Matiu 6:14 - Buka Blahi Ka Cheke Holo

¹⁴ Uve, te hata fadeleidi ghotilo unha najafra teke edi mare re mae Kmami ghotilo te au kligna na ginauna jaola hata fadelei ranghi ghami najafra teke edi ghotilo re.

Matiu 6:14 ပူးပေါင်းရင်းမြစ်များ

Efesus 4:32

Nu te keli na ghotilo fathaegoi nei fari namhai. Fari hata fadelei nakhibo jateula God teke hata fadeleidi nakhibomira eghu naugna ghotilo fatutuani ni Kraes.

Nonomho Te Keli Teke Risoi Mae Mak 11:25

Eghuteuna kate tarai na, jame ghotilo diꞌatami ranghini kaisei naikno, ghotilo kulu hata fadelei ghu nakhibogna mae ihei teke diꞌa tamuni na eghu. Jame te eghu na, mae Kmami ghotilo te au kligna na ginauna hata fadelei nakhibomi ghotilo re.

Kolose 3:13

Eghuteuna kate au nogna puhi fadiadiꞌa kaisei naikno ka ghotilo ranghini kheragna fofodu na, te keli na phiamare thosei magra, nu hata koko nakhibo fari thedi. Naugna Lord neke hata kokodi nakhibomi ghotilo re, jateula tuana eghu ghotilo mala hata koko nakhibo fari themi.

Matiu 7:2

Unha puhi teke fateni ghotilo naikno tuana, God ginauna nake fate ghami la ghotilo ka puhi tuana. Unha vetula teke fateni ghotilo naikno na, God ginauna jaola nake fate ghami ghotilo kau vetula tuana.

Jemes 2:13

Kau narane fate na God ginauna na theome kokhonidi naikno te theome kokhonidi keha naiknore. Eghuteuna God ginauna na jateula tuana eghu kokhonidi naikno te kokhonidi keha naiknore.

Proveb 21:13

Jame te theome fanomho iagho ka naikno te kumare, ginauna na theo kaisei naikno nate fanomho la ka iagho na.

Matiu 6:12

Hata fadeleidi tami thua glepo te diꞌa te kela fajafra dihi jateula ngau ghehati te hata fadeleidi unha najafra teke edi fadiꞌa ranghi ghami keha naiknore.

Ululahu Jone 3:10

Eghume tahati lasedihi iheire te thugna God nei iheire te thugna mae Satan. Iheire te theome eni unha te doglo na theome thugna God. Eghuteuna ihei te theome namhani kheragna fofodu na mana theome thugna God.

Matiu 5:7

Keli tadi iheire te namhadi nei lolokelidi teu keha naiknore. Naugna God ginauna jaola nake namhadi nei lolokelidi eghu mare.

Luku 6:37

Mae Jisas ne cheke eghu, “Thosei fateni ihei, na eghunu ke fate ghami God eghu. Thosei fathoroni ihei na, na eghunu ke fathoro ghami God eghu. Eghuteuna ghotilo hata fadelei nakhibodi keha naiknore mala nu ke hata fadelei langau God nakhibomire eghu.

Josua 22:15

Kate posa lao mare ka namono Gilead, mare ne cheke baludi vikegna Ruben, nei vikegna Gad, nei vido gaga ka vikegna Manase te au ke maghatigna namono igne.