Matiu 5:9 - Buka Blahi Ka Cheke Holo

⁹ Keli tadi iheire te loku eigna na au muana ke lamnadi iheire te magra. Naugna God ginauna kilodi goro thugna.

Matiu 5:9 ပူးပေါင်းရင်းမြစ်များ

Hibru 12:14

Fariuriu mala au kau pharikeli baludi naikno te gnafa nei fariuriu langau mala au ka nakarha te klino. Naugna iheire ngala te au klino re nate filoni God na.

Letas Teke Riso Tei Mae Pol Ka Khiloau Rom 12:18

Hati nhetami na fabrahu mala au ka pharikeli baludi naikno te gnafare.

Galesia 5:22

Nu kate snakreni tahati nakarhada na te mala baubatu mae Tharunga te Blahi na, mana ginauna tusu ranghi ghita namha, gleale'a, pharikeli, au kmu, lolokeli, au keli, u gaoghatho nheta te mala eni unha te chekeni,

Nodi Khoje Hatimare Mae Jiu 120:6

Funu tifa fara te ghilei mei posa gognaro na iara neke au baludi naikno te tirodini u pharikeli na.

Letas Teke Riso Tei Mae Pol Ka Khiloau Rom 8:14

Tutuani, iheire te snakreni Tharunga gna God te batudire, mare goro thugna God.

Luku 6:35

“Nu ghotilo namhadi nomi naokare, nei lolokeli ranghidi. Ghotilo tufa glepo ka keha naikno are, eghuteuna thosei ghathoni nake tughu fapulo mare teuna. Te eghu ghotilo na, God ginauna na taba fabiꞌo ghami ghotilo, naugna puhimi ghotilo re ginauna gaglana fara te goro thugna God ghotilo na. Naugna God na toghodi fabrahu iheire te theome ghatho tahuni mana, nei iheire te diꞌa fara.

Fapea Korin 13:11

Uve kheraguro, ghehati magnahaghe ghami ghotilo te gleale'a. Fariuriu edi unha te chekedi iara ka ghotilo gre mala thofno au klino. Eghuteuna ghotilo te gnafa na mala kaisei gaoghatho ngala nei mala kaisei au ngala kau pharikeli. Ka puhi igne God mae ihei te tusu ranghi ghita u namha nei pharikeli teu igne ginauna au balumi ghotilo.

Kolose 3:13

Eghuteuna kate au nogna puhi fadiadiꞌa kaisei naikno ka ghotilo ranghini kheragna fofodu na, te keli na phiamare thosei magra, nu hata koko nakhibo fari thedi. Naugna Lord neke hata kokodi nakhibomi ghotilo re, jateula tuana eghu ghotilo mala hata koko nakhibo fari themi.

Nodi Khoje Hatimare Mae Jiu 34:12

Ihei te magnahaghei karha fabrahu nei glealeꞌa fabrahu leuleghu narane teuna,

Matiu 5:48

Nu te chekeni iara ka ghotilo na, ghotilo te gnafa na mala kafe klino nei doglo eghu fabrahu nakarhamire, jateula mae Kmami te au kligna te klino nei doglo fabrahu teu nakarhagna ia eghu.”

Fapea Korin 5:20

Eghume God neke kilo ghami ghehati mala toutonu eigna mae Kraes. Eghuteuna kate eni ghehati igne, jateula God thegna ngala teke ehadi naiknore mala mei ka mana. Uve, ghehati thofno tore ghami ghotilo ka nanghagna Kraes mala ke pulo mei ke au fakeli balugna God.

Mae Khuru 7:26

Ka keha narane na, mae Moses neke filodi phei maedi Israel ne magra neu. Mana ne fariuriu salo fodudi phiamare ka namha mala thosei magra. Mana ne cheke eghu, ‘Sei, phia mae! Ghopa thabusigna sia, ba magra unha si ghopa ia?’

Matiu 5:45

Te eghu ghotilo na, ghotilo ginauna goro thugna God mae Kmami te au teu kligna. Naugna God namhadi iheire te diꞌa ranghini. Tutuani, mana neke eni naprai mala phae ke klignadi iheire te keli ba ke klignadi iheire te diꞌa. Mana jaola neke eni nakhete na mala soru ke klignadi iheire te keli ba ke klignadi iheire te theome keli.

Ululahu Kronikols 12:17

Mae Devet jifla ne tei thafodi mare, ne cheke eghu ka mare, “Jame ghotilo te kheragu iara na, ghotilo mei mala togho ghau iara, iara ginauna kelitagu fara te mei ghotilo te loku fodu ka iara na. Nu ghotilo laseni, jame ghotilo mei te mala lisa lao ghau iara ka khamedi nogu naoka re, nodi God mae kuꞌeda ra ginauna laseni glepo igne, eghuteuna mana ginauna para ghami ghotilo.”

Ululahu Korin 6:6

Nu ghotilo magnahaghei te tei toreni mae bongihehe na te mala fadoglini puhi teke eni kaisei mae ranghini keha mae thabusigna ka khiloau na!

Filipae 4:2

Iara toredi fara phei gaꞌase igre, Iudia ghe Sentiki gre, mala kaisei gaoghatho ngala repa ke fofodu fapulo, naugna repa nogna naikno Lord.

Luku 20:36

Naugna kau nakarha tuana naiknore ginauna na jateula engel eghu theome lehe. Mare mala goro thugna God, naugna mare neke karha fapulo ka glehe.

Efesus 4:1

Iara au ka suga sosolo naugna iara ne loku ranghini Lord. Eghume iara cheke heta ka ghotilo, eigna nakarhami ghotilo na mala au doglo mala nanaba ka puhigna God mae ihei te kilo mei ghami na mala leghuni mana.

Letas Teke Riso Tei Mae Pol Ka Khiloau Rom 8:16

Tharunga te Blahi na kaisei baludi gaoghathodare mala cheke thakle ghita te goro thugna God na.

Letas Teke Riso Tei Mae Pol Ka Khiloau Rom 8:19

Gobigna lepo teke vuavuha God igre ofou kolho mala thokeni narane nate falalase God iheire te thofno thugna mana re.