Matiu 5:7 - Buka Blahi Ka Cheke Holo

⁷ Keli tadi iheire te namhadi nei lolokelidi teu keha naiknore. Naugna God ginauna jaola nake namhadi nei lolokelidi eghu mare.

Matiu 5:7 ပူးပေါင်းရင်းမြစ်များ

Efesus 4:32

Nu te keli na ghotilo fathaegoi nei fari namhai. Fari hata fadelei nakhibo jateula God teke hata fadeleidi nakhibomira eghu naugna ghotilo fatutuani ni Kraes.

Fapea Samuel 22:26

Lord God! Iagho ghatho tahudi fara iheire te ghatho tahu nighore. Iagho thofno keli fara ka iheire te au fakeli fabrahu re.

Nodi Khoje Hatimare Mae Jiu 18:25

God, ihei te au balumu fabrahu, iagho na au balugna mana fabrahu. Ihei te eni puhi te doglo na iagho tabani mana ka puhi te doglo.

Jemes 2:13

Kau narane fate na God ginauna na theome kokhonidi naikno te theome kokhonidi keha naiknore. Eghuteuna God ginauna na jateula tuana eghu kokhonidi naikno te kokhonidi keha naiknore.

Jemes 3:17

Nu glepo ulu lahu na, mae ihei te au nogna gaoghatho te keli teke tusu ranghini God na, mana theome tangomana te eni kaisei glepo te diꞌa na. Mana ginauna na au gleale'a baludi kheragna fofodure. Mana au kmu kolho. Nu mana leghuni u puhi farirhiu te keli na. Jaola mana magnahaghei te toghodi naikno te magnahaghei thotoghore. Eghuteuna mana theome vahini naikno te dedei ba naikno te kuma na, nei mana theome chaghini nakarhagna na.

Kolose 3:12

God neke vahi ghami ghotilo te mala nogna naikno blahi mana nei namha ghami fara ghotilo. Eghume ghotilo mala edi fabrahu glepo igre: kokhonidi keha naiknore, taegodi, au faleghu, au blagna, thosei diꞌatami faghose ka keha naiknore.

Luku 6:35

“Nu ghotilo namhadi nomi naokare, nei lolokeli ranghidi. Ghotilo tufa glepo ka keha naikno are, eghuteuna thosei ghathoni nake tughu fapulo mare teuna. Te eghu ghotilo na, God ginauna na taba fabiꞌo ghami ghotilo, naugna puhimi ghotilo re ginauna gaglana fara te goro thugna God ghotilo na. Naugna God na toghodi fabrahu iheire te theome ghatho tahuni mana, nei iheire te diꞌa fara.

Profet Maeka 6:8

Lord la chekehi ka tahati unha te keli te magnahaghedi fara mana te mala edi tahati: Tahati mala leghuni puhi te doglo na. Tahati mala thofno namhani nei ghatho tahuni noda God te au baludi nogna naiknore, nei tahati mala theome leghudi noda puhi theda tahati re, nu thofno leghuni noda God.

Proveb 19:17

Kate namhani nei toghoni teu iagho naikno te kuma na, Lord ginauna taba nigho eidi unha teke edi iagho re.

Hibru 6:10

God theome lolodiadi nei theome ghatho ihodi nomi gloku te keli nei nomi namha eghu ghotilo ranghini mana ka teke toghodi ghotilo nogna naiknore. Eghuteuna mana ginauna ghathoniu ngala te toghodi fabrahu ghotilo re na taba ghami ghotilo.

Profet Daniel 4:27

Eghume king, iagho te leghu fakelidi nogu cheke iara igre. Iagho thosei ke edi puhi te diꞌa teke edi iagho ra. Iagho kokhonidi iheire te kuma nei eni ranghidi unha puhi te doglo. Jame te eghu iagho na, iagho ginauna na au fakeli eghuteuna unha te edi iaghore ginauna na thofno keli fara.”

Hibru 4:16

Naugna igne tahati thosei mhaghu te mei ka God Kmada mae ihei te kokhoni ghita. Mana ginauna na kokhoni ghita nei lolokeli ghita, eghuteuna mana ginauna na tusu meini nogna namha te mala togho ghita ka vido te magnahaghei tothogho na.

Proveb 11:17

Te kokhoni ni iagho keha naikno na, naikno igne ginauna kokhoni nighola iagho. Nu te goigonini iagho keha naikno na, naikno igne ginauna jaola goigoni nigho iagho.

Ululahu Pita 2:10

Tifa na ghotilo neke theome nogna naikno God, eghuteuna God neke theome kokhoni ghami ghotilo. Nu gognaro na ghotilo nogna naikno mana eghuteuna mana kokhoni ghami ghotilo fara.

Nonomho Te Keli Teke Risoi Mae Mak 11:25

Eghuteuna kate tarai na, jame ghotilo diꞌatami ranghini kaisei naikno, ghotilo kulu hata fadelei ghu nakhibogna mae ihei teke diꞌa tamuni na eghu. Jame te eghu na, mae Kmami ghotilo te au kligna na ginauna hata fadelei nakhibomi ghotilo re.

Proveb 14:21

Mae te sukuni kheragna fofodu na, mana tapla jafra ka nakhibo. Nu mae te kokhoni ni naikno te kuma na, mana kelitagna fara.

Profet Hosia 2:1

“Ka narane tuana, tahati ginauna kilodi thabusidare, ‘Ami,’ gaoghathogna na, ‘ghotilo nogu naikno iara.’ Eghuteuna tahati ginauna kilodi greghada re, ‘Ruhama’ gaoghathogna na, ‘Iara kokhoni nogudi.’ ”

Nodi Khoje Hatimare Mae Jiu 112:9

Mana tangomana te toghodi iheire te kuma, aonu puhigna mana te keli igre ginauna au fabrahu. Naiknore ginauna ghatho tahuni mana.

Nodi Khoje Hatimare Mae Jiu 112:4

Ihei te leghuni puhi te keli na, nei kokhonidi keha naiknore, nei keli nei doglo teuna, mana jateula juta te phae fabiꞌo ka gromno ia eghu.

Nodi Khoje Hatimare Mae Jiu 37:26

Leuleghu fata na mana tufa glepo koba ka keha naiknore ka nagnafa te lolokeli. Eghuteuna mana thono keli tagna fara te au thugna na. Naugna God neke tusu lao sua igre ka mana.

Ululahu Timoti 1:13

Tutuani fara, tifa na iara neke cheke fadiꞌani mana nei jaola paradi nei lalamadi iheire teke leghuni mana re. Nu neuba ngau, mana neke kokhoni ghau iara, naugna iara neke theome laseni glepo te diꞌa teke eni iara na. Iara neke edi glepo igre kani theome fatutuani ni ngau mana.

Ululahu Korin 7:25

Gognaro na iara cheke eidi iheire te theome tolaghi ra. Iara theo kaisei nogu vetula funu ka Lord eigna igne, nu iara na cheke arini gaoghathogu thegu na. Tutuani, ghotilo tangomana te rouronu ghau iara na, naugna Lord neke lolokeli ranghi ghau iara nei toghoni gaoghathogu na.

Ululahu Timoti 1:16

Nu naugna igne God neke kokhoni ghau iara tulao mala tangomana mae Jisas Kraes te fatakle nogna namha biꞌo ranghi ghau iara na. Igne mala toghodi naiknore mala fatutuani ni mana thogheiro, nei mala athini u karha fei tifa na.

Profet Hosia 2:23

Iara magnahaghedi nogu naiknore te au ka namono te keli. Tifa na iara neke kilo ghami ghotilo, Lo-Ruhama, naugna iara neke theome magnahaghei ghami ghotilo. Nu gognarona iara kela magnahaghei ghami ghotilo. Tifa na iara neke kilo ghami ghotilo, Lo-Ami, naugna ghotilo neke theome nogu naikno iara, nu gognaro na ghotilo nogu naikno iara. Eghuteuna naiknodi Israel igre ginauna cheke eghu ka iara, ‘Iagho nomi God ghehati!’ ”

Profet Hosia 1:6

Ke leghugna igne, Goma bukla neke au kaisei thugna gaꞌase. Eghuteuna Lord ne cheke eghu ka mae Hosia, “Iagho kiloni thumu gaꞌase igne, Lo-Ruhama. Gaoghathogna na theome kokhoni ni. Naugna iara ginauna na theome kokhoni ni Israel. Eghuteuna iara ginauna theome hata koko nakhibodi naiknore.

Profet Isaia 57:1

Ka narane igne, naikno te doglo te lehe, nu theo kaisei ka naikno te diꞌa te filo glanidi ba nangadi kolho. Uve, Lord ginauna atha fadelei naikno te ghatho tahuni mana igre. Nu theo kaisei naikno kolho te filo glani Lord teke atha fadeleidi naikno igre, mala theo kaisei puhi biꞌo nate thokedi mare.

Fapea Korin 4:1

God kokhoni ghami ghehati neke tusu mei gloku blahi igne, eghume ghehati theome tangomana te babaꞌo ka gloku igne na.

Letas Teke Riso Tei Mae Pol Ka Khiloau Rom 11:30

Tifa na, ghotilo neke theome leghuni God, nu gognaro na God na kokhoni ghami ghotilo naugna hatimare mae Jiu gre tirodi leghuni mana.

Fapea Samuel 17:28

Thilo mae igre hata ne mei kmana glepo malagna mae Devet, nei iheire te mei balugna manare. Igre glepo tuaro: khifra, dis, sospen, wit, bali, flaoa, wit gata, bini, jurukuli, milk nei sipu. Thilo mae igre eni igne, naugna thilo mare laseni mae Devet nei naikno te balugna mana gre eghu jame rofo nodi, nei babaꞌo nodi nei mare jaola rodi koꞌu fara, naugna mare mei ka namono nagou.

Proveb 11:25

Ihei te tufa kmana glepo te mala toghodi keha naiknore, mana ginauna dedei salaꞌui. Te toghodi iagho keha naiknore, mare ginauna na jaola togho nigho iagho.