Matiu 5:47 - Buka Blahi Ka Cheke Holo

⁴⁷ Eghume, te keli ranghidi kolho ghotilo kherami fofodu themire, tuana theo kaisei nafugna kolho. Naugna mae bongihehe re mare edila nafnata puhi tuare.

Matiu 5:47 ပူးပေါင်းရင်းမြစ်များ

Luku 6:32

“Te namhadi kolho ghotilo naikno te namha ghami themi re, God ginauna na theome fablahi ghami ghotilo. Naugna naikno te diꞌare mare namha dila naikno te namhadi mare re!

Matiu 5:20

Te chekeni iara ka ghotilo gognaro na, te jateula nakarhadi hatimare mae velepuhigna vetula nogna mae Moses nei hatimare mae Farasi teu ghotilo te theome keli na, ghotilo ginauna theome nabami te ruma ka naikno te funei frunidi God re.”

Ululahu Pita 2:20

Nu jame te para ghami mare eigna najafra teke eni ghotilo na, neubane kegra maku ghotilo ka narane tuana, tuana theo nafugna kolho. Nu jame te para ghami mare neubane eidi ngala ghotilo glepo te kelire, eghuteuna kegra heta ghotilo tagna teuna, God ginauna na fablahi ghami ghotilo eigna igne.

Matiu 10:12

Kate ruma ghotilo ka suga tuana, chekeni, ‘Pharikeli na au balumi ghotilo.’

Matiu 5:46

Jame te namhadi kolho ghotilo naikno te namha ghami themire, God ginauna na theome taba ghami ghotilo. Naugna mae te diꞌa te saosalo takis igre mare jaola eni tuana.

Matiu 5:48

Nu te chekeni iara ka ghotilo na, ghotilo te gnafa na mala kafe klino nei doglo eghu fabrahu nakarhamire, jateula mae Kmami te au kligna te klino nei doglo fabrahu teu nakarhagna ia eghu.”

Kolose 4:14

Mae kherada keli dokta Luku, phiamare Dimas, jaola kubae ghami ghotilo.

Kolose 4:15

Iara ngagu ghami ghotilo fara te mala chekeni nogu kubae na ranghidi kherada naikno khiloau te au ka namono Leodisia. Eghuteuna iara jaola kubaeni Nifa nei naikno khiloau te mei tarai koba ka sugagna naꞌa na.