Matiu 5:21 - Buka Blahi Ka Cheke Holo

²¹ Mae Jisas ne cheke eghu ka mare, “Ghotilo la nomhinihi nodi farirhiu mae kuꞌeda tifa ra, ‘Thosei falehe naikno. Mae ihei te falehe naikno na, mare na hatani mana kau fate.’

Matiu 5:21 ပူးပေါင်းရင်းမြစ်များ

Diutronomi 5:17

Thosei aknu poruni ihei ka gaoghatho te diꞌa.

Eksodas 20:13

“Thosei aknu poruni ihei ka gaoghatho te diꞌa.

Matiu 5:38

Mae Jisas ne cheke eghu, “Ghotilo la nomhinihi u cheke farirhiu te cheke eghu ia, ‘Mae ihei te fadidiꞌa kaisei tathagna mae kheragna fofodu na, mare ginauna nake jaola fadidiꞌa kaisei tathagna mana. Eghuteuna mae ihei te pipisu kaisei kheꞌigna mae kheragna fofodu na, mare ginauna jaola nake pipisu kaisei kheꞌigna mana.’

Naba 35:12

Eghuteuna ka namono tuana, mana ginauna au fakeli nogna, naugna tharaknagna mae ihei teke lehe na ginauna theome tangomana teke tughu na, ghilei thokeni narane mala tei mana ka kot ke uludi naiknore.

Matiu 5:33

Mae Jisas ne cheke eghu, “Ghotilo la nomhinihi vetula teke cheke eghu mae kuꞌeda tahati tifa ra, ‘Thosei nhaꞌa cheke chaichaghi. Nu unha teke nhaꞌa chekeni ghotilo ka nanghagna God na tuana ngala te mala eni tutuani ghotilo na.’

Matiu 5:27

Mae Jisas ne cheke eghu, “Ghotilo la nomhinihi cheke farirhiu te cheke eghu ia, ‘Thosei tolaghi pedo.’

Matiu 5:43

Mae Jisas jaola neke cheke eghu, “Ghotilo la nomhinihi farirhiu te cheke eghu ia, ‘Namhani mae kheramu fofodu na, eghuteuna tirouni nou mae naoka na eghu.’

Diutronomi 16:18

Aonu mae Moses ne cheke eghu, “Ghotilo ginauna vavahi keha mae mala fate, eghuteuna keha mae mala mae biꞌo ka namono te gnafa aheva nate tusu ari Lord ka ghotilo na. Mae igre mala fatedi gobigna lepo ka puhi te doglo ka fate na.

Fapea Samuel 20:18

Eghuteuna naikno biꞌo igne ne cheke eghu ka mae Joab, “Tifa na, mare neke cheke eghu, ‘Jame ihei te au nogna puhi na, naikno igne tei Abel mala fadoglini puhi tuana.’

Fapea Kronikols 19:5

Ka narane tuana, mana lilisei mae mala fatedi naiknore ka namono te gnafa Juda aheva te bara te ligoho ka thina.

Ululahu Jone 3:15

Ihei te tirognani kheragna fofodu na mae tuana kaisei naikno aknu poru ka nagnafagna na. Ghotilo lasenihi theo kaisei naikno aknu poru te hatani karha fei tifa na.