Matiu 5:30 - Buka Blahi Ka Cheke Holo

³⁰ Jame te batu nigho khame fei nhetamu na kau puhi te diꞌa na, iagho kusu koko. Theome keli te lisa lao iagho thinimu fateo na Gehena ka khaꞌaghi te karha fabrahu na. Te keli na iagho koko ngala vido ikoi te diꞌa tuana.

Matiu 5:30 ပူးပေါင်းရင်းမြစ်များ

Nonomho Te Keli Teke Risoi Mae Mak 9:43

Eghuteuna jame khamemu iagho na batu fadiꞌa nigho ka nakhibo, kusu koko. Te keli na te kaisei khame kolho te hata iagho karha fei tifa na. Naugna theome keli te kafe au teu phei khamemure te tei iagho Gehena ka namono mala au papara na, aheva khaꞌaghi te theo ka lehegna.

Matiu 5:29

Nu, jame te batu nigho tatha fei nhetamu na kau puhi te diꞌa na, iagho bilo koko. Theome keli te lisa lao iagho thinimu fateo na Gehena ka khaꞌaghi te karha fabrahu na. Te keli na iagho koko ngala vido ikoi tuana.

Ululahu Pita 2:8

Eghuteuna ka keha grioriso te blahi na cheke eghu, “Naiknore ginauna totokhei ka thina igne. Eghuteuna mare ginauna na uka ka thina igne.” Mare uka naugna mare ne theome leghuni unha te chekeni God na. Igne unha te ghathoni God te maladi mare na.

Ululahu Korin 8:13

Eghume jame te fadidiꞌa iara nogna fatutuani mae kheragu fofodu na ka gano te ima iara teke fafara ka mumuju na, iara ginauna thosei ke ima gano teke fafara ka mumuju na.

Luku 17:2

Mae ihei te batu fadiꞌani kaisei sua kate fatutuani ghau iara igre nabagna na haru kaisei thina biꞌo ka graragna na mala faknoknoho ka nhorora gno. Tutuani, jame te eghu mana na, puhi igne ke keli fara uluni God te parani mana ginauna, naugna mana neke batu fadiꞌani sua ikoi tuana.

Matiu 13:21

Nu theome sukha pari ka nagnafagna mana na kolho, eghume theome au raugha kolho. Kate thoke mei puhi biꞌo ba naꞌau papara naugna te fatutuani ni chekegna God.

Luku 12:5

Iara na falalase ari ka ghotilo unha nafnata mae te mala mhaghuni ghotilo na. Mae jame te mala mhaghuni ghotilo na God ngala, naugna mana au nolaghi te mala falehe ghami ghotilo na, nei jaola au nolaghi te mala koko lao ghami ghotilo Gehena. Uve, kaisei mana ngala jame te mala mhaghuni ghotilo na.

Galesia 5:11

Kheraguro, jame tutuani te toutonu fabrahuni teu iara eigna vahe na, naugna unha si naiknore te para ghau iara gne? Jame toutonuni teu iara eigna vahe na mae Jiu gre ginauna theome diꞌa tadi ka iara kate toutonu iara eigna glehegna Kraes ke kligna gaju fafatha ia.

Letas Teke Riso Tei Mae Pol Ka Khiloau Rom 9:33

eigna God neke cheke eghu ka grioriso te blahi na, “Fanomho si ghotilo, iara ginauna lilisei haghe Saion kaisei naikno jateula kaisei thina mala faꞌukadi nei fatotokheidi naiknore. Nu ihei te fatutuani ni mana na, naikno igne ginauna theome tangomana te mamaja na.”

Matiu 26:31

Mae Jisas ne cheke eghu ka nogna mae fanomhore. “Ginau bongi na ghotilo na kafe tei koko ghau iara eigna unha nate eni mare ka iara na. Igne unha teke chekeni God ka grioriso te blahi na: “ ‘Iara ginauna faleheni mae greireghi sipu na, eghuteuna tothoghei sipu igne ginauna kafe rikiraka tafri.’

Matiu 22:13

“Mae funei na ne cheke eghu ka keha mae glokure, ‘Haru fodu khamegna ghahegna teu mae igne mala koko fakosi ka vido te romno ana. Ka vido tuana naiknore ginauna tanhi nei diꞌanagnafa fara eghu balu khabru biꞌo.’ ”

Matiu 25:20

Mae gloku teke hata glima duku sileni na, hata ne mei balugna ka mae funei na keha glima duku silenire. Mae gloku igne ne cheke eghu, ‘Mae funei, filo sagho! Iagho neke tusu mei glima duku sileni mala reireghi iara. Aonu iara neke loku ka nou glima duku sileni iagho ra neke horo haghe keha glima duku aro.’

Matiu 16:23

Mae Jisas figri ne cheke eghu ka mae Pita, “Iagho mae Satan, tei nou! Iara kilo nigho iagho mae Satan naugna iagho magnahaghei fanagra ghau iara te mala eni unha te magnahagheni God na. Unha te chekeni iagho igne theome mei funu ka God, nu nogna gaoghatho naikno kolho.”

Matiu 11:6

Eghume, ihei te maku fabrahu ka iara nogna fatutuani na, mana ginauna gleale'a fara.”

Matiu 5:22

Nu te chekeni iara ka ghotilo gognarona, mae ihei te diꞌatagna fara ka mae kheragna fofodu na, mare ginau na hatani mana kau fate. Eghuteuna mae ihei te cheke fadiꞌani mae kheragna fofodu na, mare na hatani mana kau fate ke uludi hatimare mae biꞌo. Eghuteuna mae ihei te cheke nolini mae kheragna fofodu na, mana ginauna tei Gehena kau khaꞌaghi te karha fabrahu na.

Matiu 17:27

Nu tahati theome magnahaghedi mare te diꞌa tadi ka tahati. Eghume iagho tei kau kholo gno mala koko soru nou thaotagho na. Eghuteuna korho haghe sasa te kulu chakhi ka iagho na, tothora ka foflogna na. Iagho ginauna filoni kaisei sileni naba te mala takis phia mae na au jare. Aonu iagho tei foli noda takis tapa na.”

Matiu 18:8

Jame khamemu ba ghahemu iagho na batu fadiꞌa nigho mala theome fatutuani iagho teuna, kusu koko. Te keli na hata koko vido thinimu te diꞌa tuana, eghuteuna ke leghu na iagho ginauna hata thofno nakarha te theo ka huigna. Igne ke keligna te kafe au teu phei khamemu nei phei ghahemu teu te koko lao nigho mare ka khaꞌaghi te theo ka lehegna na.