Matiu 6:1 - Buka Blahi Ka Cheke Holo

¹ Mae Jisas ne cheke eghu, “Fiofilo ghami ghotilo ia, thosei mala filo ghami nga eghu edi gloku te kelire ke uludi naiknore. Naugna mae Kmami ghotilo te au kligna na mana ginauna na theome taba ghami ghotilo.

Matiu 6:1 ပူးပေါင်းရင်းမြစ်များ

Matiu 23:5

“Gaoghatho te edi mare glepo te keli igre mala filo naiknore eghu kolho. Mare hohoro fabiꞌo bokisidi grioriso te blahi igre ne haru ka greredi nei khamedi teure. Eghuteuna mare jaola hohoro fabrahu nodi phoko mala tarai re.

Jone 12:43

Mare magnahaghei nafnakno ka naiknore ke tulao gnai nafnakno te mei ka God.

Hibru 6:10

God theome lolodiadi nei theome ghatho ihodi nomi gloku te keli nei nomi namha eghu ghotilo ranghini mana ka teke toghodi ghotilo nogna naiknore. Eghuteuna mana ginauna ghathoniu ngala te toghodi fabrahu ghotilo re na taba ghami ghotilo.

Luku 16:15

Mae Jisas ne cheke eghu ka mare, “Ghotilo magnahaghedi naiknore te ghatho tahu ghami themi te doglo ke ulugna God. Nu God na thofno laseni unha te au ka nagnafami ghotilo re. Tutuani, glepo te ulu ka naiknore theo nafudi kolho ka God.”

Galesia 6:12

Mae iheire te fariuriu huhuru ghami ghotilo te mala vahe na, mare magnahaghei keli ka tathadi naiknore ngala. Mare eni igne naugna mare theome magnahaghedi naiknore te paradi jame te toutonuni mare eigna glehegna mae Jisas Kraes ke kligna gaju fafatha na.

Jone 5:44

Ghotilo magnahagheidi naiknore te ghatho tahu ghami kolho themi, nu ghotilo theome fariuriu hatani u nafnakno te mei funu ka thegna God na. Eghume thono ninhigrana ghami fara ghotilo te fatutuani ghau iara na.

Profet Esikiel 33:31

Leuleghu fata na nogu naikno iara re tangomana te khapru mei mala fanomho ka nou cheke iagho re. Nu mare theome edi kolho unha te chekedi iagho ka mare re. Foflodi re fodu ka cheke te diꞌa, eghuteuna mare ghathodi kolho puhi te mala chaghidi naiknore te mala hata sileni na.

Fapea Jone 1:8

Fiofilo ghami, thosei jateula mare eghu. Nu ghotilo mala hata fahui nomi taba teke kmusani themi na.

Nonomho Te Keli Teke Risoi Mae Mak 8:15

Mae Jisas ne kulu cheke faheta eghu ranghidi nogna mae fanomhore, “Fiofilo ghami ghotilo ia ka nodi isi hatimare mae Farasi nei nogna isi mae King Herod ana eghu.”

Matiu 6:16

Mae Jisas ne cheke eghu, “Gognaro na eigna te theome ghamu gano. Kate dangna na, ghotilo thosei filo uchu jateula te edi mae te chaichaghi ra eghu. Mare fadidiꞌa tathadire ka narane te dangna na. Mare eni igne, mala filo naiknore eghu kolho. Nu tutuani fara te chekeni iara ka ghotilo na, mare la kulu hatahi nodi tabare ka naiknore.

Matiu 16:6

“Filo fakeli ghami ghotilo ia ka nodi isi hatimare mae Farasi nei hatimare mae Sadiusi igre.”

Luku 12:15

Mae Jisas tudu ne cheke eghu, “Fiofilo fakeli ghami ka kmana nafnata khiri te magnahaghedi ghotilo igre. Naugna thofno nakarhagna naikno na theome leghudi kolho glepo kmana te khotodi mana re.”

Matiu 5:48

Nu te chekeni iara ka ghotilo na, ghotilo te gnafa na mala kafe klino nei doglo eghu fabrahu nakarhamire, jateula mae Kmami te au kligna te klino nei doglo fabrahu teu nakarhagna ia eghu.”

Matiu 5:16

Eghume, jateula tuana eghu, ghotilo mala falalase nakarhami na mala laseni naiknore te nogna naikno God ghotilo na, nei filo glani unha te keli te eni ghotilo na. Eghuteuna mare ginauna cheke fakelini mae Kmami, mae ihei te au kligna.”

Luku 11:35

Filo fakeli, na eghunu ne phae neuhi themu eghu iagho, nu iagho romno kolho.

Nodi Khoje Hatimare Mae Jiu 112:9

Mana tangomana te toghodi iheire te kuma, aonu puhigna mana te keli igre ginauna au fabrahu. Naiknore ginauna ghatho tahuni mana.

Luku 12:1

Kaisei fata, kmana thogha thogha naikno ne khapru faligohoni mae Jisas mala fanomho ka mana ne ghilei tapla kligna naikno. Ame cheke nga mae Jisas ka naiknore teuna, mana ne kulu cheke eghu ka nogna mae fanomhore, “Fiofilo ghami ka puhidi mae Farasi gre. Mare chaghidi fara naiknore.

Matiu 25:40

“Iara mae King ginauna cheke eghu ranghidi, ‘Tutuani fara, te chekeni iara na. Kate eni ghotilo ranghini kaisei nogu naikno iara te au pari lahu ka igre, ghotilo jateula te eni ranghi ghau la iara eghu!’

Matiu 5:46

Jame te namhadi kolho ghotilo naikno te namha ghami themire, God ginauna na theome taba ghami ghotilo. Naugna mae te diꞌa te saosalo takis igre mare jaola eni tuana.

Profet Sekaraea 7:5

“Sekaraea, iagho ghusnadi mae pris nei naiknogna kantri igne: Ka fitu salei finogha te liu ra, ka falima nhigra leuleghu finogha, eghuteuna jaola ka fafitu nhigra na, ghotilo neke theome ghamu nei mala diꞌanagnafa nei tanhi. Ba? Ghotilo eni fabrahu igne mala fafnakno ghau iara? Theo.

Matiu 23:13

“Puhi biꞌo ka ghotilo mae Farasi nei mae velepuhigna vetula nogna mae Moses teu igre! Ghotilo chaghi fara! Naugna ghotilo fanagra nabrou te mala tei ka God na. Ghotilo themi na tiromi ruma eghuteuna ghotilo fanagradi naikno te magnahaghe ruma fari hoteidi naikno te funei frunidi God re.

Matiu 6:9

“Eghume, kate tarai na, ghotilo tarai jateula igne eghu: “ ‘Mama te au kligna, ghehati magnahaghei te ghatho tahuni nanghamu te blahi.

Diutronomi 24:13

Leuleghu narane na, ghotilo hata fapulo pohe igne ka mana grafiro, mala totoku mana kate thuru na. Jame te eghu na, mana ginauna glealeꞌa ka iagho. Eghuteuna Lord ginauna filoni puhimi ghotilo te doglo fara na.

Hibru 2:1

Eghume tahati famane leghu fakelidi nogna farirhiu mae Jisas Kraes Thugna God teke nomhidi tahati ra, mala thosei jateula mola te elo tafri ka nuri ia eghu noda fatutuani na.

Profet Daniel 4:27

Eghume king, iagho te leghu fakelidi nogu cheke iara igre. Iagho thosei ke edi puhi te diꞌa teke edi iagho ra. Iagho kokhonidi iheire te kuma nei eni ranghidi unha puhi te doglo. Jame te eghu iagho na, iagho ginauna na au fakeli eghuteuna unha te edi iaghore ginauna na thofno keli fara.”

Hibru 11:26

Mana magnahaghei te au papara malagna Mesia mae ihei God nate kuru mei kau nauthoglu igne. Mana ghathoni naꞌau papara igne ke keli gnai te snori ka dedei fateo gna Ijep. Naugna mana filo faꞌulu kau taba nate tusu ranghini God nathuꞌu nauriha na.

Matiu 16:27

Tutuani fara, iara mae teke mei funu ka God na ginauna nake pulo mei ka nauthoglu igne balu nogna nolaghi biꞌo mae Mama. Eghuteuna, nogna engel mae Mama re ginauna mei balugu iara. Ka narane tuana iara ginauna tabadi naiknore eidi unha gloku teke edi mare.

Fapea Kings 10:31

Nu King Jehu neke theome thofno leghu fakelidi nogna vetula Lord, nodi God mae Israel. Mana theome koko puhigna King Jeroboam te diꞌa tifa ra, eghuteuna mana neke batudi naiknodi Israel mala pogho soru ka phia mumuju buluka nalhaꞌudi igre.

Fapea Kings 10:16

Mae Jehu neke cheke eghui, “Gognarona iagho mei balugu iara mala filoni themu te loku iara ranghini Lord na.” Aonu phiamare kafe saghe ka chariot na ne tei Samaria.

Profet Sekaraea 13:4

“Ka narane tuana, mae profet te gnafa igre ginauna mamaja nodi fara eigna mifi teke filoni mana na. Theo kaisei ka mare nate pipichi nogna pohe profet te mala chaghidi naiknore, te mala ghathoni mana kaisei mae profet teuna.

Mae Khuru 3:12

Kate filoni mae Pita igne, mana ne cheke eghu ka naiknore, “Ghotilo mae Israel, naugna unha site jaglo nomi ghotilo ka glepo ignea? Ba, naugna unha site filo tutuni ghotilo ka ghepa gnea? Ba, ne fakelini ghepa mae igne ka nomi nolaghi themi, ba, ne keli ghepa ke ulugna God neu si ghotilo ia? Theo!