotilo atha sileni tuana eghu mala ke foli fapulo unha teke blau manare eghu. “Eghuteuna jame te au teu ngala ka mana u buluka, ba sipu nei dongki eghu teke blau mana na, mae igne ke atha fapulo phei ka mae khotogna na. Jame kaisei mae ka ghotilo puri falehe mae teke ruma teke blau bongiro ka nogna suga na, mae tuana theome khale ka vetula eigna falehe naikno. Nu jame te puri falehe mana mae ihei teke ruma teke blau narane ro ka nogna suga na, mae tuana khale ka vetula eigna falehe naikno.

Thoutonu Eigna Mae Job 24:16

Mae te blau igre mare jifla bongiro tei blau ka suga re. Nu ka narane na mare poru, theome jifla mei kate phae.

Matiu 6:20

Nu salo fodu malami themi dedei gna kligna. Kokorosi nei kukuku theome tangomana te fadidiꞌa na. Nu mae te blaure theome tangomana te paꞌe suga na mala ruma blau.

Luku 12:39

Nu ghotilo laseni igne, jame mae khotogna suga na laseni narane te mala meigna mae mala blau na, mana ginauna filo fakeli eigna mana theome snakreni nogna suga na mala ruma mana.