Matiu 5:19 - Buka Blahi Ka Cheke Holo

¹⁹ Eghume, ihei te huhughuni kaisei phugra cheke ka vetula na, eghuteuna jaola meke farirhiudi keha naiknore mala ke huhughunila vetula na teuna, naikno tuana ginauna pari lahu ka naikno te funei frunidi God re. Eghuteuna ihei te leghuni vetula na eghuteuna jaola meke farirhiudi la keha naiknore mala leghuni la vetula na teuna, naikno tuana ginauna mae biꞌo lahu ka naikno te funei frunidi God re.

Matiu 5:19 ပူးပေါင်းရင်းမြစ်များ

Diutronomi 12:32

“Eghume, ghotilo mala edi gobigna lepo tela chekedihi iara ka ghotilo ra. Ghotilo thosei ke nhaꞌa lao keha chekei, eghuteuna ghotilo thosei ke hata koko kaisei cheke tagna.”

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Matiu 11:11

Tutuani fara, te chekeni iara ka ghotilo na, mae Jone Apublahi gne kaisei mae biꞌo fara ka fiti naikno te gnafa ka nauthoglu igne. Nu naikno te ikoi fara ke lamnadi naikno God te funei frunidi igre, mana mae ke biꞌo gna mae Jone.

Nodi Khoje Hatimare Mae Jiu 119:6

Jame te fanomho fakeli iara ka nou famane cheke iagho re meuna, naiknore ginauna theome tangomana te famamaja ghau iara na.

Taetus 3:8

U farirhiu te edi iara igre glepo tutuani fara. Nu iara magnahaghe nigho te hati nhetamu na mala famane farirhiudi naikno te fatutuani ni God are. Aonu iagho mala ghatho tahuni fabrahu mare te mala eni unha glepo te keli na eghu naugna unha glepo te keli na ngala te tangomana te toghodi keha naiknore.

Profet Daniel 12:3

Eghuteuna iheire te au tadi glalase te mala toghodi keha naiknore te mala leghuni puhigna God te doglo na igre ginauna siasigla fabrahu jateula nathunu ka maloa na are eghu.”

Nodi Khoje Hatimare Mae Jiu 119:128

Eghume, iara thono tirogudi fara puhi diꞌa te gnafare mala leghuni kolho nou famane cheke iagho na.

Thakle 2:20

Nu kaisei glepo ngala te theome magnahagheni iara ka ghotilo na. Eigna ghotilo ne snakreni Jesebel ne eni unha te magnahagheni naꞌa na. Jesebel gne kaisei gaꞌase gnognoro fara nu naꞌa chaichaghi ne cheke eghu, ‘Iara kaisei nogna profet God.’ Tutuani, Jesebel gne ne korho fadeleidi nogu naikno iara re mala leghuni nogna farirhiu thegna te jafra fara na. Naꞌa baubatudi naiknore mala gnognoro nei ghamu gano teke fafara ka mumujure eghu.

Letas Teke Riso Tei Mae Pol Ka Khiloau Rom 6:15

Ka gaoghathodi u cheke teke chekedi iara ra, jame kaisei mae cheke eghu, “Gognarona tahati theome au ke parigna nogna vetula mae Moses, nu tahati au ngala ke parigna nogna khokofakasai God mala togho ghita. Eghume tahati eni fabrahu ngala nakhibo na eghu.” Cheke mana igre thofno doglo fara? Theo fara!

Diutronomi 27:26

“ ‘Puhi biꞌo ginauna thokeni ihei te theome leghudi famane farirhiu igre.’ Eghuteuna naiknore ginauna cheke eghu, ‘Amen!’ ”

Ululahu Timoti 6:11

Nu iagho kaisei mae nogna God. Eghume iagho nabamu na au fadelei ka glepo te diꞌa tuare. Iagho fariuriu koba mala edi unha te doglo ke ulugna God. Eghuteuna au fakeli nakarhamu na ka khiloau gne, nei loku famaku ka nou fatutuani na. Au heta ka vido te ninhigrana, biꞌo nou namha na ranghini ihei nei lolokelidi keha naiknore.

Letas Teke Riso Tei Mae Pol Ka Khiloau Rom 6:1

Eghume, faꞌunha eghu tahati cheke eigna te mala doglo ke ulugna God na? Nabada na tahati au fabrahu ka puhi nakhibo mala biꞌo salaꞌui ranghi ghita nogna khokofakasai God na?

Ululahu Pita 5:4

Eghuteuna kate thakle mei Kraes na, mae pha'ugna greireghi sipu na, mana ginauna na tusu ranghi ghami ghotilo taba biꞌo te siasigla fabrahu tifa te tifa.

Luku 11:42

“Puhi biꞌo ka ghotilo, mae Farasi ra! Naugna ghotilo tangomana te tusu lao ka God kaisei ka fabothodi ghemi khuromu te kilodi mint, nei ruꞌu, nei keha glepo ikoi langau teke hata ka nomi nagare re. Nu ghotilo ghatho ihodi te mala toghodi naiknore nei ghatho iho nila te mala namhani God. Glepo te ikodi igre te mala edi ghotilo re, nu ghotilo thosei ghatho dila glepo te biꞌo are.

Matiu 19:28

Mae Jisas ne cheke eghu ka mare, “Tutuani fara, te chekeni iara ka ghotilo na. Kate thoke mei nogna nauthoglu majaghani God na iara mae teke mei funu kligna na ginauna gnokro ka sape nafnakno. Eghuteuna ghotilo te gnafa te leghu ghau iara gre ginauna jaola gnokro ka nabotho phei sape nafnaknore. Eghuteuna ghotilo ginauna funei frunidi nabotho phei vikegna Israel.

Ululahu Samuel 2:30

“Naugna igne iara Lord nodi God mae Israel, igne unha te chekeni iara na: Tifa na iara neke nhaꞌa cheke ka kuꞌemu iagho Eron ba iheire te gnafa ka tharaknagna mana na igre, mare ginauna mala mae pris mala edi fabrahu nogu gloku iara re. Nu gognarona, iara na cheke fadoglo ari ka iagho, u nhaꞌa cheke igne la gnafahi ka mae thumu iagho ra! Gognarona, mae ihei te ghatho tahu ghau iara na, iara ginauna ghatho tahuni mana. Nu mae ihei te tirogna ghau iara na, iara ginauna na jaola tiroguni mana.

Letas Teke Riso Tei Mae Pol Ka Khiloau Rom 3:8

U nafnata cheke tuana jateula cheke igne eghu, “Tore, tahati na eni fabrahu puhi te diꞌa na. Kate eni tahati tuana, kmana puhi te keli na thakle mei funu ka God.” Nu nafnata cheke tuana thofno diꞌa fara. Nu neuba, keha naiknore cheke fadiꞌa ghami ghehati nei chekedi ka ghehati nafnata cheke igre. Te keli na God ginauna fatedi naikno te chekedi nafnata cheke igre.

Mae Khuru 1:1

Ranghi nigho iagho ghema kheraguo Teofilas: Uve, ghema, u buka teke kulu risoni iara tifa ia, iara chekedi kolho ka iagho gobigna lepo teke edi nei farirhiudi teku mae Jisas ka naiknore funu ka narane teke vuvuhagna mana nogna gloku na

Luku 9:48

Ke leghugna igne mana ne cheke eghu ka mare, “Mae ihei te toghoni sua igne ka nanghagu iara na, mana togho ghau la iara. Eghuteuna ihei te togho ghau iara na, mana theome togho ghau iara kolho nu togho nila mae teke kuru mei ghau iara na. Mae ihei te lisei soruni thegna pari lahu na, mana ngala mae te biꞌo lahu ka ghotilo te gnafa na.”

Luku 1:15

Naugna ginauna mana na kaisei mae nafnakno ka tathagna Lord na. Eghuteuna mana na theome koꞌu waen ba unha nafnata khoꞌu te nheta fara. Nu funu ka karhagna na, mana na fodu ka Tharunga te Blahi.

Matiu 20:26

Nu ghotilo thosei jateula tuana eghu fari hoteimi themi. Mae ihei te magnahaghei mae biꞌo ka ghotilo na, mana mala jateula mae gloku eghu ka ghotilo.

Ululahu Jone 3:4

Ihei te tapla jafra ka nakhibo na, mana huhughuni fara nogna vetula God na, naugna nakhibo na huhughuni vetula na.