Matiu 5:39 - Buka Blahi Ka Cheke Holo

³⁹ Nu te chekeni iara ka ghotilo na, thosei tughu fapulo unha teke eni fadiꞌa ranghi nigho mae kheramu fofodu na. Nu mae ihei te famamaja nigho te mei te taponi keha phile bakomu na, iagho ke figri lao keha bakomu na mala ke tathapo mana.

Matiu 5:39 ပူးပေါင်းရင်းမြစ်များ

Ululahu Tesalonika 5:15

Fiofilo fakeli, thosei snakreni kaisei naikno me foli fapulo glepo te diꞌa ka ihei tughuni glepo te diꞌa. Nu fariuriu eni unha te keli koba fari themi, ba ranghidi naikno te gnafa.

Ululahu Pita 3:9

Jame kaisei mae ei puhi diꞌa ka ghotilo, thosei foli fapulo puhi te diꞌa tuana ka mana. Eghuteuna jame kaisei mae cheke diꞌa ka ghotilo, thosei cheke diꞌa fapulo ka mana. Blahi fara. Nu te keli na, ghotilo tarai ka God mala fablahini mana. Naugna tifa na God neke kilo ghami ghotilo, mana neke nhaꞌa cheke mala fablahi ghami ghotilo.

Proveb 20:22

Iagho thosei ghaoghatho mala ke tughu fapulo najafra teke eni ranghi nigho keha mae na. Theo. Iagho fatutuani ka Lord te mala togho nigho na, eghuteuna mana ginauna fakarhi nigho ka puhi biꞌo igne.

Lamentations 3:30

Jame naiknore magnahaghei magrini mae igne ba cheke fadiꞌani eghu mana, keliu kolho, mana tangomana te snakre lao ka mare te eni unha te magnahagheni mare na.

Levitikas 19:18

“Ghotilo thosei susuku ni kaisei kherami ba tughu fapulo kaisei puhi diꞌa teke eni mana na. Nu, ghotilo mala thofno namhadi kherami re jateula ghotilo te namha ghami themi eghu, naugna iara Lord.

Proveb 24:29

Iagho thosei cheke eghu, “Iara ginauna nake tughu fapulo unha teke eni mana ka iara na!”

Profet Isaia 50:6

Kate mei mare te purini thagrugu iara na, iara ke figri lao bakoguna mala tungnu mare gremohogure. Iara theome lhotidi tathagu nei foflogu teure, mala kmisudi mare.

Ululahu Korin 6:7

Nafnata puhi te eni ghotilo fari themi ka fate na igne falaseni te thofno jafrahi ghotilo na. Te keli na ghotilo snakredi keha thabusigna ka khiloau gne mala fanenei ghami, ba mala hata nomi glepore!

Jemes 5:6

Eghuteuna ghotilo fate fadiꞌadi naikno te theome eni kaisei najafra gre. Nu neuba ngau mare theome tangomana te magra fapulo na. Eghuteuna ghotilo jaola falehedi mare.

Thoutonu Eigna Mae Job 16:10

Naiknore cheke goigoni ghau iara, eghuteuna mare mei khapru faligoho ghau iara eghuteuna mare tapodi tathagu nei foflogu teu iara re.

Hibru 12:4

Kmana naikno te diꞌa fara neke magra ghami ghotilo, nu theo kaisei ka ghotilo te lehe ka puhi igne.

Luku 22:64

Eghuteuna mare ne pipiha tathagna mae Jisas re. Aonu mare ne ghusna eghu ka mana, “Ghema profet, gognarona iagho cheke ka ghehati. Mae ihei site tapo nigho iagho ia?”

Ululahu Kings 22:24

Kate nomhini igne, Profet Sedekaea haghe ne taponi mae Maekaea ne cheke faheta eghu, “Niha tharunga gna Lord teke jifla ka iara teke ari cheke ka iagho na?”

Profet Maeka 5:1

Ghotilo naiknomi Jerusalem! Tahati mala kilo fodu meidi noda soldia tahati ra! Gognarona naoka igre falithui ghitahi! Mare thofno parani nei famamajani eghu fara noda king tahati gne!

Matiu 5:40

Nu jame kaisei mae magnahaghei hati nigho kau fate mala hata nou phoko iagho na, jateula te pholorugna teke fadiꞌani mana iagho na teuna, jaola ke tusu lao iagho ka mana nou phipichi te brahu na eghu.

Luku 6:7

Hatimare mae velepuhigna vetula nogna mae Moses nei hatimare mae Farasi eghu ne fiofilo neu ka mae Jisas, glahula fakeli naikno mana kau narane Sabat. Naugna mare magnahaghei te filoni mana te eni unha te jafra ka nogna vetula mae Moses na, mala tangomana mare te fathoethokeni mana na.

Jone 18:23

Mae Jisas neke cheke eghu ka mana, “Te theome doglo nogu cheke iara na, ke falalase meini sagho aheva te jafra iara na. Nu te doglo teu ngala nogu cheke iara na, naugna unha site mei tapo ghau iara iagho gnea?”