Matiu 5:48 - Buka Blahi Ka Cheke Holo

⁴⁸ Nu te chekeni iara ka ghotilo na, ghotilo te gnafa na mala kafe klino nei doglo eghu fabrahu nakarhamire, jateula mae Kmami te au kligna te klino nei doglo fabrahu teu nakarhagna ia eghu.”

Matiu 5:48 ပူးပေါင်းရင်းမြစ်များ

Jemes 1:4

Thosei blogho ka nomi fatutuani na, mala au doglo fabrahu ke ulugna God. Te eghu na God ginauna na tusu ranghi ghami ghotilo unha te magnahagheni ghotilo na mala au rheta balugna Kraes.

Luku 6:36

Ghotilo lolokeli nei kokhonidi eghu naikno te gnafare jateula mae Kmami ghotilo te au kligna te lolokeli nei kokhonidi teu naikno te gnafare.”

Diutronomi 18:13

Ka glepo igre, ghotilo mala thofno keli fara fabrahu ka tathagna Lord nomi God.”

Kolose 1:28

Eghume, ghehati toutonuni u Nonomho te Keli eigna mae Kraes na koba ranghidi naikno te gnafare, nei ghehati cheke faheta nei famane farirhiudi eghu koba. Ghehati cheke ka gaoghatho te keli mala tangomana te toghodi mare te gnafa na mala kotu haghe nei nheta ka nodi fatutuani na ka mae Kraes.

Ululahu Jone 3:3

Eghuteuna iheire fateo te thofno fatutuani ni mae Kraes kate ofoni teu mana na fariuriu au klino, naugna mae Kraes na klino fara.

Fapea Korin 7:1

Kheraguro, nhaꞌa cheke te gnafa igre neke edi God ranghi ghita. Naugna igne tahati mala au fadelei ka thua nafnata glepo tangomana te fathonadi thinida ba gaoghathodare. Naugna tahati ghatho tahuni fara God, tahati mala thofno leghuni puhi te blahi na.

Luku 6:40

Jaola, mae ihei te sikolu teuna, mana theome tangomana te uluni nogna mae velepuhi na. Nu kate sikolu te lalase mana na ame tangomana nga mana te jateula nogna mae velepuhi na teuna.

Matiu 5:16

Eghume, jateula tuana eghu, ghotilo mala falalase nakarhami na mala laseni naiknore te nogna naikno God ghotilo na, nei filo glani unha te keli te eni ghotilo na. Eghuteuna mare ginauna cheke fakelini mae Kmami, mae ihei te au kligna.”

Jenesis 17:1

Kate nheva salei nheva finogha gnahi mae Ebram na, Lord ne thakle ka mana ne cheke eghu, “Iara God te nolaghi fara. Iagho mala leghu ghau iara fabrahu, nei eni unha te doglo ka tathagu iara na eghu.

Levitikas 11:44

Iara Lord nomi God ghotilo, eghume ghotilo mala klino ka tathagu iara na, eghuteuna ghotilo mala au blahi naugna iara au blahi. Eghume ghotilo thosei ghamu kaisei nafnata glepo tautagu igre nate fathona ghami ghotilo ka tathagu iara na.

Levitikas 20:26

Ghotilo mala au blahi naugna iara Lord, iara blahi, eghuteuna iara neke atha fajifla ghami ghotilo ka keha naiknore, mala nogu naikno iara.

Matiu 5:45

Te eghu ghotilo na, ghotilo ginauna goro thugna God mae Kmami te au teu kligna. Naugna God namhadi iheire te diꞌa ranghini. Tutuani, mana neke eni naprai mala phae ke klignadi iheire te keli ba ke klignadi iheire te diꞌa. Mana jaola neke eni nakhete na mala soru ke klignadi iheire te keli ba ke klignadi iheire te theome keli.

Kolose 4:12

Kaisei mae kherami keli ghotilo, mae Epafra nogna mae gloku Jisas Kraes, mana jaola kubae ghami ghotilo. Leuleghu fata na, mana tarai heta koba eimi ghotilo. Mana toreni God mala togho ghami ghotilo mala kegra heta ka nomi fatutuani na, nei mala thofno lasedi gobigna lepo God te magnahaghei edi ghotilo re.

Fapea Korin 13:9

Ghehati gleale'a fara jame te kegra heta ghotilo ka puhi te doglo na, neuba ghehati ne jateula te nigra neu kolho. Eghume ghehati tarai mala tangomana ghotilo te thofno naikno keli fara ke ulugna God na.

Nodi Khoje Hatimare Mae Jiu 37:37

Filo tutu laoni sagho mae te keli nei doglo teu puhigna ana. Mana au blagna nogna kolho baludi keha naiknore. Vikegna mana re ginauna au fabrahu tifa tifa.

Fapea Korin 13:11

Uve kheraguro, ghehati magnahaghe ghami ghotilo te gleale'a. Fariuriu edi unha te chekedi iara ka ghotilo gre mala thofno au klino. Eghuteuna ghotilo te gnafa na mala kaisei gaoghatho ngala nei mala kaisei au ngala kau pharikeli. Ka puhi igne God mae ihei te tusu ranghi ghita u namha nei pharikeli teu igne ginauna au balumi ghotilo.

Efesus 3:1

Naugna igne, iara mae Pol te au ka suga sosolo eigna iara ne leghuni mae Jisas Kraes. Iara tarai ghami ka God. U gaoghathogna te sosoloni iara gne naugna iara ne toutonuni chekegna God na ka ghotilo iheire te theome Jiu.

Fapea Samuel 22:31

“Puhigna God na thofno doglo fara, eghuteuna nogna chekere thofno tutuani fara. Eghuteuna iheire fateote'o te tei ka mana re mala au fakeli, mana jateula nodi greoreo mala fanogra jata eghu mare.

Matiu 5:47

Eghume, te keli ranghidi kolho ghotilo kherami fofodu themire, tuana theo kaisei nafugna kolho. Naugna mae bongihehe re mare edila nafnata puhi tuare.

Diutronomi 27:10

Eghume ghotilo mala leghuni Lord nomi God, kate leghudi ghotilo nogna cheke nei nogna farirhiu teu mana te tusu ari iara ka ghotilo gognaro igre.’ ”