Matiu 5:14 - Buka Blahi Ka Cheke Holo

¹⁴ “Ghotilo mala jateula juta eghu mala baubatuni nakarha te keli na ka naiknogna nauthoglu igne. Namono te au ka thogele na, theome tangomana te poru ka tathagna naikno na.

Matiu 5:14 ပူးပေါင်းရင်းမြစ်များ

Filipae 2:15

Nu au fadelei ka glepo te diꞌare, mala nu theo kaisei naikno te filoni kaisei najafra ka ghotilo na eghu. Ghotilo ginauna mala goro thugna God eghu mala theo kaisei najafra tami. Nu ghotilo ginauna au ngala kau nauthoglu igne baludi naikno te thono diꞌa fara puhidi are. Uve, ghotilo mala jateula u nathunu te phae kate romno ka maloa na ia eghu ka mare.

Jone 8:12

Ke leghugna igne, mae Jisas ne cheke eghu ka naiknore, “Iara jateula u naphae eghu ka naiknogna nauthoglu igne. Ihei te leghu ghau iara na, mana ginauna theome totokhei kate romno na, nu mana na au kau naphae mala filoi u nabrou te karha na.”

Ululahu Tesalonika 5:5

Ghotilo hui nogna naikno naphae. Ghotilo nogna naikno narane. Tutuani tahati theome nogna bongi ba gromno.

Proveb 4:18

Puhigna naikno te doglo na jateula naprai te haghe hamerane boibongi, eghuteuna ke agha fabiꞌo farai aublatha thongana ra eghu.

Jone 12:36

Eghume, fatutuani ni si ghotilo naphae gne kani au ngau naphae gne balumi ghotilo, mala nogna naikno naphae ghotilo.” Ke leghugna te chekedi mana glepo igre mana jifla ne porudi mare.

Fapea Korin 6:14

Ghotilo nhogri ka iheire te theome fatutuani, eghume thosei fariuriu loku baludi. Eigna unha te keli na theome tangomana te loku fodu ka unha te diꞌa na. Eghuteuna u naphae na theome tangomana te au fodu ka gromno na.

Jone 5:35

Mae Jone gne jateula kaisei juta te faghano phae te mala filo fakelini u nabrou te tei ka God ia eghu. Eghuteuna katha vido ikoi ghotilo neke nomhidi chekegna mana re neke gleale'a fara.

Thakle 1:20

Iagho filodi fitu nathunu te louloku iara fei khame nhetagu gre, nu iagho theome laseni gaoghathodi fitu nathunu igre. Uve, fitu nathunu igre gaoghathogna na hatimare mae engel ka fitu khiloau gre. Eghuteuna iagho jaola filodi fitu juta teke hohoro ka gol. Fitu juta igre gaoghathogna na eidi fitu khiloau tuare kolho.”

Jone 9:5

Kani au nga teu iara kau nauthoglu igne, iara ngala u juta te mala faphaedi naikno te au kau nauthoglu igne.”

Thakle 2:5

Iara tore ghami mala ke ghatho fapuloni aheva te ari te jafrani ghotilo na. Tughu nagnafa nei ke pulo ka iara eghu mala tangomana ghotilo te namha ghau iara na, jateula teke eni ghotilo tifa ia eghu. Jame te theome tughu ghotilo na, iara ginauna ari hata fadelei nomi juta ghotilo na.

Profet Esikiel 5:5

“Iara Lord, iara te chekeni igne: Brik igne, jateula Jerusalem eghu. Iara neke lilisei Jerusalem farihotei ka keha kantri te gnafa ka nauthoglu igne.