Matiu 5:15 - Buka Blahi Ka Cheke Holo

¹⁵ Jame kaisei mae fakasa juta, mana theome tangomana te lilisei ke pari khara'o na, theo. Nu mana na lilisei haghe kligna, mala kafe phae ka iheire te au kau suga na.

Matiu 5:15 ပူးပေါင်းရင်းမြစ်များ

Nonomho Te Keli Teke Risoi Mae Mak 4:21

Aonu mae Jisas ne ghusna eghu ka mare, “Ba, ihei tangomana te fakasa juta na te lilisei ke pari khara'o ba ke pari sape na? Theome tangomana! Mana na lilisei haghe ka vido mala au gna na.

Luku 11:33

Mae Jisas ne cheke eghu, “Theo kaisei naikno te fakasa juta na te lilisei ke pari khara'o ba ke pari sape. Theo! Mana na lilisei haghe ka vido mala lilisei juta na, mala tangomana naikno te ruma ka suga tuana te filo fakeli eigna juta na.

Luku 8:16

Eghuteuna mae Jisas ne cheke eghu, “Theo kaisei mae te fakasa juta na te toku tafru ke pari khara'o na, ba lilisei ke pari sape. Nu mana na lilisei ka vido te mala augna na, eghuteuna naikno te ruma ka suga tuana na fifilo fakeli eigna naphae tuana.

Naba 8:2

“Cheke ka mae pris Eron, kate nhaꞌa haghe mana fitu juta ikodi igre, juta igre ginauna mala phae mei ke ulu.

Eksodas 25:37

“Ghotilo edi fitu juta oel malagna frem igne, eghuteuna lilisei kligna mala phae ke ulugna.

Profet Sekaraea 4:2

Mana ne ghusna eghu, “Unha te filoni iagho gognarona?” Iara ne cheke eghu ka mana, “Iara ne filoni kaisei thaba mala lilisei juta teke horo mare ka famane gol. Kligna ka thaba igne au kaisei dis mala lilisei oel. Eghuteuna ke klignadi fitu juta igre kafe au fitu wik mala phaedi fitu juta igre.

Luku 11:36

Te phae fara thinimu nei gaoghathomu, nei puhimu teu iagho na, ginauna theo kaisei vido nate romno ka iagho na, jateula kaisei juta te phae mei ka iagho ia eghu.”

Filipae 2:15

Nu au fadelei ka glepo te diꞌare, mala nu theo kaisei naikno te filoni kaisei najafra ka ghotilo na eghu. Ghotilo ginauna mala goro thugna God eghu mala theo kaisei najafra tami. Nu ghotilo ginauna au ngala kau nauthoglu igne baludi naikno te thono diꞌa fara puhidi are. Uve, ghotilo mala jateula u nathunu te phae kate romno ka maloa na ia eghu ka mare.

Hibru 9:2

Mare kiloni u suga te au ke lamnagna u bara na igne “Suga tapuale”. Eghuteuna chogho ulu lahu te mala ruma naikno na, mare kiloni “Chogho blahi”. Jare ka chogho tuana au kaisei juta, nei kaisei tevo mala lilisei gna u bret blahi na.

Thakle 2:5

Iara tore ghami mala ke ghatho fapuloni aheva te ari te jafrani ghotilo na. Tughu nagnafa nei ke pulo ka iara eghu mala tangomana ghotilo te namha ghau iara na, jateula teke eni ghotilo tifa ia eghu. Jame te theome tughu ghotilo na, iara ginauna ari hata fadelei nomi juta ghotilo na.