Matiu 6:10 - Buka Blahi Ka Cheke Holo

¹⁰ Ghehati magnahaghe nigho te mei funei fruni ghami, nei snakre meini unha te magnahagheni iagho agne pari jateula ngau kligna.

Matiu 6:10 ပူးပေါင်းရင်းမြစ်များ

Hibru 10:36

Kegra famaku mala tangomana ghotilo te eni unha te magnahagheni God na. Eghuteuna kate eni ghotilo unha te magnahagheni mana na, ghotilo ginauna na hata unha teke nhaꞌa chekeni mana na.

Jone 4:34

Aonu, mae Jisas ne cheke eghu ka mare, “Ghegu gano iara na te mala leghuni unha te magnahaghei mae teke kuru mei ghau iara na nei mala loku fahuidi gloku mala mei edi iara teku mana re.

Matiu 26:42

Mae Jisas jaola neke tei fapea fata na ne tarai. “Mama, keli fara te theome hata koko iagho ka iara glepo te kabru igne, iara na eni fahui unha te magnahagheni iagho na.”

Matiu 12:50

Ihei te eni unha te magnahagheni mae Kmagu iara te au kligna na thofno thabusigu nei greghagu nei idogu eghu iara.”

Ululahu Tesalonika 5:18

Cheke fakeli eidi gobigna lepo fateo, neubane unha te keli ba diꞌa. Tuana unha God te magnahagheni ka ghotilo naikno khiloau ra.

Letas Teke Riso Tei Mae Pol Ka Khiloau Rom 12:2

Thosei lisa lao ghami themi mala leghuni puhigna naikno te diꞌa te au ka nauthoglu igne, nu lisa lao ghami ka God mala tughu mana nakarhamire, kate tusu ari gaoghatho majaghani ka ghotilo na. Ka puhi igne ghotilo ginauna tangomana te filo glanini unha te magnahagheni God na. Eghuteuna eni glepo te keli nei te doglo fabrahu teuna, nei eni glepo te keli tagnadi God.

Jone 6:40

Naugna mae Kmagu iara na magnahagheidi naiknore te kafe filo glani ghau iara mae Thugna na nei fatutuani ghau iara teuna mala athini u karha fei tifa na. Eghuteuna iara na fakarha fapulodi kau narane leghu lahu na.”

Kolose 1:9

Naugna mana neke farirhiu ghami nei togho ghami mala fatutuani ni mae Jisas, ghehati tarai ghami ghotilo fabrahu funu ka narane te nomhini ghehati igne eimi ghotilo na. Ghehati toreni God mala fodu ghotilo ka gaoghatho te keli nei glalase te keli, eghume ka nogna thotogho mae Tharunga te Blahi na ghotilo mala lase fakelini unha te magnahagheni God na.

Efesus 6:6

Theome keli te leghudi ghotilo mare kate filo teu kolho mare na, tuana puhi mala famaemahedi kolho mare. Nu te keli na ghotilo thofno leghudi mare ka gaoghathomi fateo mala eni unha te magnahagheni God na, naugna ghotilo thofno nogna mae sneka Kraes.

Nodi Khoje Hatimare Mae Jiu 40:8

Nogu God, iara magnahaghedi fara te edi unha te magnahaghedi iagho re. Leuleghu fata na iara theome ghatho ihodi nou cheke iagho re ka nagnafagu na.”

Matiu 7:21

“Naikno te cheke eghu, ‘Lord, Lord,’ teu ka iara igre ginauna na theome kafe naikno te funei frunidi God re. Nu naikno nate funei frunidi God igre ngala nate edi unha te magnahaghedi mae Kmagu iara te au kligna na.

Ululahu Pita 2:15

Naugna God magnahaghe ghami ghotilo te leghuni koba puhi te doglo na, eghuteuna ghotilo tangomana te fakmudi iheire te cheke fadiꞌa eimi ghotilo. Tutuani fara, mae igre theome laseni u nabrou te doglo na.

Hibru 13:21

Iara toreni God mala tusu ari glepo keli te gnafa ka ghotilo, mala tangomana ghotilo te edi unha te magnahaghedi mana re. Eghuteuna iara jaola toreni God ka nogna nolaghi mae Jisas Kraes, mana na edi unha te keli tagnadi thegna ke lamnami ghehati. Eghuteuna tahati ginauna na kilo fnaknoni mae Jisas Kraes tifa tifa. Amen.

Matiu 3:2

Mana ne cheke eghu ka naikno te fanomho ka mana re, “Ghotilo lilisei puhimi te diꞌare, naugna narane God nate funei frunidi nogna naiknore la namo meihi!”

Profet Daniel 7:27

Eghuteuna nodi nolaghi nei nafnakno teu mae king te gnafa ka nauthoglu na igre, God mae ihei te fnakno ka maloa kligna igne ginauna hata fadelei ka mare nolaghi igne mala tusu lao ka nogna naiknore. Eghuteuna nodi funei fruni nogna naikno mana igre ginauna theo ka huigna. Eghuteuna mae king te gnafa ka nauthoglu na igre ginauna ghatho tahudi nei leghudi eghu mare.’

Luku 22:42

Mana ne cheke eghu, “Mama, jame te magnahaghei iagho na, iara tore nigho te mala hata fadelei kakhabruana biꞌo jateula hinao te fodu ka waen te raha teu ka iara igne. Nu eni unha te magnahagheni iagho themu na, thosei leghui unha te magnahaghei iara na.”

Jone 7:17

Mae ihei te magnahaghei leghuni unha glepo te magnahaghedi God re, mae tuana ginauna lasedi unha te chekedi iara igre neke mei funudi ka God teuna. Mana ginauna laseni u farirhiu igre theome nogu iara thegu.

Profet Daniel 2:44

“Ka nodi narane mae king igre, God gna kligna na ginauna funei frunidi naikno te gnafa heva te heva ka nauthoglu igne. Theo kaisei king nate tangomana te roꞌeni ba nate uluni mana. Nu mana ginauna goigonidi kantri te gnafare, eghuteuna mana funei frunidi naikno nei glose heva heva tifa te tifa.

Thakle 19:6

Aonu iara ne nomhidi kmana naikno fara ne eha eghu fabiꞌo. U naogla igne jateula oa'onghadi galo biꞌo ka thongna, nei jateula fila biꞌo neu ne cheke eghu, “Tahati cheke fakelini God! Noda Lord God mae ihei te au nolaghi te gnafa, iagho ngala mae King na ke uludi naikno te gnafare.

Ululahu Tesalonika 4:3

Te chekeni iara igne unha te magnahagheni God na. Mana magnahaghei ghami ghotilo te blahi nei klino. Eghume te keli na ghotilo te au fadelei ka gnognoro.

Mae Khuru 21:14

Ghehati theome tangomana ghami te cheke faꞌunha teu ka mana te mala tughu nagnafa mana na, aonu ghehati faꞌiho ghami kolho ne cheke eghu, “Unha te magnahagheni Lord na tuana ngala te mala eni na.”

Profet Daniel 4:35

Naikno te gnafa ka nauthoglu igne theome glepo ulu ka tathagna mana na. Tothoghei engel te gnafa te au kligna nei naikno te gnafa te au ka nauthoglu pari igne au kolho ke parigna nogna nolaghi mana. Theo kaisei naikno ka nauthoglu igne te kegra fothini mana na, jaola theo kaisei naikno tangomana te ghusna eghu ka mana na, ‘Unha gne te eni iagho na?’

Mae Khuru 13:22

Ke leghugna igne, God neke hata fadeleini mae King Sol eghuteuna ke vahini mae Devet mala ke mae king tughuni mana. Igne unha teke chekeni God eigna mana na, ‘Iara filo glanini mae Devet thugna mae Jesi. Mae igne ngala nafnata mae te magnahagheni iara na. Mana ginauna na edi gnafa unha mala edi mana teku iara re.’

Matiu 4:17

Funu ka narane igne mae Jisas ne funu toutonuni Nonomho te Keli na ka naiknore ne cheke eghu, “Ghotilo lilisei puhimi te diꞌare, naugna narane God te funei frunidi nogna naiknore la namo meihi.”

Thakle 12:10

Aonu iara ne nomhi kaisei cheke funu kligna, ne eha eghu fabiꞌo, “Gognaro na noda God la fakarha ghitahi! Mana ne falalasehi ka tahati nogna nolaghi te mala funei frunidi gobigna lepore, nei jaola falalasehi nogna Kraes te au nolaghi te mala funei frunidi. God la koko sorunihi mae Satan ka nauthoglu igne, mae ihei teke fathoro chaichaghidi naikno khiloaure ke ulugna God bongi narane.

Ululahu Pita 4:2

Eghume kani au teu ghotilo ka nauthoglu igne, ghotilo thosei leghudi glepo te diꞌa te magnahagheni fara thini na. Blahi. Ghotilo leghuni kolho unha te magnahagheni God na.

Hibru 10:7

Eghuteuna ke leghu na, iara ne cheke eghu, ‘God, iara au teu ao, iara tarabana mala eni unha te magnahaghei iagho na, jateula teke riso mare eigu iara kau buka vetula ia eghu.’ ”

Luku 19:38

Hatimare ne cheke eghu: “God, fablahini mae funei igne! Mana te mei ka nanghagna Lord God!” “Pharikeli nei siasiglagna nogna nolaghi biꞌo God te au ka maloa kligna!”

Nonomho Te Keli Teke Risoi Mae Mak 3:35

Ihei te eni unha te magnahagheni God na ngala te thofno thabusigu nei greghagu nei idogu teu iara na.”

Matiu 16:28

“Tutuani fara te chekeni iara ka ghotilo na. Keha mae ka ghotilo au teu balugu iara gognaro igre, mare ginauna na theome leheu ghilei filo ghau iara mae teke mei funu ka God nate mei te mala funei frunidi nogu naiknore.”

Profet Daniel 7:13

“Ka bongi te filoni iara mifi igne, iara ne filoni kaisei glepo te jateula naikno ka nauthoglu igne eghu. Mana ne soru mei funu kligna ne kegra ke kligna grokho, eghuteuna mana mei ne namo ka iara. Mare hata ne tei mae igne ka God mae ihei te au fabrahu funu tifa na.

Nehemaea 9:6

Iagho kaisei Lord kolho. Iagho kolho teke vuavuha maloa baludi gobigna lepo te au ke lamnagna, nei nauthoglu baludi gobigna lepo te au ke lamnagna, nei thongna baludi gobigna lepo te au ke lamnagna. Eghuteuna iagho tusu lao karha na ka glepo igre. Eghuteuna engel kligna re pogho soru tarai ka iagho.

Nonomho Te Keli Teke Risoi Mae Mak 11:10

“God fablahini mae igne, te mei King ranghi ghita jateula ngau mae ku'emi Devet!” “Kilo fnaknoni God ka maloa kligna!”

Thakle 11:15

Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”

Thakle 20:4

Iara ne filodi keha nodi sape nafnakno mae king. Tharungadi naikno teke kusu mare pha'udire tifa ra gnokro neu jare. Nogna naoka God re neke falehedi mare naugna mare neke fatutuani ni fabrahu chekegna God na nei toutonuni eigna u cheke tuana. Mae igre neke theome pogho soru ka bosu ba ka mumuju gna na. Eghuteuna mare jaola neke theome hata nogna fagaglana bosu na ka greredire ba ka khamedire. Nu mare neke karha fapulo mala funei fruni balugna Kraes kaisei thogha finogha.

Nodi Khoje Hatimare Mae Jiu 2:6

Mana ne cheke eghu ka mare, “Iara Lord neke vahini mae king igne mala funei ka Thogele blahi Saion.”

Hibru 1:14

Mae unha si engel grea? Mare khogla tharunga kolho, mala loku ranghini God. Eghuteuna God kurudi mare mala toghodi iheire te athini u thofno karha na.

Kolose 1:13

God neke hata fadelei ghitahi ka nogna nolaghi mae Satan, eghuteuna lisei ghita ke parigna nogna nolaghi Thugna God, mae ihei mana te namhani fara.

Luku 19:11

Mae Jisas ne mei rhegna Jerusalem. Keha naiknore gaoghathodi na narane God te funei frunidi nogna naiknore la namo meihi. Naugna tuana mana ne cheke eghu ka cheke naba, “Kaisei mae neke karha ka vikegna gna kaisei mae funei, mare kiloni mana mala tei ka kantri delei mala ke hata sapegna king ame ke pulo mei nga mala ke funei frunidi nogna naiknore.

Profet Sekaraea 9:9

Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.

Profet Isaia 2:2

Ka narane nate mei mana na, thogele te kegra nogna Sugablahi Lord igne, ginauna ulu salaꞌudi gnafa keha thogele are. Eghuteuna naikno te gnafa ka keha kantri are ginauna tangomana te salo fodu mei tagna.

Mae Khuru 22:14

“Mae Ananias ne cheke eghu ka iara, ‘Nodi God mae ku'edara neke kulu vahi nighohi tifa, mala laseni iagho unha te magnahagheni mana na, nei mala filoni iagho mae te kiloni “Mae gloku te doglo fara” nei mala nomhidi iagho nogna cheke te cheke mei ka iagho ra.

Profet Jeremaea 23:5

Lord ne cheke eghu, “Nogu Narane iara na ginauna mei. Ka narane igne, iara ginauna vavahi kaisei mae te keli ka vikegna King Devet. Mae igne ginauna kaisei king te au tagna gaoghatho te keli, eghuteuna mae igne ginauna funei frunini kantri igne ka puhi te thofno doglo fara.